სტატიები   ›  ფსიქოლოგია, თამაშები   ›   ვიდეო თამაშები და ბავშვები

ვიდეო თამაშები და ბავშვები

ფავორიტებში დამატება
სალომე მაჩიტიძე
სალომე მაჩიტიძე
ფსიქოლოგი

ოცდამეერთე საუკუნე ტექნოლოგიების განვითარების საუკუნეა. ამ საუკუნის ბავშვებს და თინეიჯერებს ვერ წარმოუდგენიათ სამყარო მობილური ტელეფონების, ინტერნეტის, ჩატების და ვიდეო თამაშების გარეშე. ახალგაზრდები კვირაში საშუალოდ 53 საათს ატარებენ მედიასა და ტექნოლოგიებთან ურთიერთობაში, ეს თაობა უფრო მეტ დროს ატარებს ეკრანებთან, ვიდრე სხვა ნებისმიერ საქმიანობაში, სკოლის, ოჯახის, სპორტის და ძილის ჩათვლით.

განსხვავებული მოსაზრებები არსებობს იმ გავლენებზე რასაც ახალი ტექნოლოგიები ახდენენ თანამედროვე ახალგაზრდობაზე და განსაკუთრებით ბავშვებზე. თუმცა უნდა აღინიშნოს, რომ უფროსი თაობისგან უფრო ხშირად ნეგატიური განწყობა ფიქსირდება და ამ ნეგატიური განწყობის ყველაზე დიდი წილი მაინც ვიდეო თამაშებზე ვრცელდება.

აღსანიშნავია, რომ იმის გათვალისწინებით, თუ რა ჩანს ზედაპირულად, ბავშვებში მომატებული აგრესიის მიზეზად ძირითადად ვიდეო თამაშები და მედია სახელდება. თუმცა ოფიციალური კვლევები მაინცდამაინც არ იზიარებენ ამ შეხედულებას.

როდესაც ვსაუბრობთ იმაზე, თუ რა კავშირშია ბავშვებში აგრესიის მატება და ვიდეო თამაშები, სასურველია, ჯერ განვიხილოთ, თუ რამდენად წესების დაცვით ხდება მათი მოხმარება.

მშობლებს გააჩნიათ საკმაო შესაძლებლობები იმისა, რომ გააკონტროლონ მათი შვილების მიერ მედიასა და ტექნოლოგიებთან ურთიერთობა.

პირველი, რაც მშობლებმა უნდა გაითვალისწინონ არის ის, რომ იცოდნენ იმ თამაშის შინაარსი, რასაც მათი შვილი თამაშობს და დარწმუნდნენ, რომ ბავშვის განვითარების დონე შეესაბამება თამაშისთვის რეკომენდირებულ ასაკს. ყველა თამაშს თან ახლავს ასაკობრივი შეზღუდვის მითითება, რომელიც მშობელს ეხმარება სწორად განსაზღვროს, მიზანშეწონილია თუ არა იგი მისი შვილისთვის.

და მეორე, მშობლებმა მონიტორინგი უნდა გაუწიონ, თუ რამდენ დროს ხარჯავს მათი შვილი ვიდეო თამაშებზე და სხვა აქტივობებზე.

მშობლები პასუხისმგებლები არიან დაეხმარონ შვილებს წიგნების, სათამაშოების, სატელევიზიო პროგრამების და ფილმების შერჩევაში, რომელიც თითოეული ბავშვისთვის შესატყვისი იქნება.

გასართობი საშუალებები უნდა იყოს სახალისო, ამყოლი და ხელი შეუწყონ შემოქმედებითი ფანტაზიის განვითარებას. ყურადღება უნდა მივაქციოთ, რომ არ იყვნენ ზედმეტად მაფრუსტრირებელი და არ შეიცავდნენ ბავშვისთვის საშიშ სურათებს ან ინფორმაციას, რადგან  შიშის საფუძველზე ზოგ ბავშვს ეწყება შფოთვა და ღამის კოშმარები. გასართობი საშუალებები არ უნდა შეიცავდეს ისეთ განზოგადებულ ინფორმაციას, რომელიც ბავშვს ისეთ შეკითხვებს გაუჩენს, რომელზეც პასუხის გაცემა მისი ასაკისთვის და ემოციური მომწიფების დონისთვის არ არის რეკომენდირებული.

ყველა ბავშვი განსხვავებულია და თითოეულ მათგანს განსაკუთრებული მიდგომა სჭირდება გასართობი საშუალებების გამოყენებისას. ზოგი ბავშვი უფრო მეტად არის მიდრეკილი გაიმეოროს ის ქმედებები, რაც დაინახა თამაშში, ფილმში თუ რეალობაში, ზოგი კი ნაკლებად. ზოგი მათგანი ძნელად ანსხვავებს ერთმანეთისგან რეალობასა და ფანტაზიას. ზოგი შესაძლოა საკუთარი იმპულსების კონტროლის ნაკლებობით ხასიათდებოდეს და ამის გამო ზედმეტად ჩაერთოს ძალადობრივ სცენებში. მეორეს მხრივ, არსებობენ ბავშები, რომლებსაც სხვადასხვა მიზეზების გამო ახასიათებთ ემოციური აშლილობა, ასეთი ბავშვები შესაძლოა უფრო მოწყვლადნი იყვნენ ძალადობრივი სცენების მიმართ. მშობლები კარგად უნდა იცნობდნენ ბავშვებს და მათი ხასიათიდან გამომდინარე შეურჩიონ თამაშები, ფილმები თუ სათამაშოები.

გასართობი საშუალებები განსხვავდება თავისი შინაარსის მიხედვით. ზოგი შესაძლოა იყოს შემეცნებითი, ზოგი კი უბრალოდ გასართობი. ბავშვთა ფსიქოლოგები თანხმდებიან იმაზე, რომ ზოგ ფანტაზიაზე დაფუძნებულ თამაშს შეუძლია განავითაროს ბავშვის კოგნიტური უნარები, როგორიცაა მაგალითად დაგეგმვის უნარი, თამაშები ასევე კარგად ანვითარებს კოორდინაციის უნარებს.

ასე რომ გასართობი საშუალებები, რომელიც შესაძლოა უარყოფითი გავლენის მქონედ ითვლებოდეს, არ უნდა გამოვრიცხოთ, რომ სწორად მოხმარების შემთხვევაში ბავშვისთვის სასიკეთო გამოდგეს.

სასურველია, მშობლებმა თვითონაც ითამაშონ ბავშვებთან ერთად და ესაუბრონ იმაზე თუ რას ფიქრობენ ბავშები ამ თამაშზე, გაიზიარონ მათი განცდები, გრძნობები, აღქმები და ჩართულნი იყვნენ ყველაფერ იმაში, რაც მათი შვილის განვითარებაზე გავლენას ახდენს.

სტატიები ამავე თემიდან

წარმოსახვითი მეგობარი ანუ კარლსონის სინდრომი

ნორმალურია თუ არა, რომ ბავშვს ჰყავდეს წარმოსახვითი მეგობარი და ცხოვრობდეს მის მიერ გამოგონილ სამყაროში?

ბავშვებზე ძალადობა: ძალადობის მიზეზები და შედეგები

რა არის ძალადობის მიზეზი და რა შედეგები მოყვება მას. რა მდგომარეობაა დღეს საქართველოში ამ თემასთან დაკავშირებით.

დაუნის სინდრომი

რა არის დაუნის სინდრომი? რა იწვევს დაუნის სინდრომს და როგორ დავეხმაროთ განვითარებაში დაუნის სინდრომის მქონე ბავშვს?

ბავშვის მიერ მედიამოხმარების პოზიტიური და ნეგატიური გამოვლინებები

რა უარყოფით თუ დადებით შედეგს აძლევს მოზარდს ისეთი კომპეტენციების ადრეულ ასაკში დაუფლება, როგორებიცაა: მობილური, კომპიუტერი და ტელევიზორი?

რას ვაკეთებ იმისთვის, რომ ჩემ შვილს კითხვა შევაყვარო

ჩემი შვილი 4 წლისაა, ამიტომ ვცდილობ ყველაფერი თამაშად ვაქციო, მათ შორის წიგნის კითხვაც, რადგან თამაშით სწავლა ამ ასაკის ბავშვებისთვის წამყვანია.

ინტროვერტი ბავშვი: რჩევები და რეკომენდაციები

ვინ არიან ინტროვერტები? როგორია მათი სამყარო? სტატიაში მოკლედაა შეჯამებული ინტოვერტი ბავშვის ფსიქოლოგია, მათი დამახასიათებელი თვისებები. ასევე, მოცემულია რჩევები და რეკომენდაციები, რომელიც ინტროვერტებთან ურთიერთობაში დაგეხმარებათ.

რატომ არის მნიშვნელოვანი ბავშვის სოციალური და ემოციური განვითარება?

წარმოიდგინეთ, რომ თამაშობთ თქვენი საყვარელი კუბიკებით, ამ დროს კი თქვენი თანატოლი გართმევთ მათ. როგორ ფიქრობთ, რა უნარები დაგჭირდებათ ამ პრობლემის გადასაჭრელად?თანატოლებთან და უფროსებთან ურთიერთობა ბავშვის ყოველდღიური ცხოვრების მნიშვნელოვანი ნაწილია. ზოგიერთი მათგანისათვის ამ ამოცანასთან გამკლავება სერიოზული გამოწვევაა. ბავშვის წარმატებას მის სოციალურ ცხოვრებაში მნიშვნელოვნად განსაზღვრავს სოციალურ-ემოციური სფეროს განვითარება.

ერთი დღე გართობისა და განვითარებისთვის

სტატიაში აღწერილ, ბავშვთან ერთად გატარებული ერთი დღის მაგალითზე, თქვენ გაეცნობით საინტერესო აქტივობებს, თუ როგორ შეიძლება ყოველდღიური რუტინა ვაქციოთ ბავშვისთვის სხვადასხვა უნარების განმავითარებელ და სახალისო პროცესად.

როგორ ვმართოთ დედმამიშვილების ჩხუბი

როგორ უნდა მოიქცეთ, როდესაც დედმამიშვილები კამათობენ? ბავშვთა ფქისოლოგის რჩევები, თუ როგორ უნდა მოიქცეთ მსგავს სიყუაციებში.

ADHD - როგორ ამოვიცნოთ ჰიპერაქტიური ბავშვი

თუ ბავშვს სკოლაში აქვს სწავლისა და კლასელებთან, მასწავლებლებთან ურთიერთობის პრობლემები, თუ იგი ვერ ახერხებს კონცენტრაციას საკლასო ოთახში, არ ასრულებს და თავს არიდებს სამუშაოს - შესაძლოა მას ჰქონდეს ყურადღების დეფიციტის და ჰიპერაქტივობის სინდრომი.

როგორ შევაყვაროთ ჩვენს პატარას წიგნები

სტატიაშია მოცემული საინტერესო და სახალისო რჩევები, როგორ უნდა შეაყვაროთ თქვენს პატარებს წიგნთან ურთიერთობა.

რა შეცდომებს ვუშვებთ ბავშვის შექებისას?

აღზრდის პროცესში დიდი მნიშვნელობა აქვს შექებას. მისი საშუალებით ბავშვები სწავლობენ სწორ ქცევას, უყალიბდებათ დადებითი წარმოდგენა საკუთარ თავზე.შექება ეფექტურია, თუ მას სწორი ფორმით ვაწვდით ბავშვს. სტატიაში გთავაზობთ რამოდენიმე რამოდენიმე შეცდომას, რომელსაც ხშირად უშვებენ მშობლები.

ბავშვები და კომპიუტერი

ბავშვობა ალბათ ის პერიოდია, რომელსაც მოზრდილ ადამიანთა უმრავლესობა მუდამ შენატრის და ხშირად დროის უკან დაბრუნებაზე ოცნებობს.

კომპიუტერული თამაშების ნეგატიური და პოზიტიური გავლენა ბავშვებზე

რა დადებითი და უარყოფითი გავლენა შეიძლება მოახდინოს ბავშვებზე კომპიუტერულმა თამაშებმა. გაიგეთ თუ რომელი თამაში როგორ გავლენას მოახდენს ბავშვებზე.

საბავშვო ტორტების შეკვეთა - ადგილზე მიტანით

ფავორიტებში დასამატებლად უნდა შეხვიდეთ სისტემაში.
ხოლო თუ ჯერ არ გაქვთ გახსნილი ანგარიში kids.ge-ზე, გაიარეთ რეგისტრაცია