კონფიდენციალურობისა და პერსონალურ მონაცემთა დაცვის პოლიტიკა

Kids.ge პატივს სცემს მომხმარებელთა კონფიდენციალურობას და პასუხისმგებლობით ეკიდება პერსონალური მონაცემების დაცვას.

წინამდებარე პოლიტიკა განმარტავს, რა სახის ინფორმაციას ვაგროვებთ და ვინახავთ Kids.ge-ის გამოყენებისას, რა მიზნით ვიყენებთ მას, ვის შეიძლება ჰქონდეს მასზე წვდომა და რა უფლებები აქვს მომხმარებელს საკუთარ პერსონალურ მონაცემებთან დაკავშირებით.

1. მონაცემების დამუშავებისთვის პასუხისმგებელი პირი

Kids.ge-ის ფარგლებში პერსონალური მონაცემების დამუშავებისთვის პასუხისმგებელი პირია:

შპს „ქიდს.ჯი“
საიდენტიფიკაციო კოდი: 404454354

საკონტაქტო ელფოსტა: info@kids.ge

2. საიტის გამოყენება რეგისტრაციის გარეშე

Kids.ge-ის ძირითადი საჯარო მასალებით სარგებლობა შესაძლებელია რეგისტრაციის გარეშე.

საიტზე სტუმრობისას ტექნიკურად შეიძლება შეგროვდეს ისეთი ინფორმაცია, როგორიცაა:

• IP მისამართი;
• ვიზიტის თარიღი და დრო;
• გამოყენებული ბრაუზერი და ოპერაციული სისტემა;
• მოწყობილობასთან დაკავშირებული ტექნიკური ინფორმაცია;
• მონახულებული გვერდები;
• საიტი ან ბმული, საიდანაც მომხმარებელი მოხვდა Kids.ge-ზე;
• საიტის გამოყენებასთან დაკავშირებული სხვა ტექნიკური მონაცემები.

ეს ინფორმაცია გამოიყენება საიტის გამართული და უსაფრთხო მუშაობისთვის, ტექნიკური პრობლემების აღმოჩენისა და საიტის გამოყენების საერთო სტატისტიკის შესასწავლად.

3. მომხმარებლის რეგისტრაცია და ანგარიში

Kids.ge-ზე ანგარიშის შექმნა ნებაყოფლობითია, თუმცა ზოგიერთი პერსონალიზებული ფუნქციის გამოყენებისთვის რეგისტრაცია აუცილებელია.

რეგისტრაციისას მომხმარებელს შეუძლია მოგვაწოდოს:

• სახელი;
• გვარი;
• დაბადების თარიღი;
• სქესი;
• ტელეფონის ნომერი - სურვილისამებრ;
• ელფოსტის მისამართი;
• პაროლი;
• ელფოსტის მისამართი საჭიროა მომხმარებლის ანგარიშის შექმნის, ავტორიზაციისა და ანგარიშთან დაკავშირებული კომუნიკაციისთვის.

ტელეფონის ნომრის მითითება სავალდებულო არ არის. მისი მითითების შემთხვევაში, ის შეიძლება გამოყენებულ იქნეს მომხმარებელთან ანგარიშის ან მომსახურების შესახებ დასაკავშირებლად, მათ შორის იმ შემთხვევაში, თუ სისტემაში დაფიქსირდა ისეთი უჩვეულო აქტივობა, რომლის შესახებაც ანგარიშის მფლობელის ინფორმირება მიზანშეწონილად მივიჩნიეთ.

მომხმარებლის პაროლი მონაცემთა ბაზაში ღია ტექსტის სახით არ ინახება და დაცულია კრიპტოგრაფიულად გარდაქმნილი ფორმით.

4. ბავშვის პროფილის შექმნა

ბავშვის პროფილს Kids.ge-ზე ქმნის მშობელი ან სხვა კანონიერი წარმომადგენელი.

ბავშვის პროფილში შეიძლება შეინახოს:

• ბავშვის სახელი;
• გვარი;
• დაბადების თარიღი;
• სქესი;
• ბავშვის ფოტო - სურვილისამებრ.

ბავშვის ფოტო საჯაროდ არ ქვეყნდება. საიტის ჩვეულებრივ ინტერფეისში იგი ხილულია შესაბამისი ანგარიშის მფლობელისთვის და სხვა მომხმარებლებს არ ეჩვენებათ.

ბავშვის სახელი და გვარი საჭიროა ბავშვის პროფილის იდენტიფიცირებისა და Kids.ge-ის სხვადასხვა პერსონალიზებული ინსტრუმენტის გამოყენებისთვის. ეს მონაცემები ასევე შეიძლება გამოიყენებოდეს კლასისა და მასწავლებლისთვის განკუთვნილ ფუნქციებში, როდესაც მომხმარებელი შესაბამის მომსახურებას იყენებს.

5. ბავშვის ზრდისა და განვითარების მონაცემები

Kids.ge მომხმარებელს საშუალებას აძლევს, საკუთარი ბავშვის ზრდასთან დაკავშირებული მონაცემები შეინახოს და შესაბამის გრაფიკებზე დააკვირდეს მათ ცვლილებას.

მშობელს შეუძლია ნებაყოფლობით შეიყვანოს:

• სიმაღლე;
• წონა;
• თავის გარშემოწერილობა;
• სხეულის მასის ინდექსი (BMI);
• ამ მონაცემების გაზომვის თარიღები და მათთან დაკავშირებული ინფორმაცია.

ეს მონაცემები ინახება იმისთვის, რომ მომხმარებელმა თავად შეძლოს ბავშვის ზრდის მონაცემების ორგანიზება, მათი ისტორიის შენახვა და ვიზუალურ გრაფიკებზე ცვლილებების დაკვირვება.

Kids.ge ამ ინფორმაციას არ იყენებს რეკლამისთვის, მომხმარებლის პროფაილინგისთვის ან ბავშვის დამოუკიდებელი სამედიცინო შეფასებისთვის.

აღნიშნული ინფორმაცია შეიძლება მიეკუთვნებოდეს ჯანმრთელობასთან დაკავშირებულ, განსაკუთრებული კატეგორიის პერსონალურ მონაცემებს. მისი შეყვანა ნებაყოფლობითია და ასეთი ფუნქციით სარგებლობისას მონაცემები მუშავდება მშობლის ან სხვა კანონიერი წარმომადგენლის მიერ არჩეული მომსახურების უზრუნველსაყოფად და შესაბამისი სამართლებრივი საფუძვლის არსებობის შემთხვევაში.

Kids.ge-ის ზრდისა და განვითარების გრაფიკები ინფორმაციული და ორგანიზაციული ინსტრუმენტია და არ წარმოადგენს სამედიცინო დიაგნოსტიკას ან ექიმის პროფესიული შეფასების შემცვლელს.

6. აცრების აღრიცხვა

Kids.ge მომხმარებელს საშუალებას აძლევს, საკუთარი ბავშვის ჩატარებული და დაგეგმილი აცრების შესახებ ინფორმაცია ორგანიზებულად შეინახოს.

მომხმარებელს შეუძლია ნებაყოფლობით მიუთითოს, მაგალითად:

• ჩატარებული აცრა;
• აცრის ჩატარების თარიღი;
• გამოყენებული პრეპარატი;
• აცრასთან დაკავშირებული სხვა ინფორმაცია;
• ინფორმაცია გეგმიურ აცრებთან შესაბამისობის დასაკვირვებლად.

ეს მონაცემები ინახება იმისთვის, რომ მომხმარებელმა თავად შეძლოს ბავშვის აცრების ისტორიის ორგანიზება და მასზე დაკვირვება.

Kids.ge ამ მონაცემებს არ იყენებს სარეკლამო მიზნებისთვის, მომხმარებლის პროფაილინგისთვის ან დამოუკიდებელი სამედიცინო ანალიზისთვის.

აცრებთან დაკავშირებული ინფორმაცია ჯანმრთელობასთან დაკავშირებული პერსონალური მონაცემია და განსაკუთრებული დაცვის საგანს წარმოადგენს. მისი შეყვანა სრულიად ნებაყოფლობითია და შესაბამისი მონაცემები მუშავდება მხოლოდ სათანადო სამართლებრივი საფუძვლის არსებობის შემთხვევაში.

Kids.ge-ზე არსებული აცრების ცხრილი არის ინფორმაციის ორგანიზებისა და აღრიცხვის ინსტრუმენტი და არ ცვლის ექიმის კონსულტაციას ან ოფიციალურ სამედიცინო ჩანაწერს.

7. სახალისო ლექსიკონი

Kids.ge-ის „ სახალისო ლექსიკონში “ მომხმარებელს შეუძლია შეინახოს ბავშვის მიერ ნათქვამი სახალისო სიტყვები და მათი განმარტებები.

მომხმარებლის არჩევანის შესაბამისად, ასეთი ჩანაწერი შეიძლება საჯაროდაც გამოჩნდეს.

საჯარო ლექსიკონში ბავშვის სახელი, გვარი, ფოტო ან სხვა პირდაპირი მაიდენტიფიცირებელი ინფორმაცია არ ქვეყნდება. საჯაროდ შეიძლება გამოჩნდეს მხოლოდ თავად სიტყვა და მისი განმარტება.

8. კითხვარები და ონლაინ შეფასების ინსტრუმენტები

Kids.ge-ზე შეიძლება განთავსებული იყოს სხვადასხვა კითხვარი და თვითშეფასების ან საინფორმაციო ინსტრუმენტი.

ასეთი კითხვარის შევსებისთვის მომხმარებლის რეგისტრაცია შეიძლება საჭირო არ იყოს.

კითხვარის გამოყენებისას ტექნიკურად შეიძლება დაფიქსირდეს:

• IP მისამართი;
• ბრაუზერისა და მოწყობილობის შესახებ ტექნიკური ინფორმაცია;
• კითხვარში გაცემული პასუხები;
• კითხვარის შედეგი.

თუ კითხვარის ფუნქცია მომხმარებელს სთავაზობს შედეგის ელექტრონულ ფოსტაზე მიღებას, მომხმარებელს შეუძლია სურვილისამებრ მიუთითოს თავისი ელფოსტის მისამართი.

ელფოსტის მითითება ასეთ შემთხვევაში გამოიყენება კითხვარის შედეგის მიწოდებისა და შესაბამისი ფუნქციის უზრუნველყოფისთვის და არ გამოიყენება სარეკლამო შეტყობინებების გასაგზავნად მომხმარებლის ცალკე თანხმობის გარეშე.

კითხვარის პასუხები და შედეგები Kids.ge-ის მიერ არ გამოიყენება მომხმარებლისთვის რეკლამის შესარჩევად და არ გადაეცემა მესამე პირებს მათი დამოუკიდებელი მიზნებისთვის.

ტექნიკური ინფრასტრუქტურის ფუნქციონირებისთვის მონაცემების შენახვაში ან გადაცემაში შეიძლება მონაწილეობდნენ ჩვენი სახელით მოქმედი მომსახურების მიმწოდებლები, მაგალითად ჰოსტინგისა და ელექტრონული ფოსტის მომსახურების მომწოდებლები.

თუ კითხვარის შინაარსი ეხება ბავშვის განვითარებას, ჯანმრთელობას ან სხვა მგრძნობიარე საკითხებს, Kids.ge განსაკუთრებული სიფრთხილით ეკიდება ასეთი ინფორმაციის კონფიდენციალურობას.

კითხვარის შედეგი საინფორმაციო ხასიათისაა და არ წარმოადგენს სამედიცინო, ფსიქოლოგიურ ან სხვა პროფესიულ დიაგნოზს, თუ კონკრეტული ინსტრუმენტის აღწერაში სხვა რამ პირდაპირ არ არის მითითებული.

9. რა მიზნით ვიყენებთ პერსონალურ მონაცემებს

Kids.ge პერსონალურ მონაცემებს იყენებს მხოლოდ კონკრეტული და შესაბამისი მიზნებისთვის, მათ შორის:

• მომხმარებლის ანგარიშის შექმნისა და მართვისთვის;
• მომხმარებლის ავტორიზაციისთვის;
• ბავშვის პროფილის ფუნქციონირებისთვის;
• მომხმარებლის მიერ არჩეული ონლაინ ინსტრუმენტების მუშაობისთვის;
• მომხმარებლის მიერ შეყვანილი ინფორმაციის შენახვისა და მისთვის ხელმისაწვდომობის უზრუნველსაყოფად;
• კითხვარის შედეგის ელექტრონული ფოსტით გასაგზავნად, როდესაც ამას თავად მომხმარებელი ითხოვს;
• მომხმარებელთან მომსახურებასთან ან ანგარიშთან დაკავშირებული კომუნიკაციისთვის;
• საიტის უსაფრთხოების უზრუნველსაყოფად;
• ტექნიკური პრობლემების გამოსავლენად და აღმოსაფხვრელად;
• საიტის გამოყენების საერთო სტატისტიკის შესასწავლად;
• Kids.ge-ის ფუნქციებისა და მომხმარებლის გამოცდილების გასაუმჯობესებლად;
• კანონმდებლობით გათვალისწინებული ვალდებულებების შესასრულებლად.

ბავშვის პროფილში, ზრდის გრაფიკებში, აცრების ცხრილებში და სხვა პერსონალურ ინსტრუმენტებში მომხმარებლის მიერ შეყვანილ ინფორმაციას Kids.ge არ იყენებს დამოუკიდებელი კვლევის, მომხმარებლის პროფაილინგის ან სარეკლამო მიზნებისთვის.

10. Google Analytics და Meta Pixel

Kids.ge იყენებს Google Analytics-ს და Meta Pixel-ს საიტის გამოყენების საერთო ანალიტიკის, ვიზიტებისა და შესაბამისი ციფრული აქტივობის შესაფასებლად.

ამ ტექნოლოგიების მუშაობისას Google-სა და Meta-ს შეიძლება გადაეცეს გარკვეული ტექნიკური ინფორმაცია, მათ შორის მოწყობილობის, ბრაუზერის, IP მისამართის, მონახულებული გვერდისა და საიტზე განხორციელებული ტექნიკური მოქმედებების შესახებ ინფორმაცია.

Google Analytics და Meta Pixel არ გამოიყენება Kids.ge-ის მიერ ბავშვის ზრდის, აცრების, ბავშვის პროფილის, კითხვარის შინაარსის ან სხვა მსგავსი პერსონალური ინფორმაციის დამოუკიდებელი ანალიზისთვის.

ამ სერვისებმა შეიძლება გამოიყენონ Cookies და სხვა მსგავსი ტექნოლოგიები საკუთარი ტექნიკური წესებისა და კონფიდენციალურობის პირობების შესაბამისად.

11. Cookies

Kids.ge-ის გამართული მუშაობისთვის შეიძლება გამოყენებულ იქნეს Cookies და სხვა მსგავსი ტექნოლოგიები.

Cookies შეიძლება გამოიყენებოდეს:

• მომხმარებლის ავტორიზაციისთვის;
• სესიისა და უსაფრთხოების მართვისთვის;
• საიტის ფუნქციების გამართული მუშაობისთვის;
• მომხმარებლის არჩევანის ან ტექნიკური პარამეტრების დასამახსოვრებლად;
• საიტის გამოყენების ანალიტიკისთვის.

ზოგიერთი Cookie აუცილებელია საიტის ფუნქციონირებისთვის, ხოლო სხვა Cookies შეიძლება დაკავშირებული იყოს ანალიტიკურ ან მარკეტინგულ ტექნოლოგიებთან.

მომხმარებელს შეუძლია Cookies-ის გარკვეული ტიპების მართვა საკუთარი ბრაუზერის პარამეტრების საშუალებით ან საიტზე არსებული შესაბამისი არჩევანის მექანიზმით, თუ ასეთი მექანიზმი გამოიყენება.

12. მომსახურების გარე მიმწოდებლები

Kids.ge-ის ტექნიკური ფუნქციონირებისთვის ვიყენებთ გარე მომსახურების მიმწოდებლებს.

ამჟამად ასეთი მომსახურებები მოიცავს:

• Proservice-ის ჰოსტინგის მომსახურებას;
• ელექტრონული ფოსტისა და SMTP მომსახურებას;
• Google Analytics-ს;
• Meta Pixel-ს.

ჰოსტინგისა და სხვა ტექნიკური მომსახურების მიმწოდებლებს შეიძლება ჰქონდეთ ტექნიკური წვდომა მონაცემებზე მხოლოდ შესაბამისი მომსახურების გაწევისთვის საჭირო ფარგლებში.

ჩვენ არ ვყიდით მომხმარებელთა პერსონალურ მონაცემებს და არ გადავცემთ მათ სხვა პირებს მათი დამოუკიდებელი სარეკლამო ან მარკეტინგული მიზნებისთვის.

გარე საერთაშორისო სერვისების გამოყენებისას გარკვეული ტექნიკური მონაცემების დამუშავება შეიძლება საქართველოს ფარგლებს გარეთაც განხორციელდეს შესაბამისი მომსახურების მომწოდებლის ინფრასტრუქტურისა და კონფიდენციალურობის პირობების შესაბამისად.

13. მონაცემების შენახვის ვადა

პერსონალურ მონაცემებს ვინახავთ მხოლოდ იმდენ ხანს, რამდენიც საჭიროა მათი დამუშავების შესაბამისი მიზნის მისაღწევად.

მათ შორის:

• ანგარიშთან დაკავშირებული ინფორმაცია შეიძლება ინახებოდეს ანგარიშის არსებობის განმავლობაში;
• ბავშვის პროფილისა და მის ინსტრუმენტებში შეყვანილი ინფორმაცია შეიძლება ინახებოდეს მანამდე, სანამ მომხმარებელს სურს შესაბამისი ფუნქციებით სარგებლობა;
• მომხმარებელს შეუძლია მოითხოვოს საკუთარი ან ბავშვის შესაბამისი მონაცემების წაშლა;
• ტექნიკური მონაცემების შენახვის ვადა განისაზღვრება უსაფრთხოების, სისტემის გამართული მუშაობისა და შესაბამისი ტექნიკური მიზნების მიხედვით;
• კანონმდებლობით გათვალისწინებულ შემთხვევებში ზოგიერთი ინფორმაცია შეიძლება უფრო ხანგრძლივი ვადით იქნეს შენახული.

მონაცემთა დამუშავების მიზნის ამოწურვის შემდეგ მონაცემები იშლება, ნადგურდება ან, საჭიროების შემთხვევაში, ინახება დეპერსონალიზებული ფორმით, თუ მათი შენახვის სხვა სამართლებრივი საფუძველი არ არსებობს.

14. მონაცემთა უსაფრთხოება

Kids.ge იღებს შესაბამის ტექნიკურ და ორგანიზაციულ ზომებს პერსონალური მონაცემების დასაცავად:

• უნებართვო წვდომისგან;
• უკანონო გამოყენებისგან;
• დაკარგვისგან;
• შეცვლისგან;
• გამჟღავნებისგან;
• განადგურებისგან.

პერსონალურ მონაცემებზე ადმინისტრაციული ან ტექნიკური წვდომა უნდა ჰქონდეთ მხოლოდ იმ პირებს, ვისთვისაც ასეთი წვდომა აუცილებელია შესაბამისი სამუშაოს ან ტექნიკური ფუნქციის შესასრულებლად.

15. ბავშვების კონფიდენციალურობა

Kids.ge განსაკუთრებულ ყურადღებას უთმობს ბავშვების კონფიდენციალურობას, უსაფრთხოებასა და საუკეთესო ინტერესებს.

Kids.ge-ზე ბავშვის პროფილი იქმნება მშობლის ან სხვა კანონიერი წარმომადგენლის მიერ.

თუ არასრულწლოვნის მონაცემების დამუშავება თანხმობას ეფუძნება, 16 წლამდე არასრულწლოვნის შესახებ მონაცემების დამუშავებისთვის საჭიროა მშობლის ან სხვა კანონიერი წარმომადგენლის თანხმობა, გარდა კანონმდებლობით გათვალისწინებული გამონაკლისებისა.

არასრულწლოვნის განსაკუთრებული კატეგორიის პერსონალური მონაცემების, მათ შორის ჯანმრთელობასთან დაკავშირებული მონაცემების, თანხმობის საფუძველზე დამუშავებისთვის საჭიროა მშობლის ან სხვა კანონიერი წარმომადგენლის წერილობითი თანხმობა, გარდა კანონით გათვალისწინებული შემთხვევებისა.

ბავშვის მონაცემები მუშავდება მხოლოდ შესაბამისი მომსახურების ფუნქციონირებისთვის საჭირო მოცულობით და ბავშვის საუკეთესო ინტერესების გათვალისწინებით.

თუ ფიქრობთ, რომ Kids.ge-ზე ბავშვის მონაცემები შესაბამისი უფლებამოსილების ან თანხმობის გარეშე იქნა შეტანილი, გთხოვთ დაგვიკავშირდეთ მისამართზე info@kids.ge.

16. მესამე მხარის ვებგვერდები

Kids.ge-ზე შეიძლება განთავსებული იყოს მესამე მხარის ვებგვერდებზე გადასასვლელი ბმულები.

ასეთ ვებგვერდებს აქვთ საკუთარი კონფიდენციალურობისა და მონაცემთა დამუშავების პირობები. Kids.ge არ აკონტროლებს მესამე მხარის მიერ მონაცემების დამუშავებას და პასუხისმგებელი არ არის მათი კონფიდენციალურობის პოლიტიკაზე.

გარე ვებგვერდზე გადასვლისას გირჩევთ გაეცნოთ შესაბამისი საიტის კონფიდენციალურობის პირობებს.

17. მომხმარებლის უფლებები

საქართველოს კანონმდებლობით გათვალისწინებულ ფარგლებში მომხმარებელს უფლება აქვს:

• მიიღოს ინფორმაცია, მუშავდება თუ არა მის შესახებ პერსონალური მონაცემები;
• მიიღოს ინფორმაცია მონაცემების დამუშავების მიზნისა და სამართლებრივი საფუძვლის შესახებ;
• გაეცნოს მის შესახებ შენახულ მონაცემებს და მიიღოს მათი ასლი;
• მოითხოვოს არასწორი ან არასრული მონაცემების გასწორება, განახლება ან შევსება;
• შესაბამის შემთხვევებში მოითხოვოს მონაცემების დამუშავების შეწყვეტა, წაშლა ან განადგურება;
• მოითხოვოს მონაცემების დაბლოკვა კანონით გათვალისწინებულ შემთხვევებში;
• კანონით გათვალისწინებულ შემთხვევებში ისარგებლოს მონაცემთა გადატანის უფლებით;
• ნებისმიერ დროს გამოიხმოს თანხმობა, თუ მონაცემთა დამუშავება მის თანხმობას ეფუძნება;
• გაასაჩივროს მისი პერსონალური მონაცემების დამუშავებასთან დაკავშირებული მოქმედება კანონით დადგენილი წესით.

ამ უფლებებით სარგებლობისთვის შეგიძლიათ დაგვიკავშირდეთ:

info@kids.ge

საჭიროების შემთხვევაში, პერსონალური მონაცემების სხვა პირისთვის გამჟღავნების თავიდან ასაცილებლად, შეიძლება მოგთხოვოთ თქვენი ვინაობის სათანადო დადასტურება.

18. პირდაპირი მარკეტინგი

Kids.ge მომხმარებლის ელფოსტის მისამართს ან ტელეფონის ნომერს პირდაპირი მარკეტინგის მიზნით არ გამოიყენებს შესაბამისი თანხმობის გარეშე.

ანგარიშის ფუნქციონირებასთან, უსაფრთხოებასთან, მომხმარებლის მოთხოვნასთან ან მის მიერ გამოყენებულ მომსახურებასთან დაკავშირებული აუცილებელი კომუნიკაცია არ არის სარეკლამო შეტყობინება.

19. პოლიტიკის ცვლილება

Kids.ge-ს შეუძლია პერიოდულად განაახლოს წინამდებარე კონფიდენციალურობის პოლიტიკა, მათ შორის საიტის ფუნქციების, ტექნოლოგიების ან მოქმედი კანონმდებლობის ცვლილების შესაბამისად.

პოლიტიკის განახლებული ვერსია გამოქვეყნდება ამავე გვერდზე.

მნიშვნელოვანი ცვლილების შემთხვევაში მომხმარებლებს შეიძლება დამატებით მიეწოდოთ შესაბამისი ინფორმაცია.

20. კონტაქტი

კონფიდენციალურობასთან ან პერსონალური მონაცემების დამუშავებასთან დაკავშირებული ნებისმიერი შეკითხვის, მოთხოვნის ან საჩივრის შემთხვევაში შეგიძლიათ დაგვიკავშირდეთ:

შპს „ქიდს.ჯი“
საიდენტიფიკაციო კოდი: 404454354
ელფოსტა: info@kids.ge