kids.ge-ს საკვირაო სკოლა

რა ისწავლება საკვირაო სკოლაში?

საკვირაო სკოლა სხვადასხვა ასაკის ბავშვებისათვის, სხვადასხვა საგნებს გთავაზობთ. საგნები გადანაწილებულია იმის მიხედვით, თუ რა ტიპის აქტივობა იქნება ამა თუ იმ ასაკში უფრო მეტი შედეგის მომტანი იმ საჭიროებების მიხედვით, რაც ბავშვს გააჩნია ამ დროს.

შედარებით უფრო პატარა მოსწავლეებში, აქტივობები  მიმართულია მათი უნარების განვითარებისკენ. საერთო ჯამში, სხვადასხვა გაკვეთილზე მუშაობა ხდება ბავშვის კოგნიტური უნარების, სოციალური და ემოციური სფეროს, თვითგამოხატვისა და გადმოცემის უნარების განსავითარებლად. დროთა განმავლობაში, მათ აქტივობებს ემატება ინტელექტუალური ნაწილიც. შედარების უფროსი მოსწავლეები შეისწავლიან საბუნებისმეტყველო საგნებს, რომლის მიზანია სამყაროს შესახებ რაც შეიძლება მეტი, კრიტიკული, საინტერესო შეკითხვა გავუჩინოთ პატარებს.

3-4 წლის ბავშვებს უტარდებათ შემდეგი გაკვეთილები:

• ზოგადი განვითარება
• სოციალური და ემოციური განვითარება (ფსიქოლოგთან)
• მეტყველება (ლოგოპედთან)
• ხატვა

4-5 წლიანებს:

• ზოგადი განვითარება
• სოციალური და ემოციური განვითარება (ფსიქოლოგთან)
• მეტყველება (ლოგოპედთან)
• ხატვა

5-6 წლიანებს:

• ზოგადი განვითარება
• მეტყველება (ლოგოპედთან)
• ხატვა
• ინგლისური

გარდა იმ საგნებისა, რასაც ჩვენი საკვირაო სკოლის მოსწავლეები შეისწავლიან ჩვენთან, მათ სხვადასხვა აქტივობებში მოუწევთ ასევე მონაწილეობა. ასეთი აქტივობები ისევ და ისევ მათ წასახალისებლად, მოტივაციის გასაზრდელად და სწავლის პროცესის გასახალისებლადაა მიმართული. 

მაგალითად 4, 5 და 6 წლის მოსწავლეები, რომლებიც შეისწავლიან მეტყველების საგანს, გარკვეული სისტემატიურობით ექნებათ ვიდეო გადაღებები: ისინი მეტყველების გაკვეთილზე ნასწავლ ლექსებს ჩაწერენ და სხვა პატარებისთვისაც გაამარტივებენ ამ ლექსების შესწავლის პროცესს, რადგან ეს ვიდეო ლექსები განთავსდება ჩვენი საიტის ვიდეო ლექსების განყოფილებაში, მას კი ასობით ბავშვი სტუმრობს ყოველდღიურად.

ჩვენი მიზანია სწავლის პროცესი მაქსიმალურად სახალისო, საინტერესო, აღმოჩენებითა და თავგადასავლებით სავსე გავხადოთ, ამიტომ უფროსი ასაკის მოსწავლეები, რომლებიც საბუნებისმეტყველო საგნებს შეისწავლიან, მათ ნასწავლს სხვა და სხვა მუზეუმში ვიზიტით, საბუნებისმეტყველო კოლექციების გაცნობითა და გარე აქტივობებით განამტკიცებენ. 

ბავშვების ასაკი

2018-2019 სასწავლო წელს, საკვირაო სკოლაში ვღებულობთ 3-დან 7 წლამდე ბავშვებს. (ბავშვებს ვღებულობთ მხოლოდ 3 წლისა და 6 თვის ასაკის ზემოთ).

ბავშვების ყველა ასაკისათვის შესაბამისი პროგრამა გვაქვს და ამიტომ ჯგუფები დაყოფილია ბავშვების ასაკის მიხედვით. თითოეულ ჯგუფში მაქსიმუმ 8-10 ბავშვია. არის 3 წლიანების, 4 წლიანების, 5 წლიანების, 6-7 წლიანების და 8-12 წლის ბავშვების ჯგუფები. საგნები და პროგრამაც შედგენილია იმ საჭიროებების მიხედვით, რაც ამა თუ იმ ასაკის ბავშვებს სჭირდებთ.

რეგისტრაცია საკვირაო სკოლაში

საკვირაო სკოლის პროგრამა იმდაგვარადაა შედგენილი, რომ ახალ მოსწავლეებს ნებისმიერ დროს შეუძლიათ შემოგვიერთდნენ. ძველი მოსწავლეებისათვის ცოდნის განსამტკიცებლად, ხოლო ახლებისთვის განვლილი მასალის გასაცნობად, განვლილი მასალის გამეორება ეტაპობრივად რათქმაუნდა ხდება, მაგრამ ვცდილობთ ახალი გაკვეთილები, ძველზე პირდაპირ დამოკიდებული არ იყოს, რომ ახალი მოსწავლეებისთვის პროგრამისათვის დაწევა პრობლემას არ წარმოადგენდეს. 

ამჟამად ელექტრონული რეგისტრაცია საჭირო არ არის. იმისთვის რომ მოიყვანოთ ბავშვი საკვირაო სკოლაში, პირველ რიგში უნდა გაარკვიოთ არის თუ არა ადგილები თქვენთვის საინტერესო ასაკობრივ ჯგუფებში.

ამისათვის დაგვირეკეთ ნომრებზე: 599 93-25-14;

• (+995 32) 230-60-01 (ჩუღურეთის ფილიალი)
• (+995 32) 230-60-09 (საბურთალოს ფილიალი)

რეგისტრაციისთვის საჭირო დოკუმენტაცია:

• ბავშვის 2 ფოტოსურათი
• ბავშვის დაბადების მოწმობის ასლი
• მშობლის პირადობის ასლი

ასლების გადაღება შესაძლებელია ჩვენთან ოფისში.
 

რა უნდა მოიტანოთ საკვირაო სკოლაში?

ყველაფერი, რაც ბავშვებს შეიძლება ჩვენთან სწავლის პროცესში დასჭირდეთ, შედის საკვირაო სკოლის საფასურში (მასალა, ინვენტარი), ასე რომ თქვენ არაფრის მოტანა არ დაგჭირდებათ.

რა ღირს საკვირაო სკოლაში სწავლა?

საკვირაო სკოლაში სწავლის საფასურია 150 ლარი თვეში. ამ თანხაში შედის სრულად, ყველა საჭირო მასალისა და ინვენტარის ფასი. ყველა საგანი, ყველა აქტივობა, ყველაფერი რაც თქვენ ზევით წაიკითხეთ შედის ამ ფასში. ეს ფასი გულისხმობს ასევე ფსიქოლოგის კონსულტაციებს, რომელიც მუდმივად იმუშავებს როგორც ბავშვთან, ასევე მშობლებთან.

დედმამიშვილების შემთხვევაში სწავლის საფასური თითო ბავშვზე 125 ლარია.

სწავლის საფასურის გადახდა ხდება თვის დასაწყისში. გაცდენილი მეცადინეობები არ ანაზღაურდება. 

შეიძლება თუ არა ჩვენთან დაელოდოთ ბავშვს?

ჩვენთან სპეციალურად მშობლებისათვის განკუთვნილია ოთახი, სადაც შეგიძლიათ დაელოდოთ თქვენს პატარას, მანამ ის მეცადინეობებზე იქნება. აქ შეგიძლიათ გაიაროთ კონსულტაციები ჩვენს ბავშვთა ფსიქოლოგთან.

სად არის საკვირაო სკოლა?

ჩუღურეთის ფილიალი:

• მისამართი: თბილისი, ბაქოს ქ. 4; (აღმაშენებლისა და თამარ მეფის კვეთასთან)
• ტელ: (+995 32) 230-60-01; 599 93-25-14
• სატრანსპორტო საშუალებები, რომლებიც ჩუღურეთის ფილიალის სიახლოვეს გაივლის:
  • ავტობუსები: 9; 20; 21; 29; 31; 33; 34; 37; 46; 47; 49; 53; 65; 66; 78; 92
  • მიკროავტობუსები: 6; 10; 11; 26; 31; 32; 38; 40; 41; 50; 58; 62; 66; 67; 68; 75; 80; 81; 85; 88; 89; 94; 108; 109; 133; 141; 148; 193
  • მეტროსადგურები: სადგურის მოედანი, მარჯანიშვილი

საბურთალოს ფილიალი:

• მისამართი: თბილისი, შალვა ნუცუბიძის 183; (II და IV პლატოს ასახვევის კუთხეში)
• ტელ: (+995 32) 230-60-09; 599 93-25-14
• სატრანსპორტო საშუალებები, რომლებიც საბურთალოს ფილიალის სიახლოვეს გაივლის:
  • ავტობუსები:  6, 21, 47, 88, 92, 99, 107, 150
  • მიკროავტობუსები: 23, 26, 58, 66, 72, 88, 100, 102, 131, 137, 149, 184, 200
  • მეტროსადგურები: ვაჟა-ფშაველა, სახელმწიფო უნივერსიტეტი