kids.ge logo

ილია ჭავჭავაძე და პატარა ბიჭუნა

ფავორიტებში დამატება

პატარა, წითელლოყებიანი, ბუთხუზა ბიჭუნა ფეხის თითებზე იდგა დიდი სახლის შესავალ კარებთან და რაც ძალა და ღონე ჰქონდა, ცდილობდა როგორმე ზარის ღილაკს შესწვდომოდა, თითი დაეჭირა და დაერეკა. ეტყობოდა, დიდი ხანია წვალობდა, შუბლსა და ლოყებზე ოფლი ჩამოსდიოდა.

ამ დროს, სწორედ ამავე ქუჩაზე დინჯად მოდიოდა თეთრ ტანსაცმელში გამოწყობილი დიდი მწერალი ილია ჭავჭავაძე. ილიამ შეხედა ბიჭუნას, შეეცოდა, ხელში აიყვანა და უთხრა:

- აბა, ბიჭიკო, დარეკე!

გახარებულმა ბიჭუნამ ღილს ხელი დააჭირა და ზარმა მაშინვე სადღაც შიგნით გაიწკრიალა.

ილიამ ბიჭი ჩამოსვა და მხიარულად უთხრა:

- ახლა გაგიღებენ!

- არა, ძია, გავიქცეთ, თორემ გვცემენ...

- რაო? - გადიხარხარა ილიამ.

- ჩქარა, ძია, ჩქარა, გესმის, კიბეზე მოდიან! - ეწეოდა ბიჭი სახელოზე ილიას.

კარი მძიმედ გაიღო.

- ილია! - მოისმა მასპინძლის ხმა, - რა ბედნიერ შემთხვევას მივაწერო თქვენი მობრძანება ჩემს ოჯახში?!

- აი, ამ პატარა ბიჭს, რომ გარბის! - იცინოდა ილია.

ილიამ თავის მოვალეობად ჩათვალა ცოტა ხნით მაინც შესულიყო და ბოდიში მოეხადა უცნობი მასპინძლის წინაშე.

ჯერ არცერთ მომხამრებელს არა აქვს შეფასება გაკეთებული. თქვენ როგორ გფიქრობთ, რა ასაკის ბავშვისათვის შეიძლება იყოს ეს $work_type საინტერესო? საორიენტაციო ასაკის მისანიჭებლად, გთხოვთ შეხვიდეთ სისტემაში ან გაიაროთ რეგისტრაცია და გვითხრათ, თქვენი აზრით რა ასაკის ბავშვისათვის არის ეს $work_type საინტერესო. თქვენი აზრი ჩვენთვის მნიშვნელოვანია!

ნახატი მოთხრობები

ამ ნაწარმოების თემაზე ბავშვებს მიერ შექმნილი ნახატები. თუ შენც გაქვს რაიმე დახატული, გაუზიარე ის სხვებს!

გამოგვიგზავნე შენი ვიდეოც
 
ყველა უფლება დაცულია.
kids.ge © 2012 - 2020