მოუყევით ბავშვს ზღაპრები და ერთადაც მოიგონეთ ახალი ზღაპრები. ეს მას დაეხმარება წარმოსახვისა და შემოქმედებითი უნარების განვითარებაში.
კითხვის დროს, სიტყვები წარმოთქვით სწორად. მიაქციეთ ყურადღება, რომ წინადადებები იყოს გრამატიკულად გამართული. თქვენი ბავშვი ყურადღებით გისმენთ და სწავლობს.
წიგნის კითხვის შემდეგ, ესაუბრეთ თქვენს პატარას წაკითხულის შესახებ. ძილის წინაც და დილითაც. ეს არის ძალიან კარგი საგანმანათლებლო სავარჯიშო.
წაუკითხეთ ბავშვს წიგნი ძილის წინ, ყოველ დღე. ამით აჩვენებთ, თქვენს დამოკიდებულებას წიგნის კითხვის მიმართ, მის მნიშვნელობას და თან ერთად სასიამოვნოდ გაატარებთ დროს.
წაუკითხეთ ბავშვს მის ოთახში ან მისთვის საყვარელ ადგილას, საყვარელი ნივთების გარემოცვაში. ამ შემთხვევაში ის უფრო ყურადღებით მოგისმენთ, უფრო ადვილად დაიმახსოვრებს და კითხვის პროცესი მისთვის უფრო სასიამოვნო გახდება.
ბავშვის ცუდი საქციელის შედეგის მითითებისას, ეცადეთ  მოძებნოთ რამოდენიმე არგუმენტი იმის საჩვენებლად, რომ თუ მოინდომებს, შესაძლებელია დაიმსახუროს როგორც თქვენი შექება, ასევე რაიმე ჯილდო.
რა ასაკისაც არ უნდა იყვნენ თქვენი შვილები, ყოველთვის იცოდეთ სად არიან, ვისთან არიან და რას აკეთებენ! ეს დაგეხმარებათ თავიდან აიცილოთ პრობლემები და ამავე დროს აჩვენებთ ბავშვსაც, რომ ზრუნავთ მასზე.
არასოდეს დაამციროთ ბავშვი სიტყვიერად. ძალიან დიდი განსხვავებაა რაიმეს შესწორება - მითითებასა და აგრესიულ თავდასხმას შორის!
არასოდეს არ დაარტყათ ხელი და არ გამოიყენოთ რაიმე ფიზიკური ფორმა ბავშვის დასასჯელად. ტაკოზე ხელის ოდნავ მიპაკუნება საკმარისია ბავშვის ყურადღების მისაქცევად, მაგრამ ეს არასოდეს არ უნდა იყოს დასჯა!
თქვენ შეიძლება გააკრიტიკოთ ბავშვის საქციელი, მაგრამ ნურასოდეს გააკრიტიკებთ თვითონ ბავშვს!

ფავორიტებში დასამატებლად უნდა შეხვიდეთ სისტემაში.
ხოლო თუ ჯერ არ გაქვთ გახსნილი ანგარიში kids.ge-ზე, გაიარეთ რეგისტრაცია