მოთხრობები   ›   იაკობ გოგებაშვილი   ›   სიკეთე ბოროტებისათვის

სიკეთე ბოროტებისათვის

ფავორიტებში დამატება

ერთ სკოლაში ვარო სწავლობდა. ძლიერ ლამაზი გოგონა იყო, მაგრამ გული კი ბოროტი ჰქონდა. მეტად თავი მოჰქონდა სილამაზით, ნაკლებად ბეჯოთობდა და წამდაწუმ დასცინოდა თავის ამხანაგებს. განსაკუთრებით ჰყავდა ამოჩემებული პატარა ელამი კატო: რამდენჯერ დაცინია გულსაკლავად და ატირებია ცხარე ცრემლით.

ამხანაგებს ჭირივით ეჯავრებოდათ ბოროტი ვარო.

ერთხელ გაჩნდა ყვავილი. ვაროს ყვავილზე აცრილი არ ჰქონდა დედ-მამის დადევრობით. შეხვდა ყვავილი და ისე დაჯღანა პირისახე, რომ კაცი ვეღარც კი იცნობდა. ბავშვმა სამუდამოდ დაკარგა სილამაზე, რითაც ამპარტავნობდა და საშინელ მწუხარებაში ჩავარდა.

მორჩენის შემდეგ ვაროს მშობლები სკოლაში გზავნიდნენ, მაგრამ ის ცივ უარზე იდგა: თან ცხვენოდა და თან ამხანაგების ეშინოდა. ბოლოს, როგორც იქნა, გაგზავნეს სკოლაში. მიდის ვარო სკოლისაკენ და გულში შიშის ალი უტრილებს: ჩემი ამხანაგები რომ დაკენკილ სახეს დამინახავენ, სიცილს დამაყრიან, მასხრად ამიგდებენ, წინანდელ ჯავრს ამოიყრიან და გულს სულ ჩამითუთქავენო.

შევიდა სკოლაში გაფითრებული და აკანკალებული ვარო, მაგრამ დახე, მის გაცებას! მოლოდინი არ აუსრულდა. შიში არ გამართლდა. ამხანაგებმა ვარო რომ დამახინჯებული დანახეს, არამც თუ დაცინვა არ დაწყეს, სიბრალულით აევსოთ გული და ცდილობდნენ, ალერსით ენუგეშებინათ. ყველაზე მეტ თანაგრძნობას იჩენდა ელამი კატო. ვაროს გული ამოუჯდა სიხარულისაგან და თვალებიდან შვების ცრემლი წასკდა.

რა ასაკის ბავშვისთვისაა ეს მოთხრობა საინტერესო?

როგორ ფიქრობთ, რა ასაკის ბავშვისთვის არის ეს მოთხრობა საინტერესო?


Kids.ge-ს სკოლისათვის მოსამზადებელი პროგრამა
ვაკანსიები Kids.ge-ში
საბავშვო ტორტების შეკვეთა - ადგილზე მიტანით

უახლესი სტატიები

რატომ არის მნიშვნელოვანი ბავშვის სოციალური და ემოციური განვითარება?თათია გურგენიძე: რატომ არის მნიშვნელოვანი ბავშვის სოციალური და ემოციური განვითარება?
წარმოიდგინეთ, რომ თამაშობთ თქვენი საყვარელი კუბიკებით, ამ დროს კი თქვენი თანატოლი გართმევთ მათ. როგორ ფიქრობთ, რა უნარები დაგჭირდებათ ამ პრობლემის გადასაჭრელად?თანატოლებთან და უფროსებთან ურთიერთობა ბავშვის ყოველდღიური ცხოვრების მნიშვნელოვანი ნაწილია. ზოგიერთი მათგანისათვის ამ ამოცანასთან გამკლავება სერიოზული გამოწვევაა. ბავშვის წარმატებას მის სოციალურ ცხოვრებაში მნიშვნელოვნად განსაზღვრავს სოციალურ-ემოციური სფეროს განვითარება.

ფავორიტებში დასამატებლად უნდა შეხვიდეთ სისტემაში.
ხოლო თუ ჯერ არ გაქვთ გახსნილი ანგარიში kids.ge-ზე, გაიარეთ რეგისტრაცია