სტატიები   ›  ფსიქოლოგია   ›   წარმოსახვითი მეგობარი ანუ კარლსონის სინდრომი

წარმოსახვითი მეგობარი ანუ კარლსონის სინდრომი

ფავორიტებში დამატება
ანა კუხაშვილი
ანა კუხაშვილი
ფსიქოლოგი, პედაგოგი

წარმოსახვითი მეგობარიუმცროს სასკოლო ასაკში ფანტაზია და წარმოსახვა ისევე, როგორც სხვა ფსიქიკური პროცესები, განიცდის  ცვლილებებს. ფანტაზია ამ ასაკში აღწევს განვითარების ისეთ მაღალ დონეს, რომ ბავშვმა შეიძლება „იცხოვროს“ მის მიერ გამოგონილ სამყაროში და ჰყავდეს წარმოსახვითი მეგობარი.

სრულიად მოსალოდნელია ერთ დღეს თქვენმა პატარამ გამოგიცხადოთ, რომ ახალი მეგობარი ჰყავს. მას აქვს სახელი, ბიოგრაფია, უმეტეს შემთხვევაში იმავე სქესია, რაც ბავშვი. ცხოვრობს საწოლის ქვეშ, კარადაში ან თუნდაც სახურავზე (სწორედ კარლსონის პერსონაჟიდან მოდის ამ სინდრომის სახელი). ამ დროს, მშობლის პირველი რეაქცია შიში და შფოთვაა, ძიება კარგი ფსიქოლოგის და ფიქრი იმაზე, რომ ბავშვს ყველაფერი წესრიგში ვერ აქვს. თუმცა, სიტუაცია, ასეთი საგანგაშოც არაა...

წარმოსახვითი მეგობრის არსებობამ საკმაოდ დიდი ინფორმაცია შეიძლება მოგვაწოდოს ბავშვზე. ყველაზე ხშირად მისი არსებობა გამოწვეულია სოციალური კონტაქტების ნაკლებობით, ბავშვები გრძნობენ თავს მარტოსულად, არ ჰყოფნით უფროსების მხრიდან მზრუნველობა, სითბო, ურთიერთობა, უჭირთ თანატოლებთან საერთო ენის გამონახვა, თუმცა არსებობს შედარებით პოზიტიური ვარაუდებიც.

ამერიკელი ფსიქოლოგების ნაწილს მიაჩნია, რომ  წარმოსახვითი მეგობრის არსებობა ბუნებრივია. გამოკვლევამ აჩვენა, რომ XX საუკუნის 30-იან წლებში წარმოსახვითი მეგობარი, სავარაუდოდ, ცხრიდან ერთ ბავშვს ჰყავდა, 90-იან წლებში – სამიდან ერთს, დღეს კი ბავშვების ორ მესამედს მაინც, წარმოსახვითი მეგობარი ჰყავს. ფსიქოლოგებს მიაჩნიათ, რომ  წარმოსახვითი მეგობარი შესაძლოა  ბავშვებს ერთგვარი „საცდელი მეა“ – ისინი აკვირდებიან, როგორი რეაქცია ექნებათ გარშემომყოფებს ამა თუ იმ საქციელზე, პატარა მას  “აკეთებინებს”  ყველაფერს, რისი ჩადენაც თავადაც უნდა, თუმცა ვერ ბედავს. ამერიკელი მეცნიერების აზრით, „საცდელი მე“-ს შექმნის მცდელობა არტისტულობის ნიშანია და იგი მრავალფეროვან, ცვალებად სამყაროსთან შესახვედრად გვამზადებს.

 

წარმოსახვითი მეგობრების ტიპები

კომპანიონი - ის შეიძლება იყოს როგორც ადამიანი, ასევე ცხოველი, ან რაიმე მაგიური, ჯადოსნური არსება რომელიმე მულტფილმიდან (ფერია, ელფი, გნომი...). არის შემთხვევები, როდესაც წარმოსახვითი მეგობარი საპირისპირო სქესისაა და მას „თაყვანისმცემლის“ როლი აქვს. ასევე შესაძლებელია,  წარმოსახვითმა მეგობარმა  ნამდვილი „ყაჩაღის“ როლი მოირგოს, რომელიც ბევრ მავნე საქციელს ჩადის. ასეთი ქცევები ბავშვების სურვილებზე მიგვანიშნებს, რომლის რეალიზებასაც რეალურ ცხოვრებაში ვერ ბედავს.

მსხვერპლი - წარმოსახვითი მეგობარი სუსტია, ბავშვი მას აგრესიულად ეპყრობა, ჩაგრავს, უყვირის, ურტყამს, მიმართავს ისე, როგორც მშობლებისგანაა მიჩვეული. ეს დამოკიდებულება მიუთითებს ბავშვის დათრგუნულობასა  და ზოგადად, ნეგატიურ ემოციებზე, რომელსაც წარმოსახვითი მეგობრის მიმართ ავლენს.

მცველი- როგორც წესი წარმოსახვითი მეგობარი, რომელსაც ეს როლი აქვს მორგებული ასაკით ბავშვზე დიდია და ძლიერი. მას აქვს მზრუნველის, დამცველის როლი. იგი ბავშვისთვის უფროსი და დიდი მეგობარია. ეს შესაძლოა მიუთითებდეს, რომ ბავშვს აქვს მსგავსი დამოკიდებულების დეფიციტი, ის თავს გრძნობს დაუცველად, უფროსი მეგობარი კი მისი დასაყრდენი ხდება.

გაითვალისწინეთ, რომ თუ ბავშვი თქვენგან წარმოსახვით მეგობარს მალავს, ე.ი. სათანადოდ არ გენდობათ.

სტატიები ამავე თემიდან

მასწავლებლის თვალით დანახული ბავშვების აგრესიის ზოგიერთი მიზეზი

ფსიქოლოგების ნაწილი ფიქრობს, რომ როცა მოზრდილი ადამიანი უბრალო მიზეზის გამო ოჯახის წევრებს ეჩხუბება, ე.ი. მას სამსახურში საქმეები ცუდად მისდის, ხოლო როცა ასეთივე უბრალო მიზეზით თანამშრომლებთან ჩხუბობს - მაშინ ოჯახში აქვს პრობლემა.

რატომ არ უნდა ვცემოთ ბავშვი

რატომ არ უნდა ვცემოთ ბავშვი, რა უნდა გაითვალისწინონ მშობლებმა და რა შედეგები მოყვება არასწორი აღზრდის ფორმას

როგორ შევაყვაროთ ჩვენს პატარას წიგნები

სტატიაშია მოცემული საინტერესო და სახალისო რჩევები, როგორ უნდა შეაყვაროთ თქვენს პატარებს წიგნთან ურთიერთობა.

სოციალური და ემოციური განვითარება ბავშვობაში

ბავშვის სოციალური და ემოციური განვითარება უმნიშვნელოვანესია მისი ადეკვატურობის განვითარებისთვის, ცხოვრების გაგებისთვის და ბავშვობიდან მოზრდილობაში გადასვლისთვის.

ADHD - როგორ ამოვიცნოთ ჰიპერაქტიური ბავშვი

თუ ბავშვს სკოლაში აქვს სწავლისა და კლასელებთან, მასწავლებლებთან ურთიერთობის პრობლემები, თუ იგი ვერ ახერხებს კონცენტრაციას საკლასო ოთახში, არ ასრულებს და თავს არიდებს სამუშაოს - შესაძლოა მას ჰქონდეს ყურადღების დეფიციტის და ჰიპერაქტივობის სინდრომი.

როგორ ვმართოთ დედმამიშვილების ჩხუბი

როგორ უნდა მოიქცეთ, როდესაც დედმამიშვილები კამათობენ? ბავშვთა ფქისოლოგის რჩევები, თუ როგორ უნდა მოიქცეთ მსგავს სიყუაციებში.

სწავლის უნარის სპეციფიკური დარღვევები

რატომ უჭირს ზოგიერთ ბავშვს სწავლის პროცესში ჩაბმა, რატომ უჭირს ახალი მასალის დამახსოვრება? რა იწვევს სწავლის უნარის დაქვეითებას? რა ხერხები დაგვეხმარება ამ პრობლემის დაძლევაში

რატომ არის მნიშვნელოვანი ბავშვის სოციალური და ემოციური განვითარება?

წარმოიდგინეთ, რომ თამაშობთ თქვენი საყვარელი კუბიკებით, ამ დროს კი თქვენი თანატოლი გართმევთ მათ. როგორ ფიქრობთ, რა უნარები დაგჭირდებათ ამ პრობლემის გადასაჭრელად?თანატოლებთან და უფროსებთან ურთიერთობა ბავშვის ყოველდღიური ცხოვრების მნიშვნელოვანი ნაწილია. ზოგიერთი მათგანისათვის ამ ამოცანასთან გამკლავება სერიოზული გამოწვევაა. ბავშვის წარმატებას მის სოციალურ ცხოვრებაში მნიშვნელოვნად განსაზღვრავს სოციალურ-ემოციური სფეროს განვითარება.

ბავშვებზე ძალადობა: ძალადობის მიზეზები და შედეგები

რა არის ძალადობის მიზეზი და რა შედეგები მოყვება მას. რა მდგომარეობაა დღეს საქართველოში ამ თემასთან დაკავშირებით.

ყურადღება და მისი როლი სასკოლო პროცესში

უმცროსკლასელთა სასკოლო წარმატება მნიშვნელოვნადაა დამოკიდებული ყურადღების განვითარების დონეზე.

რა შეცდომებს ვუშვებთ ბავშვის შექებისას?

აღზრდის პროცესში დიდი მნიშვნელობა აქვს შექებას. მისი საშუალებით ბავშვები სწავლობენ სწორ ქცევას, უყალიბდებათ დადებითი წარმოდგენა საკუთარ თავზე.შექება ეფექტურია, თუ მას სწორი ფორმით ვაწვდით ბავშვს. სტატიაში გთავაზობთ რამოდენიმე რამოდენიმე შეცდომას, რომელსაც ხშირად უშვებენ მშობლები.

რას ვაკეთებ იმისთვის, რომ ჩემ შვილს კითხვა შევაყვარო

ჩემი შვილი 4 წლისაა, ამიტომ ვცდილობ ყველაფერი თამაშად ვაქციო, მათ შორის წიგნის კითხვაც, რადგან თამაშით სწავლა ამ ასაკის ბავშვებისთვის წამყვანია.

საბავშვო ტორტების შეკვეთა - ადგილზე მიტანით

ფავორიტებში დასამატებლად უნდა შეხვიდეთ სისტემაში.
ხოლო თუ ჯერ არ გაქვთ გახსნილი ანგარიში kids.ge-ზე, გაიარეთ რეგისტრაცია