საბავშვო ლექსები  ›   მარიამ წიკლაური   ›  ოჩოპინტრე და ოჩოდალი

ოჩოპინტრე და ოჩოდალი

ფავორიტებში დამატება
-იყო და არა იყო რა,
ტყეში ცხოვრობდა ბიჭი.
ტყეში ხარობდა წიფელი,
თელა, მუხა და ფიჭვი.
-კიდევ? -ზღმარტლი და კუნელა.
-კიდევ?- ცხოვრობდა თხუნელა.
-კიდევ? -ხოხობი, კაკაბი,
ტყეს არსად აჩნდა ნაკაფი.

ის ბიჭი ნადირს მწყემსავდა,
დადიდა ჯოგი.
ერთი დაც ჰყავდა - ტყის გოგო,
ფხიზელი, როგორც ჭოტი.

-რა ერქვათ?
-დას - ოჩოდალი,
ძმას კიდევ - ოჩოპინტრე!
მონადირეებს აფრთხობდნენ,
ბოროტებსა და ფინთებს.

მაგრამ ჩვენს პინტრე ბიჭუნას
მართა ძილის ქირა,
თუ ერთს ჩასთვლემდა ხის ძირას,
ძინა მთელი კვირა.
იმ ბოროტ მონადირეებს
ამ დროს სწყალობდათ ბედი:
ხან ცხოველს ჰკლავდნენ,
ხან - ფრინველს,
რაღა უნდოდათ მეტი?!

გოგო კი მუდამ ფხიზლობდა,
ქარებს ატანდა ისარს,
რომ მონადირის ნასროლი
არ მოხვედროდა მიზანს.

ჩოპინტრეს და ოჩოდალს -
ნადირთ ჯოგების მწყემსებს,
არც გრიპი ემართებოდათ,
არ უკეთებდნენ ნემსებს.
- არც ზღაპრებს არ უყვებოდნენ?
- არ დადიოდნენ ცირკში?
-გეყოთ, დახუჭეთ თვალი და
თავადვე ჰკითხეთ ძილში.
მარიამ წიკლაური
რა ასაკის ბავშვისთვისაა ეს ლექსი საინტერესო?

როგორ ფიქრობთ, რა ასაკის ბავშვისთვის არის ეს ლექსი საინტერესო?



ეს ლექსი არცერთ კატეგორიაში არ არის.

ნახატი ლექსები - ამ ლექსის თემაზე შექმნილი ნახატები

ამ ლექსის თემაზე ჯერ არ არის არცერთი ნახატი ატვირთული. იყავი პირველი, ატვირთე შენი ნახატი!

დაამატე ნახატი

იმისთვის რომ შეძლოთ ამ ლექსის თემაზე შექმნილი თქვენი ნახატის დამატება, ჩვენს საიტზე უნდა გქონდეთ გახსნილი ანგარიში. ამისათვის უნდა გაიაროთ რეგისტრაცია.

ფავორიტებში დასამატებლად უნდა შეხვიდეთ სისტემაში.
ხოლო თუ ჯერ არ გაქვთ გახსნილი ანგარიში kids.ge-ზე, გაიარეთ რეგისტრაცია