ავტორები  ›   ელენე სალარიძე

ელენე სალარიძე

ელენე სალარიძემ საბავშვო ლექსების წერა მანამდე დაიწყო, სანამ დედა გახდებოდა. მისმა პირველმა საბავშვო ლექსებმა საკავშირო კონკურსში გაიმარჯვა (საბჭოთა კავშირის პერიოდში ასეთი კონკურსებიც ტარდებოდა)... მას შემდეგ დიდი დრო გავიდა, პროფესიით ჟურნალისტი ერთ-ერთ დიდ ჰოლდინგში წამყვან თანამდებობაზე მუშაობდა და ჟურნალისტიკისა და ლექსების წერისთვის ნაკლებად იცლიდა, თუმცა კი მისი საბავშვო ლექსები დროდადრო ქვეყნდებოდა ძველ სოფლის ცხოვრებაში, დილაში, მოგვიანებით საბავშვო პოეტების კრებულებში... ბოლო პერიოდში მკითხველს მინირომანებიც შესთავაზა, რომელიც პოპულარულ გამოცემებში (მათ შორის ელექტრონულ მედიაში) ქვეყნდება... ახლა ელენე ბებოს 5 შვილიშვილი ჰყავს და ახლა უკვე მათთვის წერს ლექსებს და თავს ყველაზე ბედნიერად მაშინ მიიჩნევს, როცა მის ლექსებს მისი შვილიშვილები კითხულობენ. თუმცა არანაკლებ ახარებს უცნობი პატარა გოგო-ბიჭების მიერ წაკითხული მისი ლექსების მოსმენა... ელენე ბებოს თუ დავუჯერებთ, ლექსები პატარებს პირველ რიგში სიყვარულს ასწავლის, სიყვარულს და ერთმანეთის მოსმენის, თქვენ წარმოიდგინეთ, შეჯიბრების (რა თქმა უნდა, კარგი გაგებით) სურვილს... წაიკითხეთ ელენე ბებოს ლექსები, თუ არ დაიზარებთ, ზეპირადაც ისწავლეთ. დარწმუნებული ვართ, ეს ლექსები ერთმანეთის სიყვარულსა და სიკეთეს გასწავლით, ჩემო პატარებო...

decoration

ლექსები

ფავორიტებში დასამატებლად უნდა შეხვიდეთ სისტემაში.
ხოლო თუ ჯერ არ გაქვთ გახსნილი ანგარიში kids.ge-ზე, გაიარეთ რეგისტრაცია