სტატიები   ›  ლოგოპედია   ›   გზა საბავშვო ბაღისაკენ - თემა „შემოდგომა“

გზა საბავშვო ბაღისაკენ - თემა „შემოდგომა“

ფავორიტებში დამატება
ქეთევან ლომიძე
ქეთევან ლომიძე
ლოგოპედი, პედაგოგი
გამოქვეყნების თარიღი: 13 ოქტომბერი, 2013

ძვირფასო მშობლებო, ვიცი უმეტესობა დედიკო - მამიკოებისათვის რა რთულია დილა, რამდენი რამე უნდა მოასწრო, რამდენი პრობლემა უნდა მოაგვარო, თან სამსახურშიც არ უნდა დააგვიანო... ფრენით მიგვყავს ხელმოკიდებული შვილები ბაღში, მიწაზე ფეხის დაკარებას ძლივს ასწრებენ, მაგრამ ენას არ აჩერებენ, გაუჩუმებლად ლაპარაკობენ - თავს ვუქნევთ, თუმცა არ ვუსმენთ, აზრობრივად უკვე სამსახურში ვართ ....უკან მომავალთ კი მთელი დღის ნაჯაფართ, დაღლილ-დაქანცულთ ერთი სული გვაქვს სახლში მივიდეთ დარჩენილი საქმეები მოვაგვაროთ და საყვარელ სავარძელში ჩავესვენოთ, ვის აქვს ლაპარაკის თავი?!

არადა, რა ჯადოსნური რამაა ეს გზაა, გზა საბავშვო ბაღამდე... როგორ წაგადგებოდათ შვილების ემოციური, გონებრივი და მეტყველების განვითარების საქმეში, რა ძვირფასი დრო იკარგება....

ყველა ბავშვი საჭიროებს სიყვარულს, მზრუნველობასა და განვითარების ხელშეწყობას. 2 წლიდან ბავშვის მეტყველების მარაგი განსაკუთრებით სწრაფად იზრდება. ეს პერიოდი ფსიქოლოგიურ ლიტერატურაში ცნობილია, როგორც „ენობრივი აფეთქების” პერიოდი. ამიტომ სკოლამდელ პერიოდს განსაკუთრებული ხელის შეწყობა სჭირდება, ეს დრო არ უნდა შემოიფარგლებოდეს სახლში მხოლოდ მარტივი მოფერება-გასაუბრებებით ბავშვთან, არც მხოლოდ მასწავლებლის მეცადინეობებით საბავშვო ბაღში. აუცილებელია ამ რთულ პროცესში მთელი აქტიურობით იყოს ჩართული  - დედიკო, მამიკო, ბებიკო, ბაბუა - ყველა ადამიანი ვისაც შეხება აქვს პატარა საოცრებასთან... რაც მეტად გაირჯებით მით უკეთესი შედეგი გექნებათ....

მოკლედ, მოძებნეთ საკუთარ თავში ძალები, საშაულებები და გადააქციეთ საბავშვო ბაღისაკენ მიმავალი გზა შემეცნებით,  განმავითარებელ,  საინტერესო,  შემდგომი წარმატებებისაკენ მიმავალ „ჯადოსნურ“ გზად! 

გახსოვდეთ აუცილებელია:
ბავშვის საუბრისა და ურთიერთობის წახალისება.
ხშირი საუბარი და ურთიერთობა ბავშვთან. 
საუბრისას სახის გამომეტყველების, ჟესტების, ინტონაციის გამოყენება 
მარტივი და გამართული ენით საუბარი; თამაში,

მითუმეტეს თუ გარეთ შემოდგომაა, ფერადი, ბარაქიანი და საინტერესო... სასაუბრო თემას რა გამოლევს?!
ნეტავ ეხლა წელიწადის რომელი დროა?- 
როგორ მიხვდი რომ შემოდგომაა?..  ...
შემოდგომის ფერიები რომელ ფერებს არჩევენ ბუნების მოსახატად?
რა ქრის?
როგორ ხმას გამოსცემს ქარი? (ხმა-მიბაძვა) სსსსსსსს
ხეებიდან რა ცვივა? მოდი გავიაროთ ჩამოცვენილი ფოთლების გროვაში.... როგორი ხმა აქვს ხმელ ფოთლებს? (შრრრრრრ შრრრ)
მოდი ავარჩიოთ სხვადასხვა ფორმის, ზომისა და ფერის ფოთლები და მასწავლებელს წავუღოთ, ლამაზ სურათებს გააკეთებთ...
აბა როგორი ფოთლები აარჩიე, როგორ გგონია ამით რისი გაკეთება შეიძლება? (მიეცით დრო იფანტაზიოროს, წარმოიდგინოს რას გააკეთებდა ფოთლებით)
აგრილდა, მზეს ძალა მოაკლდა, ამიტომ ჩავიცვით ჩვენც შედარებით თბილად..
შემოდგომას წვიმა უყვარს - რას იცმევენ ადამიანები წვიმის დროს? ( საწვიმარ ლაბადას, ბოტებს, ხელში იჭერენ ქოლგას )
როგორ ხმაურობს წვიმა?  წკაპ წკუპ... წკაპ-წკუპ...
რომელიმე ლექსი ხომ არ გახსენდება შემოდგომაზე?  (მოყევით ერთად)

http://kids.ge/poesy-categories?id=1

ნახე, რამდენი ხილი აქვს „დახლზე“ ლუდა დეიდას... რამდენი რამე დამწიფებულა?! მოდი ვნახოთ--- ვაშლი, მსხალი, კარალიოკი, ბროწეული,ყურძენი... რამდენია?! რა ბარაქიანია შემოდომა...

(თუ ამას სახლისაკენ მომავალ გზაზე გააკეთებთ იყიდეთ ხილი, საღამოს თავისუფალ დროს დაალაგეთ მაგიდაზე-აიღოს პლასტელინი გამოძეწოს ხილი და ჩაალაგოს პლასტელნის კალათში... ან დახატოს და მეორე დღეს გამოძერწოს... როგორც თვითონ სურს ან გააფერადოს გასაფერადებელი ხილი-

http://kids.ge/coloring-list?cat_id=1 

დღეს ერთი ხვალ მეორე და ა.შ. (დააკვირდით სწორად ეჭიროს ფანქარი, ლამაზად იჯდეს და ეცადოს კონტურებს არ გადასცდეს)

შემდეგ ერთად გარეცხეთ ხილი, დაჭერით, დაალაგეთ ლამაზი ხილის სალათა თეფშზე და ისაუბრეთ თითოეულის ფორმაზე, ზომაზე, ფერზე...

გაასინჯეთ და ისაუბრეთ გემოზე... მჟავაე, ტკბილია, მშრალია, წვნიანია....მომეწონა, გემრიელია, უგემურია...

შეაქეთ, წაახალისეთ....

აი ასე, ყოველდღიურად მდიდრდება მისი სიტყვათა მარაგი, გაუკეთეთ პროვოცირება გამოიყენოს ეს ახალი სიტყვები...  იმეტყველოს მარტივი და მარტივი გავრცობილი წინადადებებით, მოახერხოს არსებითი სახელების ზედსართავთან ბრუნვასა და რიცხვში შეთანხმება (მაგ: აი დე მწვანე ვაშლი ვიპოვე.  რა ლამაზი წითელი მარცვლები აქვს ამ ბროწეულს... მიყიდი მწვანე კივს?)... დაგისვათ შეკითხვები... თქვენს დასმულ შეკითხვაზე პასუხის გასაცემად კი მიეცით დრო მოსაფიქრებლად და აზრის ჩამოსაყალიბებლად... ბაღისაკენ მიმავალი გზა მალე გაილევა, თქვენი პატარა მნიშვნელოვან ნაბიჯს გადადგამს წინ, განვითარების საქმეში.  ეს თამაშები  გაუღვივებს მას მეტყველების და აზროვნების უნარს,  დამუხტავს  საყვარელი ადამიანის სიახლოვის სითბოთი და გაუხდება წარმატებული და შედეგიანი დღის გარანტად.  თქვენ კი დადებითი ენერგიით აღსავსე შეუდგებით სამუშაო დღეს....

გისურვებთ წარმატებებს!!! :)

სტატიები ამავე თემიდან

მზად არის პატარა გახდეს სკოლის მოსწავლე?

პედაგოგიურ და ფსიქოლოგიურ ლიტერატურაში სკოლისთვის მზაობას განმარტავენ, როგორც ბავშვის პიროვნების მრავალგვარ განვითარებას, ანუ ბავშვის მზაობა სასკოლო სწავლისთვის გულისხმობს მისი სოციალურ-ემოციური მომწიფების, სწავლისადმი მოტივაციის, მეტყველებისა და საკომუნიკაციო უნარების, ზოგადი ცოდნისა და შემეცნებითი განვითარების ასპექტებს.

სიგმატიზმი

სიგმატიზმი ანუ სისინა (ს,ზ,ც,ძ,წ) და შიშინა (შ,ჯ,ჩ,ჟ,ჭ) გერების წარმოთქმის ნაკლოვანება ნაკლოვანებათა შორის ყველაზე ხშირად გვხვდება. მათი სწორი წარმოთქმა მოითხოვს ზუსტ დიფერენცირებულ მოძრაობას, სწორი არტიკულაციური მოწყობიდან მცირედი გადახრაც კი იწვევს ამ ბგერების არასწორ, უსუფთაო წარმოთქმას!

მეტყველების დარღვევის სახეები: დისლალია.

დისლალია მეტყველების დარღვევის ყველაზე გავრცელებული ფორმა. მისი რაობა და გამომწვევი მიზეზები.

რა არის ბგერათწარმოთქმის დარღვევა

რა არის ბგერათწარმოთქმის პრობლემა, როგორია მისი გამოსწორების მოდელი. 3 წლიდან ზევით ასაკის პატარებისათვის.

განვითარების სფერო-მეტყველება

მეტყველება ბავშვის განვითარების რთული და მნიშვნელოვანი სფეროა, რომელიც გულისხმობს, ადამინის უნარს-ერთის მხრივ გამოთქვას საკუთარი შეხედულებები, მეორეს მხრივ მოისმინოს და აღიქვას გარშემომყოფების ნათქვამი.

დავგეგმოთ მხიარული, შინაარსიანი და ბედნიერი ზაფხული

პერიოდი, როდესაც შეგვიძლია ყველაზე მეტი დრო გავატაროთ საკუთარ შვილებთან- როგორ გავხადოთ ეს დრო სასიამოვნო, საინტერესო და მაქსიმალურად სასარგებლო?ძალიან ხშირად დედიკოებისაგან მესმის, დაიწყო არადადეგები და ჩემი ნევრების შლა, ვერაფრით ვერ ვაცილებ კომპიუტერს, ტელევიზორს, მთელი დღე ზის, გარეთ არ გადის. რა მოვუხერხოთ ამ პრობლემას?

ალალია

ალალია- ( ტერმინიდან а-უარყოფა; lalio-მეტყველება) უმეტყველობა ან მეტყველობის განუვითარებლობა ნორმალური სმენისა და პირველადი ინტელექტის შემთხვევაში. ასეთ ბავშვებს უპირველეს ყოვლისა უმოწმებენ სმენას, რადგან შთაბეჭდილებას ტოვებენ , რომ ყურში არ ესმით ან არასრულფასოვნად ესმით. თუმცა შემოწმების შედეგად აღმოჩნდება ხოლმე, რომ მათ სრულფასოვანი ფიზიკური სმენა აქვთ და საწყის ეტაპზე კარგი ინტელექტიც, რაც დროებითია, რადგან რაც მეტად გვიანდება რეაბილიტაცია მეტყველების შეფერხება მით მეტად იწვევს ინტელექტის ჩამორჩენილობას.....

სამეტყველო სუნთქვის განვითარება

კარგად ჩამოყალიბებული სამეტყველო სუთქვა სწორი და ლამაზი თანმიმდევრული მეტყველების განვითარების წინაპირობა.

წერითი მეტყველება

წერითი მეტყველების ცნებაში შედის წერაც და კითხვაც, წერა და კითხვა მჭიდროდაა დაკავშირებული ერთმანეთთან, როგორც თავისი განვთარებით, ასევე მუდმივი გამოყენებით.მათი დარღვევა იწვევს ბავშვის ჩამორჩენილობას,მნიშვნელოვან შეფერხებას სწავლის პროცესში.

ემოცია, მისი გამოხატვის და მართვის სწავლების აუცილებლობა

როდესაც ადამინი სხვადასხვა ხასიათზეა მისი ემოცია სხვადასხვანაირია. თუ პატარას შეუძლია როგორც საკუთარი , ისე გარშემომყოფების ემოციის აღქმა,ეს მას ეხმარება სიტუაციის ადეკვატურად გააზრებაში , კონტაქტის დამყარებაში გარშემომყოფებთან .

მეტყველების განვითარების ეტაპები

მეტყველების განვითარება დაბადებიდან იწყება და საბოლოო ჩამოყალიბებამდე საკმაოდ რთულ ეტაპებს გადის. ბავშვები, რომლებიც ჩამორჩებიან განვითარებაში,ერთი ასაკობრივი პერიოდით მაინც,გარკვეულ რისკის ჯგუფს მიეკუთნებიან და აუცილებელია ფსიქოლოგისა და ლოგოპედის კონსულტაცია. ამიტომ სასურველია მშობლებს თავადაც ჰქონდეთ გარკვეული წარმოდგენა მეტყველების განვითარების მნიშვნელოვანი ეტაპების შესახებ, რომლებიც მათი შვილის სრულფასოვან პიროვნებად ჩამოყალიბებას უწყობს ხელს.

სამეტყველო ორგანოები და მათი ფუნქციონირება

სამეტყველო ორგანოები და მათი სწორი ფუნქციონირების მნიშვნელობა სწორად და ლამაზად მეტყველებისათვის.

ფავორიტებში დასამატებლად უნდა შეხვიდეთ სისტემაში.
ხოლო თუ ჯერ არ გაქვთ გახსნილი ანგარიში kids.ge-ზე, გაიარეთ რეგისტრაცია