საბავშვო ლექსები  ›   მანანა ტონია   ›  დაგვეხმარეთ, ბავშვებო!

დაგვეხმარეთ, ბავშვებო!

ფავორიტებში დამატება

სახალისო და საჭირო ზღაპარი ბავშვებს

ერთხელაც, განსჯა დაწყეს
გრძნობათა ორგანოებმა,
ჩხუბით ყურიც კი წაღეს,
რომელს რა მოთხოვება.

ახსნეს საქმენი ქებულნი,
ყველამ სთქვა, ვართო „მთავარი“,
მათ კამათს ჩასაფრებულნი
უსმენდნენ ბესო,თამარი.

ცხვირმა აპრიხა წვერო და,
თქვა როლი მაქვსო რთული,
ყველას დახედა ზემოდან,
ჩემით გიდგიათ სული:

-მხოლოდ ერთადერთს თქვენს შორის,
მაქვს ყნოსვა, გითხრათ მართალი,
მე ვამცნობ თეას და ბორისს,
“ქურაში ცხვება ნამცხვარი.”

ნა გაბრაზდა, მაშ გემო?!
თქვით ჩემი როლიც ბარემ,
როგორ მიხვდებით, ნაყინი,
ტკბილი არის, თუ მწარე?!

ნატა გაცივდა, წამალს სვამს,
გოგომ მოჭმუხნა თვალები,
სიმწარეს ვუქრობ, იმავ წამს
მურაბით მივექანები.

კანმა ბურძგლები აჰყარა,
და გაჩუმა ყველა:
როგორ შეიგრძნობთ, ვინ გეტყვით,
როცა ცივა, ან ცხელა?

დაფარული ვარ, ვერ მხედავს,
პაწაწკინტელა გერა,
მე მივეხმარე, რომ იგრძნოს,
დედა რომ მიფერა.

ყურებმა, ეს რომ გაგეს,
გაბრაზდნენ, შექმნეს ყაყანი:
-მასწავლებელი რას უხსნის,
როგორ გაგებს ბაქარი?

დაცქვეტილნი და მორჩილნი,
ყურადღებით ვართ კლასში,
ჩვენ ვეხმარბეით, ძმობილნი,
რომ გახდეს კარგი ბავშვი.

ლამის ამოხტნენ ბუდიდან,
სე გაბრაზდნენ თვალები,
აყვირდნენ:-თქვენ ამ წუთიდან
ხართ ძლიერ შესაბრალები!

ბეჯითნი ჩვენ რომ არ ვიყოთ,
არ წავიკითხოთ წიგნები,
ჰკითხეთ მოსწავლე დათიკოს,
წარჩინებული იქნები?

ჩაფიქრდნენ,ვეღარ ხვდებიან,
დაიბნენ ბესო, თამარი,
ერთმანეთს ეკითხებიან,
რა ორგანოა მთავარი?

ვერ გამოიცვნეს, აყვირდნენ,
მათაც დაწყეს ჩხუბი,
ერთად გადავჭრით საკითხებს,
დაგვეხმარებით თუ კი.
მანანა ტონია
რა ასაკის ბავშვისთვისაა ეს ლექსი საინტერესო?

როგორ ფიქრობთ, რა ასაკის ბავშვისთვის არის ეს ლექსი საინტერესო?



ეს ლექსი არცერთ კატეგორიაში არ არის.

ნახატი ლექსები - ამ ლექსის თემაზე შექმნილი ნახატები

ამ ლექსის თემაზე ჯერ არ არის არცერთი ნახატი ატვირთული. იყავი პირველი, ატვირთე შენი ნახატი!

დაამატე ნახატი

იმისთვის რომ შეძლოთ ამ ლექსის თემაზე შექმნილი თქვენი ნახატის დამატება, ჩვენს საიტზე უნდა გქონდეთ გახსნილი ანგარიში. ამისათვის უნდა გაიაროთ რეგისტრაცია.

ფავორიტებში დასამატებლად უნდა შეხვიდეთ სისტემაში.
ხოლო თუ ჯერ არ გაქვთ გახსნილი ანგარიში kids.ge-ზე, გაიარეთ რეგისტრაცია