სოფია ბარშოვა საბავშვო პოეტი, მწერალი, მთარგმნელი, სცენარისტი, რედაქტორი

დაიბადა 1985 წლის 22 ივლისს, იმერეთის ქალაქ ბაღდათში და იქვე დაამთავრა საშუალო სკოლა. ქუთაისის სახელმწიფო უნივერსიტეტში დაამთავრა ბაკალავრი- ფრანგული ენისა და ლიტერატურის ფაკულტეტი, ხოლო ბათუმის სახელმწიფო უნივერსიტეტში მაგისტრატურა- რომანისტიკა.

დღემდე ცხოვრობს და საქმიანობს ქალაქ ბათუმში, 2011 წლიდან არის აჭარის ტურიზმისა და კურორტების დეპარტამენტის თანამშრომელი.

სოფია ბარშოვამ ფრანგულიდან თარგმნა ანა გავალდას ,,35 კილო იმედი“.

სხვადასხვა თემაზე დაწერილი, შემეცნებითი ხასიათის საბავშვო ლექსებიდან, ბევრი ლექსი შექმნა თავის ქალიშვილთან- ანიტასთან ურთიერთობაზე და მათ საერთო გამოცდილებაზე.

ასევე შექმნა მოთხრობების სერია ,,კლასი ქარიშხალა“, რომელიც ქალიშვილის, ანიტას კლასის პროტოტიპი კლასის ამბებზეა, რომელიც ტყეში მდებარეობს და სხვადასხვა ცხოველისგან შედგება. ამ მოთხრობების მიხედვით ორჯერ დაიდგა მინი სპექტაკლი.

2023 წელს სოფია გახდა გამომცემლობა  ,,პალიტრა L”-ის მიერ ორგანიზებული კონკურსის ,,გახდი საბავშვო ბესტსელერის ავტორის“ გამარჯვებული წიგნისთვის - ,,მამა შაქროს ისტორიები -კაქტუსა აფრიკაში“, რომელსაც სულ მალე ვიხილავთ წიგნების თაროებზე.

სოფიას ჰყავს ორი შვილი: ნიკა და ანიტა