საბავშვო ლექსები  ›   ირმა მალაციძე   ›  მხეცუნების ბაღი

მხეცუნების ბაღი

ფავორიტებში დამატება

ტყეში დედა დათვმა
გახსნა ბაგა-ბაღი,
აღმზრდელია მელა,
მზარელი - ტახი.

ძიძა გახლავთ ტურა,
ბოკვრებს კვებავს ფაფით,
ვინც ბოლომდე არ ჭამს,
მათ აშინებს აფთრით.

ძლიერ მოსწონთ ბაღი
პაწაწინა მხეცებს,
ბოკვრებს, შვლებს და ბელებს,
დედა აღარ ეძებს.

მზარელი ტახი
წვნიანს ასხამს ჩამჩით,
დაბაჯბაჯებს ბელი,
თავზე თეთრი ჩაჩით.

თამაშობენ ერთად
მგლის ლეკვი და შველი,
ციცქნა მელაკუდა
ციყვს ჭამაში შველის.

_ აღარ ვიცი, რა ვქნა, _
ჩივის მზარელი, _
ლეკვებს ხორცი უყვართ,
კურდღელს _ ბოსტნეული.

დათვის ბელებს _ თაფლი,
ციყუნიებს _ თხილი,
ბაჭიამ კი წვნიანს
არ დადო პირი!

გულს იბრუნებს ტახი
„ვალიდოლის“ აბით.
ახლა სადილს ხარშავს
ოცდათი ქვაბით.


ირმა მალაციძე
რა ასაკის ბავშვისთვისაა ეს ლექსი საინტერესო?

როგორ ფიქრობთ, რა ასაკის ბავშვისთვის არის ეს ლექსი საინტერესო?



ლექსები ცხოველებზე, ფრინველებზე

ნახატი ლექსები - ამ ლექსის თემაზე შექმნილი ნახატები

ამ ლექსის თემაზე ჯერ არ არის არცერთი ნახატი ატვირთული. იყავი პირველი, ატვირთე შენი ნახატი!

დაამატე ნახატი

იმისთვის რომ შეძლოთ ამ ლექსის თემაზე შექმნილი თქვენი ნახატის დამატება, ჩვენს საიტზე უნდა გქონდეთ გახსნილი ანგარიში. ამისათვის უნდა გაიაროთ რეგისტრაცია.

ფავორიტებში დასამატებლად უნდა შეხვიდეთ სისტემაში.
ხოლო თუ ჯერ არ გაქვთ გახსნილი ანგარიში kids.ge-ზე, გაიარეთ რეგისტრაცია