სტატიები   ›  ფსიქოლოგია, განვითარება, ბავშვის ტემპერამენტი   ›   ინტროვერტი ბავშვი: რჩევები და რეკომენდაციები

ინტროვერტი ბავშვი: რჩევები და რეკომენდაციები

ფავორიტებში დამატება
ანა კუხაშვილი
ანა კუხაშვილი
ფსიქოლოგი, პედაგოგი
გამოქვეყნების თარიღი: 04 აპრილი, 2016

  " მე არ ვარ მორცხვი,    
    მე არ ვარ მოსაწყენი..
 
   
მე ინტროვერტი ვარ.. "

სამყარო მრავალფეროვანი ადამიანებითაა სავსე. სწორედ ამიტომ, მეცნიერები მუდმივად ცდილობდნენ ადამინების კატეგორიზებას. ფსიქოლოგებისთვის ყველაზე გავრცელებული და პრაქტიკულია ადამიანების ექსტრავერტებად და ინტროვერტებად დაყოფა. ექტრავერსია-ინტროვერსია ეს ტემპერამენტის ტიპია, რომელსაც არ ვირჩევთ. ის ადამიანის ბიოლოგიურ დონეზე განპირობებული მდგომარეობაა.

ახლა კი, მოკლედ მიმოვიხილოთ თითუეული მათგანი. ექსტრავერტი არის ადამიანი, რომელიც სოციალურია, მარტივად ამყარებს ურთიერთობებს ადამიანებთან, სიამოვნებს საზოგადოებასთან აქტიური კომუნიკაცია, ყურადღების ცენტრში ყოფნა. ინტროვერტი კი არის ადამიანი, რომელსაც სიმშვიდე, საკუთარ თავთან მარტო დარჩენა, სიჩუმე უყვარს. სწორედ ადამიანთა ამ კატეგორიაზე მსურს, რომ ვრცლად გესაუბროთ.

ხშირად ამბობენ, რომ ჩვენი სამყარო - ექსტრავერტებისაა, რადგანაც მათი რიცხვი პროცენტულად ბევრად აჭარბებს ინტროვერტების რაოდენობას. საშუალოდ, ადამიანთა 30-35% ინტროვერტია. სწორედ იმიტომ, რომ ინტროვერტები უმცირესობაში არიან, საჭიროა მათზე ორმაგი ყურადღების გამახვილება, რათა სამყაროსთან ადაპტირება მათთვის ზედმეტად რთული არ იყოს.


    როგორ მივხვდეთ რომ ჩვენი შვილი ინტროვერტია

    ინტროვერტი ბავშვის ამოცნობა აღმზრდელის საკმაო ყურადღებას მოითხოვს:

  • ინტროვერტებს უყვართ ადამიანებზე დაკვირვება. ცდილობენ, რომ ჯერ დეტალურად შეისწავლონ გარშემო მყოფი ადამიანები და ამის შემდეგ დაამყარონ მათთან ნებისმიერი სახის კონტაქტი.

  • მათი თვალსაწიერი და ინტერესთა სფერო ძალიან ფართოა. მარტივად ახერხებენ ყურადღების კონცენტრირებას და საუბარს მათთვის საინტერესო თემებზე.

  • ინტროვერტებისთვის კომფორტულია მარტო ყოფნა. ისინი ყოველთვის იპოვნიან რაიმე საინტერესოს მარტო ყოფნისას. ხშირად, ბედნიერებიც კი არიან, როდესაც სახლში მარტო დარჩენა უწევთ, თუნდაც საკმაო ხნის მანძილზე.

  • მათთვის განსაკუთრებით დამღლელია ხალხმრავალი ადგილები. პატარა ასაკიდანვე ცდილობენ თავი აარიდონ მსგავს სიტუაციებს. სტუმრად ყოფნისას ხშირ-ხშირად ითხოვენ სახლში წასვლას. ეს სიგნალია, რომ თქვენი პატარა გამოიფიტა და მისთვის აუცილებელია დასვენება.
     
  • ინტროვერტებისთვის დამახასიათებელია მცირე სანაცნობო წრე, მათ სულ რამდენიმე მეგობარი ჰყავთ. 
  • რაც შეეხება პირად სივრცეს, მათ მკვეთრად შემოსაზღვრული პირადი სივრცე აქვთ. მარტივად ღიზიანდებიან, როდესაც მათ პირად სივრცეს პატივს არ სცემენ, იძაბებიან როდესაც ადამიანები ზედმეტად უახლოვდებიან. 

  • შესამჩნევად ერიდებიან ყურადღების ცენტრში მოხვედრას. უჭირთ საჯაროდ სიტყვის წარმოთქმა, ბაღისა და სკოლის ზეიმებზე გამოსვლა. 

თუ  ზემოთ ჩამოთვლილი მახასიათებლები თქვენთვის ნაცნობია, შეგვიძლია ვთქვათ, რომ თქვენი შვილი ინტროვერტია.

 

რჩევები ინტროვერტი ბავშვების მშობლებისთვის (აღმზრდელებისთვის)

  • ნუ ეცდებით თქვენი შვილის შეცვლას, მისი შეცვლის ყოველი მცდელობა ბავშვისთვის მატრავმირებელი იქნება.

  • ეცადეთ თქვენი შვილი აარიდოთ ხალხმრავალობას, ხოლო თუ მაინც მოგიწევთ ხმაურიან ადგილზე მოხვედრა, ეცადეთ დროდადრო მშვიდ ადგილზე განმარტოვდეთ თქვენს პატარასთან ერთად. ამით მას ენერგიისა და ძალების აღდგენაში დაეხმარებით. ასევე მიუთითეთ, რომ თუ დაიღლება ადამიანებთან ურთიერთობის პროცესში, თამამად ითხოვოს შესვენება.

  • ინტროვერტებს ძალიან უყვართ თამაშები. მათთვის საინტერესოა თამაშები, რომლებიც ყურადღების მაქსიმალურ კონცენტრირებას და ფანტაზიორობას მოითხოვს. მსგავსი თამაშების დროს ისინი „ეთიშებიან“ გარესამყაროს და დასვენებას ახერხებენ. ასეთი აქტივობებია: ხატვა, ძერწვა, ლეგოს აწყობა, ფაზლები.

  • აუცილებელია, ბავშვმა ხშირად იგრძნოს, რომ მათ სურვილებს პატივს ვცემთ. თუ ისინი მარტო დარჩენას ითხოვენ, ნუ შეშფოთდებით, უბრალოდ დროის გარკვეულ მონაკვეთში დატოვეთ ისინი მარტო.
  • შესაძლოა ინტროვერტებს საკუთარი თავის მიმართ ირაციონალური დამოკიდებულება ჰქონდეთ, ამიტომაც ხშირად შეაქეთ, ეს თვითშეფასების ამაღლებაში დაეხმარებათ.

  • ადამიანებთან ურთიერთობა ინტროვერტებს დიდ ენერგიას ართმევს, დაეხმარეთ ბავშვს სოციალური ურთიერთობების აწყობაში. ისინი ნელ-ნელა უნდა მიაჩვოთ ადამიანებთან კონტაქტს. აუცილებლად შეაქეთ ყოველი წარმატებული თუ წარუმატებელი კომუნიკაციის შემდეგ. ხშირად ისაუბრეთ მათთან ადამიანებზე.                

    ინტროვერტები ღრმა ადამიანები არიან. ყოველთვის საინტერესოა მათთან საუბარი. პატარა ასაკიდანვე ვირტუოზულად ახერხებენ ადამიანების მოსმენას და კარგი რჩევების მიცემას. მარტივად შეუძლიათ სიტუაციის სიღრმისეული ანალიზი. ინტროვერტები დამოუკიდებელი და მიზანმიმართული ბავშვები არიან, დიდ წარმატებებს ჩუმად და უხმაუროდ აღწევენ. ხშირად ამბობენ,რომ ინტროვერტებს თანდაყოლილი სიბრძნე აქვთ. 


ვფიქრობ, ჩემი მოკრძალებული რჩევები პატარა ინტროვერტთან ურთიერთობას შედარებით მარტივს გახდის. მოემზადეთ, წინ ბევრი საინტერესო, მრავალფეროვანი და სასიამოვნო თავგადასავალი გელოდებათ. 

სტატიები ამავე თემიდან

ბავშვებზე ძალადობა: ძალადობის მიზეზები და შედეგები

რა არის ძალადობის მიზეზი და რა შედეგები მოყვება მას. რა მდგომარეობაა დღეს საქართველოში ამ თემასთან დაკავშირებით.

როგორ შევაყვაროთ ჩვენს პატარას წიგნები

სტატიაშია მოცემული საინტერესო და სახალისო რჩევები, როგორ უნდა შეაყვაროთ თქვენს პატარებს წიგნთან ურთიერთობა.

ყურადღება და მისი როლი სასკოლო პროცესში

უმცროსკლასელთა სასკოლო წარმატება მნიშვნელოვნადაა დამოკიდებული ყურადღების განვითარების დონეზე.

მასწავლებლის თვალით დანახული ბავშვების აგრესიის ზოგიერთი მიზეზი

ფსიქოლოგების ნაწილი ფიქრობს, რომ როცა მოზრდილი ადამიანი უბრალო მიზეზის გამო ოჯახის წევრებს ეჩხუბება, ე.ი. მას სამსახურში საქმეები ცუდად მისდის, ხოლო როცა ასეთივე უბრალო მიზეზით თანამშრომლებთან ჩხუბობს - მაშინ ოჯახში აქვს პრობლემა.

როდესაც ბავშვი უარს ამბობს ჭამაზე

სკოლამდელი ასაკის პერიოდში მშობლები ხშირად აწყდებიან კვებასათან დაკავშირებულ სირთულეებს. ბავშვები ზოგჯერ უარს ამბობენ ჭამაზე, პრეტენზიულები არიან საკვების არჩევისას.ეს კი ხშირად ხდება ბავშვსა და უფროსებს შორის კამათის მიზეზი. როგორ უნდა მოიქცნენ ამ დროს მშობლები, რა უნდა გააკეთონ, რომ ჭამის პროცესი მათთვისაც და ბავშვისთვისაც სასიმოვნო გახდეს?

3-4 წლის ბავშვის განვითარების ნორმები

3 წელს მიღწეული ბავშვების მშობლებითვის მთავრდება პირველი და ერთ-ერთი ყველაზე რთული პერიოდი და იწყება მაგიური წლები, როდესაც თქვნს შვილს უკვე ესმის რას ელაპარაკებით.

სოციალური და ემოციური განვითარება ბავშვობაში

ბავშვის სოციალური და ემოციური განვითარება უმნიშვნელოვანესია მისი ადეკვატურობის განვითარებისთვის, ცხოვრების გაგებისთვის და ბავშვობიდან მოზრდილობაში გადასვლისთვის.

როგორ დავეხმაროთ მორცხვ ბავშვს სკოლაში? - რჩევები მასწავლებლებს

ნებისმიერ კლასში შეიძლება იყოს ბავშვი, რომელიც ხშირად ჩუმად არის და არ იჩენს ინიციატივას. როგორ დავეხმაროთ მორცხვ ბავშვებს სოციალური უნარების განვითარებაში? როგორ შევუქმნათ უსაფრთხო და სანდო გარემო სკოლაში?

აგრესია - ბავშვის აგრესიის მიზეზები და მისი დაძლევის გზები

აგრესია - რა არის აგრესია? რა არის ბავშვის აგრესიის მიზეზები და როგორია მისი დაძლევის გზები.

მეშინია, ანუ პრობლემა სახელად შიში

გაიგეთ რომელია ბავშვთა შორის ყველაზე გავრცელებული შიშები, როგორი ტიპის შიშები არსებობს. რა არის შიშის გამომწვევი მიზეზები

როდესაც ჩემი შვილი სხვას ურტყამს - 5 წესი მშობლებისათვის

ზოგჯერ ბავშვები ავლენენ აგრესიულ ქცევას. შეიძლება შეგვიმჩნევია სათამაშო მოედანზე ან მიგვიღია საყვედური საბავშვო ბაღის აღმზრდელისაგან, რომ ჩვენი შვილი არტყამს თანატოლს, აყენებს რაიმე ფიზიკურ ზიანს.რა უნდა გააკეთოს ამ დროს მშობელმა? ეს სერიოზული გამოწვევაა, რადგან პირველი რეაქცია უმეტეს შემთხვევაში შეიძლება იყოს მკაცრად მოქცევის სურვილი.

წარმოსახვითი მეგობარი ანუ კარლსონის სინდრომი

ნორმალურია თუ არა, რომ ბავშვს ჰყავდეს წარმოსახვითი მეგობარი და ცხოვრობდეს მის მიერ გამოგონილ სამყაროში?

რატომ არის მნიშვნელოვანი ბავშვის სოციალური და ემოციური განვითარება?

წარმოიდგინეთ, რომ თამაშობთ თქვენი საყვარელი კუბიკებით, ამ დროს კი თქვენი თანატოლი გართმევთ მათ. როგორ ფიქრობთ, რა უნარები დაგჭირდებათ ამ პრობლემის გადასაჭრელად?თანატოლებთან და უფროსებთან ურთიერთობა ბავშვის ყოველდღიური ცხოვრების მნიშვნელოვანი ნაწილია. ზოგიერთი მათგანისათვის ამ ამოცანასთან გამკლავება სერიოზული გამოწვევაა. ბავშვის წარმატებას მის სოციალურ ცხოვრებაში მნიშვნელოვნად განსაზღვრავს სოციალურ-ემოციური სფეროს განვითარება.

დაუნის სინდრომი

რა არის დაუნის სინდრომი? რა იწვევს დაუნის სინდრომს და როგორ დავეხმაროთ განვითარებაში დაუნის სინდრომის მქონე ბავშვს?

მხედველობის განვითარება ბავშვობაში

როგორ მიმდინარეობს მხედველობის განვითარება ბავშვებში,როგორ ხედაენ და რა ფორმებსა და ფერებს ანიჭებენ უპირატესობა ახალშობილები.

რატომ უნდა ვასწავლოთ ბავშვებს ხატვა?

რატომ უნდა ვასწავლოთ ბავშვებს ხატვა. რა როლს ასრულებს ფანტაზია ფავშვის განვითარებაში.

რა გავლენას ახდენს მიჯაჭვულობა ბავშვის განითარებაზე

რა ზეგავლენას ახდენს ბავშვის განვითარებასა და ჩამოყალიბებაში თითოეული ტიპი და რა რეკომენდაციებია საჭირო იმისთვის, რომ ბავშვის სწორად განვითარდეს

როგორ დავეხმაროთ ბავშვს გახდეს თავდაჯერებული

რატომ არის აუცილებელი ჯანსაღი თვითშფასება? ის რასაც ჩვენს თავზე ვფიქრობთ ხშირად განსაზღვრავს ჩვენს ქცევებს. თვითშეფასების ჩამოყალიბება ჩვილობიდან იწყება. როგორ შეიძლება დაეხმაროს მშობელი ბავშვს?

კომპიუტერული თამაშების ნეგატიური და პოზიტიური გავლენა ბავშვებზე

რა დადებითი და უარყოფითი გავლენა შეიძლება მოახდინოს ბავშვებზე კომპიუტერულმა თამაშებმა. გაიგეთ თუ რომელი თამაში როგორ გავლენას მოახდენს ბავშვებზე.

მუსიკა და ტვინის განვითარება

რა გავლენას ახდენს მუსიკის სწავლა ტვინის სტრუქტურის განვითარებაზე, ნერვული კავშირების ჩამოყალიბებაზე და ტვინის ზომაზე.

ფავორიტებში დასამატებლად უნდა შეხვიდეთ სისტემაში.
ხოლო თუ ჯერ არ გაქვთ გახსნილი ანგარიში kids.ge-ზე, გაიარეთ რეგისტრაცია