ნაწარმოებების გამოქვეყნების პირობები

შესავალი:

წინამდებარე პირობები განსაზღვრავს საბავშვო ავტორების ნაწარმოებების ჩვენს საიტზე გამოქვეყნების წესებს. ეს პირობები აუცილებელია, რათა უზრუნველვყოთ საიტზე განთავსებული მასალა მაღალი ხარისხი, დავიცვათ საავტორო უფლებები და შევქმნათ უსაფრთხო და სასიამოვნო გარემო ჩვენი მკითხველებისთვის.

1. საავტორო უფლებები და ორიგინალობა:
   1. ავტორი უნდა იყოს ნაწარმოების ერთადერთი ავტორი და უნდა ფლობდეს ყველა საჭირო საავტორო უფლებას.
   2. ნაწარმოები უნდა იყოს ორიგინალური და არ უნდა შეიცავდეს პლაგიატს ან სხვა ავტორის ნაწარმოების ნაწილებს, თუ ამაზე არსებობს ნებართვა.
   3. ავტორი უნდა იძლეოდეს თანხმობას ნაწარმოების საიტზე გამოქვეყნებაზე და მის გამოყენებაზე საიტის მიზნებისთვის.
   4. ნაწარმოებზე პრეტენზია არ უნდა ჰქონდეს გამომცემლობას ან სხვა მესამე პირს. ასეთი პრეტენზიის არსებობის შემთხვევაში, მის დარეგულირებაზე პასუხისმგებლობას იღებს თავად ავტორი.
   5. თუ რაიმე სადავო საკითხი გამოვლინდა ნაწარმოებთან დაკავშირებით, ნაწარმოები მოიხსნება საიტიდან განუსაზღვრელი ვადით, საკითხის სრულად დარეგულირებამდე. სადავო საკითხების ან ეჭვების არსებობის შემთხვევაში, ნაწარმოები არ გამოქვეყნდება საიტზე.
2. შინაარსი და ხარისხი:
   1. ნაწარმოები უნდა იყოს შესაფერისი ბავშვებისთვის და არ უნდა შეიცავდეს ძალადობას, შეურაცხყოფას ან სხვა უარყოფით თემებს.
   2. ნაწარმოები უნდა იყოს მაღალი ხარისხის, კარგად დაწერილი და რედაქტირებული.
   3. ნაწარმოები უნდა იყოს შესაბამისი ასაკობრივი ჯგუფისთვის, რომლისთვისაც არის განკუთვნილი.
   4. ნაწარმოების ფორმატი უნდა იყოს შესაბამისი საიტზე ატვირთვისთვის.
3. ტექნიკური მოთხოვნები:
   1. ნაწარმოები უნდა იყოს წარმოდგენილი შემდეგ ფორმატში: .doc, .pdf, .txt სურათის ფორმატში (დასკანერებული ან ფოტო) წარმოდგენილი ტექსტები არ გამოქვეყნდება).
   2. თუ ნაწარმოებს თან ახლავს ფოტოები ან ილუსტრაციები, ისინი უნდა იყოს შემდეგ ფორმატში:
      1. ფაილის ტიპი (გაფართოება): .jpg, .png,
      2. ზომა: მინიმუმ 800x800px ან მეტი;
      3. მაღალი ხარისხის ფოტო.
   3. ავტორი ვალდებულია, წარმოადგინოს ნაწარმოების მეტამონაცემები:
      1. ქვესათაური (ასეთის არსებობის შემთხვებაში);
      2. მიძღვნა (ასეთის არსებობის შემთხვევაში)
      3. მეტა აღწერა;
      4. საკვანძო სიტყვები;
   4. სასურველია ავტორმა მიუთითოს, თუ რომელ კატეგორიაში უნდა განთავსდეს ნაწარმოები საიტზე.
4. ავტორის ვალდებულებები:
   1. ავტორი ვალდებულია, დროულად განაახლოს თავისი საკონტაქტო ინფორმაცია და ბიოგრაფია.
   2. ავტორი ვალდებულია, დროულად უპასუხოს საიტის ადმინისტრაციის შეკითხვებს.
   3. ავტორი ვალდებულია, დაიცვას საიტის კონფიდენციალურობის პოლიტიკა.
   4. ავტორი ვალდებულია, საიტზე წარსადგენი ნაწარმოები გამოგზავნოს სრულად რედაქტირებული და გამართული სახით. საიტი არ იღებს ვალდებულებას ნაწარმოების ტექსტის რედაქტირებაზე და არც პასუხისმგებლობას ტექსტში არსებულ შეცდომებზე.
   5. საიტზე შეცდომების აღმოჩენის შემთხვევაში, ავტორი ვალდებულია, საიტის ადმინისტრაციას მიაწოდოს ტექსტის შესწორებული ვერსია, რათა მოხდეს მისი განახლება.
5. საიტის უფლებები:
   1. საიტის ადმინისტრაციას უფლება აქვს, შეცვალოს ნაწარმოების ფორმატი ან შეასწოროს გრამატიკული შეცდომები, ცვლილებების განხორციელებამდე ავტორი მიიღებს შეტყობინებას ან ცვლილებები განხორციელდება მასთან შეთანხმებით.
   2. საიტის ადმინისტრაციას უფლება აქვს, წაშალოს ან უარი თქვას ნაწარმოების გამოქვეყნებაზე, თუ ის არ შეესაბამება საიტის წესებს ან თუ ავტორი არ ასრულებს თავის ვალდებულებებს.
   3. საიტის ადმინისტრაციას უფლება აქვს, განათავსოს რეკლამა ნაწარმოების გვერდზე. ეს აუცილებელია საიტის არსებობისა და განვითარებისთვის, რათა ჩვენ შევძლოთ უფასოდ შევთავაზოთ ავტორებს პლატფორმა მათი ნაწარმოებების გასაზიარებლად, ხოლო მკითხველებს - ხარისხიანი საბავშვო ლიტერატურა.
   4. საიტის ადმინისტრაციას უფლება აქვს, გამოიყენოს ნაწარმოები საიტის პოპულარიზაციისთვის (მაგალითად ნაწარმოების, ან მისი ფრაგმენტის გამოქვეყნება სოციალურ ქსელებში და ა.შ).
6. დამატებითი პირობები:
   1. თუ ნაწარმოები განკუთვნილია კონკრეტული ასაკობრივი ჯგუფისთვის, დააზუსტეთ ეს პირობებში.
   2. ავტორის გვერდი შეიქმნება საიტზე მინიმუმ 5 ნაწარმოების განთავსების შემთხვევაში. ავტორის გვერდზე განთავსდება მისი ბიოგრაფია, ფოტოსურათი.
   3. საიტის ადმინისტრაციას უფლება აქვს, უარი თქვას ნაწარმოების გამოქვეყნებაზე, თუ ის არ აკმაყოფილებს ზემოთ ჩამოთვლილ პირობებს.
   4. საიტის ადმინისტრაციას უფლება აქვს, ამოიღოს ნაწარმოები საიტიდან, თუ ის არ შეესაბამება საიტის წესებს.
   5. ავტორი უნდა თანხმდებოდეს, რომ საიტი არ არის პასუხისმგებელი ნაწარმოების არასანქცირებულ გამოყენებაზე მესამე პირების მიერ.