kids.ge logo

მარილის ჭარბი მოხმარება ბავშვებში

გვერდის მისამართი
ფავორიტებში დამატება
NCDC
დაავადებათა კონტროლისა და საზოგადოებრივი ჯანმრთელობის ეროვნული ცენტრი

ცნობილია, რომ მარილის ჭარბი მოხმარება მოზრდილ პირებში დაკავშირებულია წნევის მომატებასთან. ანალოგიური მტკიცებულებები არ მოიპოვება ბავშვების დღიურ რაციონში მარილის დიდი რაოდენობით არსებობის სადემონსტრაციოდ ისეთი დაავადებების განვითარების მხრივ, როგორიცაა არტერიული ჰიპერტენზია, რესპირატორული დაავადებები, მ.შ.ბრონქული ასთმა, კუჭის კიბო, სიმსუქნე. 

დადასტურებულია, რომ კვებითი ჩვევები ბავშვებსა და მოზარდებში–გავლენას ახდენენ მათ კვებით ქცევაზე მოზრდილობისას. მარილისა და ზოგადად, მარილიანი საკვების სიყვარული, ეს არის გზა აღნიშნული გემოვნებითი ფაქტორის ჩამოყალიბებაში. მოზრდილ პირებში მარილის მოხმარების შემცირების რეკომენდაციების ეფექტურობა და მათი წარმატების ერთგვარი გასაღები–ბავშვებში ამ ჩვევის სასტარტო მაჩვენებელშია. 

კვებითი რეკომენდაციები

მოზრდილების მსგავსად, ბავშვებში, რეალურად, მარილის მოხმარება მაქსიმალურ რეკომენდირებულ დოზას აღემატება. უმარტივესი ზომა მარილის მოხმარების შემცირებისა, არის: 

  • ჯანმრთელი საუზმე–ხილი და იოგურტი, ჩიპსების, შებოლილი ძეხვეულის, ყველის, ქათმისა და ტუნას სენდვიჩის ნაცვლად;
  • საკვები პროდუქტების ეტიკეტების შემოწმება - სოუსების, პურის და ბურღულეულის ბავშვებისათვის შეძენისას;
  • ნებისმიერი ასაკის ბავშვისათვის სადილის მომზადებისას, მარილის დამატებისაგან თავის შეკავება და ბავშვების გადაჩვევა სუფრასთან მარილის დამატებისგან;

მარილის მოხმარების მხრივ ბავშვათა ასაკში გამომუშავებული ჩვევა, კარგი საწყისია მოზრდილობაში მარილის სწორი მოხმარების თვალსაზრისით. 

ჩვილი ბავშვები

ჩვილი ბავშვები საჭიროებენ მცირე რაოდენობით მარილს, რადგან მათი თირკმელი არ არის მზად, რათა გაუმკლავდეს ჭარბი რაოდენობით ნატრიუმს.

  • არ დააყაროთ მარილი საკვების მომზადებისას;
  • დედის რძე აბსოლუტურად აკმაყოფილებს ნუტრიციულ მოთხოვნებს და აბსოლუტურად მისაღებია ბავშვთა კვების თვალსაზრისით;

ძუძუთი კვებიდან გადასვლა ჩვეულებრივ საკვებზე

  • ჩვილ ბავშვთა საკვების მომზადებისას, მარილის დამატება არ არის რეკომენდირებული; 
  • საკვების მომზადებისას გემოს გასინჯვა არ უნდა იყოს საფუძველი მარილის დამატებისა.

ბავშვები

იმ პერიოდიდან, როდესაც ბავშვი იწყებს კვებას იმავე საკვებით, რითაც დანარჩენი ოჯახის წევრები, მნიშვნელოვანია–არ დაამატოთ მარილი საკვების მომზადებისას.

ეს სასარგებლოა მთელი ოჯახისათვის!

მოზარდები

აღნიშნულ ასაკში განსაკუთრებით მნიშვნელოვანია სწორი დამოკიდებულების შენარჩუნება მარილის მიმართ, რათა არ ჩამოყალიბდეს კარდიო–ვასკულური პათოლოგიების განვითარების რისკების საფუძველი.

ბავშვებში დაბალი შემცველობის მარილიანი საკვების მიღების მოდელი დაეხმარება მათ ჯანსაღი გემოვნებითი მახასიათებლების ფორმირებასა და მოზრდილობაში რეკომენდაციათა შესრულებაში.

ბავშვთა ასაკში მარილის რეკომენდირებული დოზები:

  • 0–6 თვე < 1 გრამი/დღეში
  • 6–12 თვე 1 გრამი/დღეში
  • 1–3 წელი 2 გრამი/დღეში
  • 4– 6 წელი 3 გრამი/დღეში
  • 7–10 წელი 5 გრამი/დღეში
  • 11 წელი და მეტი 6 გრამი/დღეში 

 კვება
Kids.ge-ს რჩევები

მიეცით არჩევანის საშუალება

მაგალითად, თუ თქვენი 3 წლის ბავშვი უარს ამბობს საჭმელად მაგიდაზე დაჯდომაზე, შეგიძლიათ თანამშრომლობის შემთხვევაში შესთავაზოთ დესერტი და პირიქით. „თავდაპირველად, თქვენმა შვილმა შეიძლება არ გააკეთოს სწორი არჩევანი, მაგრამ საბოლოოდ ის ამას გააკეთებს, რადგან დაინახავს, რომ არასწორი არჩევანი არ არის სასურველი“ - ამბობს ბუსი. დარწმუნებული იყავით, რომ თუ გინდათ რომ თქვენმა შვილმა აირჩიოს ვარიანტი A, ვარიანტი B ნაკლებად მიმზიდველი უნდა იყოს.

ანი კაპანაძის ბლოგი - დაწყებითი კლასის მასწავლებელი
ანი კაპანაძის ბლოგი - დაწყებითი კლასის მასწავლებელი

„მასწავლებელი - ზოგჯერ უშვილო,მაგრამ ათასი ბავშვის მშობელი”   პირველად რომ წავიკითხე იოსებ ნონეშვილის ლექსი, „მასწავლებელი” საოცა...

„კაიონი“
ნახატის ავტორი:
ბარბარე ციშუკ (7)

დაამატე შენი დახატული კლიპარტი
decoration

სტატიები ამავე თემიდან

ვერ ნახეთ თქვენთვის საინტერესო ინფორმაცია ან ისეურვებდით რამე თემაზე უფრო დეტალურ ინფორმაციას?

მოგვწერეთ თქვენთვის საინტერესო თემის შესახებ, რის შესახებ წაიკითხავდით ჩვენს საიტზე კიდევ?

მოგვწერეთ კონკრეტული შეკითხვა, ან თემა რაზეც ისურვებდით ინფორმაციის მიღებას.
გთხოვთ მიუთითოთ თვენი საკონტაქტო ელ.ფოსტა, რომ თქვენი სურვილის შესახებ რაიმეს დაზუსტების მიზნით, შევძლოთ თქვენთან დაკავშირება.

ფორმის გაგზავნით, თქვენ ადასტურებთ, რომ იცნობთ და ეთანხმებით ჩვენი საიტის სარგებლობის წესებსა და კონფიდენციალურობის პოლისს.
ყველა უფლება დაცულია.
kids.ge © 2011 - 2024