საბავშვო ლექსები  ›   ნათია ჯანაშია   ›  ფუტკრების წერილი დათვს

ფუტკრების წერილი დათვს

ფავორიტებში დამატება

ბატონო დათვო, მოგმართავთ თხოვნით,
თანაც პირველად არა, მესამედ,
მზა-მზარეული თაფლის სანაცვლოდ,
ნედლი ყვავილის წვენს მიეძალეთ.

დალოცვილ ტყეში რა დალევს ყვავილს,
ტკბილი ნექტარი წუწნეთ და წუწნეთ!
კბილის ტკივილი აღარ გაგტანჯავთ,
ზედმეტი წონა არ შეგაწუხებთ.

პატარებზედაც იფიქრეთ ცოტა,
დრუნჩზე მუდამ რომ თაფლი გაცხიათ,
თუ ბავშვებს წვეთიც აღარ შეხვდებათ,
მაშინ ჩვენს შრომას რაღა ფასი აქვს?

ნუ გაგვაწბილებთ, დათვო ბატონო,
ვფიცავართ, ვალში არც ჩვენ დაგრჩებით,
გასულ ახალ წელს, ხომ კარგად გახსოვთ,
გოზინაყოდ დარჩნენ ბავშვები.

ნუ გაბრაზდებით, ნურც გეწყინებათ,
თქვენ მრისხანება სულაც არ გშვენით,
გპატიებთ, წინა თხოვნის პასუხად
ფიჭა თავზე რომ გადაგვაფშვენით.

თაფლისთვის მტრებად ხომ არ ვიქცევით?
ერთმანეთს ხომ არ გავებუტებით?
ერთ ტყეში ვცხოვრობთ, ბოლოს და ბოლოს.

პატივისცემით,

თქვენი ფუტკრები


ნათია ჯანაშია
რა ასაკის ბავშვისთვისაა ეს ლექსი საინტერესო?

როგორ ფიქრობთ, რა ასაკის ბავშვისთვის არის ეს ლექსი საინტერესო?



ლექსები ცხოველებზე, ფრინველებზე

ნახატი ლექსები - ამ ლექსის თემაზე შექმნილი ნახატები

ამ ლექსის თემაზე ჯერ არ არის არცერთი ნახატი ატვირთული. იყავი პირველი, ატვირთე შენი ნახატი!

დაამატე ნახატი

იმისთვის რომ შეძლოთ ამ ლექსის თემაზე შექმნილი თქვენი ნახატის დამატება, ჩვენს საიტზე უნდა გქონდეთ გახსნილი ანგარიში. ამისათვის უნდა გაიაროთ რეგისტრაცია.

ფავორიტებში დასამატებლად უნდა შეხვიდეთ სისტემაში.
ხოლო თუ ჯერ არ გაქვთ გახსნილი ანგარიში kids.ge-ზე, გაიარეთ რეგისტრაცია