სტატიები   ›  ფსიქოლოგია, განვითარება   ›   3-4 წლის ბავშვის განვითარების ნორმები

3-4 წლის ბავშვის განვითარების ნორმები

ფავორიტებში დამატება
სალომე მაჩიტიძე
სალომე მაჩიტიძე
ფსიქოლოგი
გამოქვეყნების თარიღი: 25 ნოემბერი, 2014

ბავშვი ხატავს3 წელს მიღწეული ბავშვების მშობლებითვის მთავრდება პირველი და ერთ-ერთი ყველაზე რთული პერიოდი და იწყება მაგიური წლები, როდესაც თქვნს შვილს უკვე ესმის რას ელაპარაკებით. ამ ასაკის ბავშვებს აქვთ ყველაზე გაცხოველებული ფანტაზია და მზად არიან, რომ გადალახონ ყველა მიზანი, რომელიც მათ სკოლამდელი განვითარებისთვის სჭირდებათ. თუმცა განვითარება ყველა ბავშვთან ერთნაირად არ მიმდინარეობს. იმისთვის, რომ დავრწმუნდეთ შეესაბამება თუ არა ჩვენი შვილის შესაძლებლობები მისი ასაკობრივი საფეხურის ნორმებს, სასურველია ვიცოდეთ, თუ რა მოეთხოვებათ ბავშვებს განვითარების ამა თუ იმ საფეხურზე. ქვემოთ მოცემულია ჩამონათვალი, რომელსაც თქვენი 3-4 წლის ბავშვი უნდა აკმაყოფილებდეს.

მეტყველების სფერო:

3-4 წლის ბავშვი არც ისე ბევრს ლაპარაკობს, მაგრამ ეს მალე შეიცვლება. 3 დან 4 წლამდე თქვენს შვილს უკვე უნდა შეეძლოს, რომ:

  • თქვას საკუთარი სახელი და ასაკი.
  • იცოდეს 250-დან 500-მდე სიტყვა.
  • უპასუხოს მარტივ შეკითხვებს.
  • ლაპარაკობდეს 5-6 სიტყვიანი წინადადებებით და 4 წლისათვის ლაპარაკობდეს გამართული წინადადებებით.
  • ლაპარაკობდეს გარკვევით.
  • შეეძლოს რაიმე ამბის გადმოცემა.

 

კოგნიტური სფერო:

ბავშვები თამაშობენთქვენი შვილი უკვე იწყებს ბევრი შეკითხვის დასმას: „რატომ არის ცა ლურჯი? რატომ აქვთ ჩიტებს ბუმბული?. . . “ შეკითხვები, შეკითხვები და კიდევ უფრო მეტი შეკითხვები! შესაძლოა თქვენთვის ეს უკვე მოსაბეზრებელია, მაგრამ ბავშვისთვის შეკითხვების დასმის სურვილი განვითარების ერთ-ერთი ნიშანია. გარდა შეკითხვების დასმისა, თქვენს შვილს უნდა შეეძლოს, რომ:

  • სწორად დაასახელოს ფერები.
  • ესმოდეს „ერთნაირის“ და „განსხვავებულის“ იდეა.
  • იყოს კრეატიული.
  • შეეძლოს სამ საფეხურიანი მითითებების შესრულება.
  • დაიმახსოვროს მოყოლილი ამბიდან რაიმე ნაწილი მაინც.
  • ჰქონდეს დროის აღქმა (იცოდეს დილა, საღამო, ღამე. . . )
  • იცოდეს თვლა და ესმოდეს დათვლის აზრი.
  • შეეძლოს საგნების დალაგება ფერის და ფორმის მიხედვით.
  • შეეძლოს ასაკის შესაბამისი ფაზლების აწყობა.
  • ამოიცნოს უკვე ნანახი საგნები და სურათები.

 

ფიზიკური განვითარების სფერო:

  • უნდა შეეძლოს კიბეზე ავიდეს და ჩამოვიდეს ფეხების მონაცვლეობით (ჯერ ერთ ფეხს ადგამდეს, მერე მეორეს).
  • მიარტყას ფეხი, ისროლოს და დაიჭიროს ბურთი.
  • აცოცდეს რამეზე.
  • ირბინოს უფრო თავდაჯერებულად და შეეძლოს სამბორბლიანი ველოსიპედის ტარება.
  • დადგეს ცალ ფეხზე 5 წამის განმავლობაში.
  • დადიოდეს წინ და უკუსვლით ადვილად.
  • გადაიხაროს წაქცევის გარეშე.

 

ნატიფი მოტორიკის განვითარება (ხელი, თითები):

  • უფრო ადვილად დაიჭიროს პატარა ნივთები და ადვილად გადაშალოს წიგნის ფურცლები.
  • შეძლოს ასაკის შესაბამისი მაკრატლის გამოყენება.
  • დააკოპიროს წრე და ოთხკუთხედი.
  • დახატოს ადამიანი 2 ან 4 სხეულის ნაწილით.
  • დაწეროს რამდენიმე ასო.
  • ააშენოს კოშკი 4 ან მეტი სათამაშო კუბით.
  • დამოუკიდებლად გაიხადოს და ჩაიცვას.
  • მოხადოს ქილას თავი და ისევ დაახუროს.

3-4 წლის ბავშვი დამოუკიდებელი ხდება არამარტო ფიზიკურად, არამედ უკვე ემოციურადაც. მას უკეთ შეუძლია საკუთარი ემოციების და სურვილების მართვა.

გარდა ამისა, მისი სოციალური უნარებიც იზრდება, მას უკვე შეუძლია თავის თანატოლთან ურთიერთობა და ამ ურთიერთობაში გარკვეული წესების დაცვა, მათთან ერთად რაიმე პრობლემის გადაჭრა.

ფერადი თითები

ემოციური სფერო

ამ ეტაპზე თქვენს შვილს უკვე უნდა შეეძლოს:

  • მშობლების და მეგობრების მიბაძვა.
  • მშობლების და მეგობრების მიმართ ემოციების გამოხატვა.
  • გაიგოს „ჩემის“ და „შენის“ იდეა.
  • გამოხატოს მრავალფეროვანი ემოციები, როგორიცაა მოწყენა, სიბრაზე, სიხარული.
  • ამ ასაკის ბავშვებში ყველაზე მეტადაა განვითარებული წარმოსახვის უნარი. ერთის მხრივ ფანტაზიას განვითარებისკენ მივყავართ, მაგრამ მეორეს მხრივ ამან შეიძლება არარეალური შიშებიც გააჩინოს ბავშვებში, როგორიცაა მონსტრების ან სხვა წარმოსახვითი არსებების შიში.

როგორც ზემოთ აღვნიშნეთ, ყველა ბავშვის განვითარება ინდივიდუალურია, ზოგი უფრო მალე სწავლობს, ზოგი ცოტა დაგვიანებით, თუმცა განვითარებაში არის რაღაც ზღვარი, როცა ბავშვმა უკვე უნდა დააკმაყოფილოს თავისი ასაკის შესაბამისი განვითარების მოთხოვნები.

 

განვითარების შეფერხების ნიშნები 3-4 წლის ბავშვებში შეიძლება იყოს როდესაც:

  • ბავშვს არ შეუძლია ბურთის უკან გადაგდება, არ შეუძლია ადგილზე ახტომა, არ შეუძლია სამბორბლიანი ველოსიპედის ტარება.
  • ხშირი დაცემა და კიბეებზე ასვლის სირთულეები.
  • არ შეუძლია ფანქრის თითებით დაჭერა. არ შეუძლია რაიმეს დახატვა. არ შეუძლია წრის კოპირება.
  • არ შეუძლია 3-ზე მეტ სიტყვიანი წინადადებებით ლაპარაკი და შეუსაბამოდ იყენებს სიტყვებს „მე“ და „შენ“.
  • მუდმივად გადმოსდის ნერწყვი და უჭირს საუბარი.
  • არ შეუძლია ერთმანეთზე დააწყოს 4 სათამაშო კუბი და უჭირს წვრილი (პატარა) საგნებით მანიპულირება.
  • გადამეტებულად განიცდის ახლობელ ადამიანთან (დედასთან) განშორებას.
  • არ ინტერესდება ინტერაქციული თამაშებით და არ ერთვება ფანტაზიით თამაშში.
  • არ თამაშობს ბავშვებთან და არ ელაპარაკება უცხოებს (არაოჯახისწევრებს)
  • უჭირს საკუთარი თავის კონტროლი სიბრაზის დროს.
  • ვერ ასრულებს მარტივ მითითებებს.
  • თავს არიდებს თვალით კონტაქტს.
  • უფროსებს წინააღმდეგობას უწევს ჩაცმის დროს, დაძინების დროს და ბანაობის დროს.
  • გარდა ამისა, თუ ბავშვი წინააღმდეგობას გიწევთ ისეთი რამეების გაკეთებაზე, რასაც ადრე უპრობლემოდ აკეთებდა, შესაძლოა იყოს განვითარების შეფერხების ნიშანი.

ასე რომ ყურადღებით დააკვირდით რა შეუძლია თქვენ შვილს და რა სფეროში აქვს სირთულეები და დაეხმარეთ მას ისწავლოს ის ყველაფერი, რაც მას განვითარებაში დაეხმარება. 

სტატიები ამავე თემიდან

რას ვაკეთებ იმისთვის, რომ ჩემ შვილს კითხვა შევაყვარო

ჩემი შვილი 4 წლისაა, ამიტომ ვცდილობ ყველაფერი თამაშად ვაქციო, მათ შორის წიგნის კითხვაც, რადგან თამაშით სწავლა ამ ასაკის ბავშვებისთვის წამყვანია.

ერთი დღე გართობისა და განვითარებისთვის

სტატიაში აღწერილ, ბავშვთან ერთად გატარებული ერთი დღის მაგალითზე, თქვენ გაეცნობით საინტერესო აქტივობებს, თუ როგორ შეიძლება ყოველდღიური რუტინა ვაქციოთ ბავშვისთვის სხვადასხვა უნარების განმავითარებელ და სახალისო პროცესად.

ბავშვებზე ძალადობა: ძალადობის მიზეზები და შედეგები

რა არის ძალადობის მიზეზი და რა შედეგები მოყვება მას. რა მდგომარეობაა დღეს საქართველოში ამ თემასთან დაკავშირებით.

როდესაც ჩემი შვილი სხვას ურტყამს - 5 წესი მშობლებისათვის

ზოგჯერ ბავშვები ავლენენ აგრესიულ ქცევას. შეიძლება შეგვიმჩნევია სათამაშო მოედანზე ან მიგვიღია საყვედური საბავშვო ბაღის აღმზრდელისაგან, რომ ჩვენი შვილი არტყამს თანატოლს, აყენებს რაიმე ფიზიკურ ზიანს.რა უნდა გააკეთოს ამ დროს მშობელმა? ეს სერიოზული გამოწვევაა, რადგან პირველი რეაქცია უმეტეს შემთხვევაში შეიძლება იყოს მკაცრად მოქცევის სურვილი.

როგორ ვეთამაშოთ ბავშვს სწორად

როგორ ვეთამაშოთ ბავშვს ისე, რომ გახდეს თავდაჯერებული, კრეატიული და წარმატებული?

მხედველობის განვითარება ბავშვობაში

როგორ მიმდინარეობს მხედველობის განვითარება ბავშვებში,როგორ ხედაენ და რა ფორმებსა და ფერებს ანიჭებენ უპირატესობა ახალშობილები.

ADHD - როგორ ამოვიცნოთ ჰიპერაქტიური ბავშვი

თუ ბავშვს სკოლაში აქვს სწავლისა და კლასელებთან, მასწავლებლებთან ურთიერთობის პრობლემები, თუ იგი ვერ ახერხებს კონცენტრაციას საკლასო ოთახში, არ ასრულებს და თავს არიდებს სამუშაოს - შესაძლოა მას ჰქონდეს ყურადღების დეფიციტის და ჰიპერაქტივობის სინდრომი.

ბავშვის მიერ მედიამოხმარების პოზიტიური და ნეგატიური გამოვლინებები

რა უარყოფით თუ დადებით შედეგს აძლევს მოზარდს ისეთი კომპეტენციების ადრეულ ასაკში დაუფლება, როგორებიცაა: მობილური, კომპიუტერი და ტელევიზორი?

სწავლის უნარის სპეციფიკური დარღვევები

რატომ უჭირს ზოგიერთ ბავშვს სწავლის პროცესში ჩაბმა, რატომ უჭირს ახალი მასალის დამახსოვრება? რა იწვევს სწავლის უნარის დაქვეითებას? რა ხერხები დაგვეხმარება ამ პრობლემის დაძლევაში

როგორ ვმართოთ დედმამიშვილების ჩხუბი

როგორ უნდა მოიქცეთ, როდესაც დედმამიშვილები კამათობენ? ბავშვთა ფქისოლოგის რჩევები, თუ როგორ უნდა მოიქცეთ მსგავს სიყუაციებში.

ვიდეო თამაშები და ბავშვები

გასართობი საშუალებები უნდა იყოს სახალისო, ამყოლი და ხელი შეუწყონ შემოქმედებითი ფანტაზიის განვითარებას. გასართობი საშუალებები არ უნდა შეიცავდეს ისეთ განზოგადებულ ინფორმაციას, რომელიც ბავშვს ისეთ შეკითხვებს გაუჩენს, რომელზეც პასუხის გაცემა მისი ასაკისთვის და ემოციური მომწიფების დონისთვის არ არის რეკომენდირებული.

აგრესია - ბავშვის აგრესიის მიზეზები და მისი დაძლევის გზები

აგრესია - რა არის აგრესია? რა არის ბავშვის აგრესიის მიზეზები და როგორია მისი დაძლევის გზები.

ინტროვერტი ბავშვი: რჩევები და რეკომენდაციები

ვინ არიან ინტროვერტები? როგორია მათი სამყარო? სტატიაში მოკლედაა შეჯამებული ინტოვერტი ბავშვის ფსიქოლოგია, მათი დამახასიათებელი თვისებები. ასევე, მოცემულია რჩევები და რეკომენდაციები, რომელიც ინტროვერტებთან ურთიერთობაში დაგეხმარებათ.

როგორ დავეხმაროთ ბავშვს გახდეს თავდაჯერებული

რატომ არის აუცილებელი ჯანსაღი თვითშფასება? ის რასაც ჩვენს თავზე ვფიქრობთ ხშირად განსაზღვრავს ჩვენს ქცევებს. თვითშეფასების ჩამოყალიბება ჩვილობიდან იწყება. როგორ შეიძლება დაეხმაროს მშობელი ბავშვს?

რა გავლენას ახდენს მიჯაჭვულობა ბავშვის განითარებაზე

რა ზეგავლენას ახდენს ბავშვის განვითარებასა და ჩამოყალიბებაში თითოეული ტიპი და რა რეკომენდაციებია საჭირო იმისთვის, რომ ბავშვის სწორად განვითარდეს

როგორ დავეხმაროთ მორცხვ ბავშვს სკოლაში? - რჩევები მასწავლებლებს

ნებისმიერ კლასში შეიძლება იყოს ბავშვი, რომელიც ხშირად ჩუმად არის და არ იჩენს ინიციატივას. როგორ დავეხმაროთ მორცხვ ბავშვებს სოციალური უნარების განვითარებაში? როგორ შევუქმნათ უსაფრთხო და სანდო გარემო სკოლაში?

დაუნის სინდრომი

რა არის დაუნის სინდრომი? რა იწვევს დაუნის სინდრომს და როგორ დავეხმაროთ განვითარებაში დაუნის სინდრომის მქონე ბავშვს?

როგორ შევაყვაროთ ჩვენს პატარას წიგნები

სტატიაშია მოცემული საინტერესო და სახალისო რჩევები, როგორ უნდა შეაყვაროთ თქვენს პატარებს წიგნთან ურთიერთობა.

მუსიკა და ტვინის განვითარება

რა გავლენას ახდენს მუსიკის სწავლა ტვინის სტრუქტურის განვითარებაზე, ნერვული კავშირების ჩამოყალიბებაზე და ტვინის ზომაზე.

რა შეცდომებს ვუშვებთ ბავშვის შექებისას?

აღზრდის პროცესში დიდი მნიშვნელობა აქვს შექებას. მისი საშუალებით ბავშვები სწავლობენ სწორ ქცევას, უყალიბდებათ დადებითი წარმოდგენა საკუთარ თავზე.შექება ეფექტურია, თუ მას სწორი ფორმით ვაწვდით ბავშვს. სტატიაში გთავაზობთ რამოდენიმე რამოდენიმე შეცდომას, რომელსაც ხშირად უშვებენ მშობლები.

რატომ არის მნიშვნელოვანი ბავშვის სოციალური და ემოციური განვითარება?

წარმოიდგინეთ, რომ თამაშობთ თქვენი საყვარელი კუბიკებით, ამ დროს კი თქვენი თანატოლი გართმევთ მათ. როგორ ფიქრობთ, რა უნარები დაგჭირდებათ ამ პრობლემის გადასაჭრელად?თანატოლებთან და უფროსებთან ურთიერთობა ბავშვის ყოველდღიური ცხოვრების მნიშვნელოვანი ნაწილია. ზოგიერთი მათგანისათვის ამ ამოცანასთან გამკლავება სერიოზული გამოწვევაა. ბავშვის წარმატებას მის სოციალურ ცხოვრებაში მნიშვნელოვნად განსაზღვრავს სოციალურ-ემოციური სფეროს განვითარება.

ფავორიტებში დასამატებლად უნდა შეხვიდეთ სისტემაში.
ხოლო თუ ჯერ არ გაქვთ გახსნილი ანგარიში kids.ge-ზე, გაიარეთ რეგისტრაცია