ძველი სკამის ახლოს ახალი სკამი დადგეს. ახალს მობეზრდა ჩუმად ყოფნა, გადაწყვიტა ძველისთვის აქაური ამბები გამოეკითხა.
- ბატონო სკამო, - წამოიწყო მოკრძალებულად, მაგრამ ძველმა დინჯად შეაწყვეტინა:
- მე სკამი კი არა, ცხენი გახლავართ!
- ცხენი? - ჯერ გაუკვირდა ახალ სკამს, მერე კი პირმოთნედ გაიღიმა, - რა ხუმარა ბრძანებულხართ! - მაგრამ ძცელმა ყურიც არ ათხოვა, მედიდურად იდგა და სადღაც იცქირებოდა.
- ბატონო სკამო, - ვერ მოითმინა ახალმა.
- მე სკამი არა ვარ, ავტომობილი ვარ, - კვლავ შეაწყვეტინა ძველმა და უკმაყოფილოდ გადახედა... ახალს გულმა არ მოუთმინა, ისევ მიუბრუნდა ფიქრებში წასულს:
- ბატონო სკამო...
- რომელი სკამი, მე ხომ თვითმფრინავი ვარ! - გაჯავრებით დაიბუხუნა ძველმა სკამმა. ახლა კი ვეღარ შეიკავა თავი ახალმა და სიცილი აუტყდა.
- იუ, ეს რა გავიგონე, თვითმფრინავიო, - კისკისებდა პირზე ხელმიფარებული, მაგრამ ძველის გამგმირავ თვალებს რომ წააწყდა, იკადრა ხმის ჩაწყვეტა. თუმცა დიდხანს მაინც ვერ გაძლო...
- ბატონო სკამო, - წამოიწყო თავიდან...
- მე სკამი კი არა, ხომალდი ვარ! - მუქარით გამოხედა ძველმა და ზურგი შეაქცია არამკითხეს.
- ერიჰაა, ეს ვერ უნდა იყოს მთლად დალაგებული ჭკუისაო, - გაიფიქრა ახალმა, მაგრამ ამ დროს ოთახში ხმაურიღ შემოვარდა პატარა ბიჭი, ეცა ახალ სკამს და ზეცაში გუგუნით გაფრინდა.
- შენ, ეი, სკამო! - შურით დაუძახა ძველმა ახალს.
- უკაცრავად, მე სკამი კი არა, რაკეტა გახლავართ! - გადმოსძახა ამაყად ახალმა და სიჩქარე ჩართო.
ჯერ არცერთ მომხამრებელს არა აქვს შეფასება გაკეთებული. თქვენ როგორ გფიქრობთ, რა ასაკის ბავშვისათვის შეიძლება იყოს ეს $work_type საინტერესო? საორიენტაციო ასაკის მისანიჭებლად, გთხოვთ შეხვიდეთ სისტემაში ან გაიაროთ რეგისტრაცია და გვითხრათ, თქვენი აზრით რა ასაკის ბავშვისათვის არის ეს $work_type საინტერესო. თქვენი აზრი ჩვენთვის მნიშვნელოვანია!
მიაჩვიეთ დისციპლინას ეფექტურად
თქვენ ალბათ არასოდეს შეხვედრიხართ მშობელს, რომელიც არ იღებს პაუზას ან სკოლამდელი აღზრდის მასწავლებელი, რომელიც ისვენებს. მაშ რა დისციპლინის სტრატეგიებს გვირჩევენ მასწავლებლები?
„მასწავლებელი - ზოგჯერ უშვილო,მაგრამ ათასი ბავშვის მშობელი” პირველად რომ წავიკითხე იოსებ ნონეშვილის ლექსი, „მასწავლებელი” საოცა...
ზოგადი ინფორმაცია
სასწავლო ცენტრი
ბავშვის სახელები
საბავშვო ლექსები
საინტერესო