ფინჯანი ყავაც საკმარისია
გამარჯობა, მე ეკუნა ვარ. ათ დღეში 3 საათსა და 30 წუთში ხუთის გავხდები. დიახაც, სულყველაფერი ვიცი ჩემს შესახებ, დედამ მითხრა ოცი წუთიც რომ დაგეგვიანებინა 29 თებერვალს დაიბადებოდი და დაბადების დღე ოთხ წელიწადში ერთხელ გექნებოდაო, სად გადავრჩი? ამ სიტყვის ბოლოს კითხვის ნიშნის მერე მგონი კიდევ რომელიღაც სასვენ ნიშანს სვამენ, მაგრამ მე ჯერ პატარა ვარ და არ ვიცი. მარტო წერტილი, მძიმე, და კითხვის ნიშნები მასწავლეს. აი, დედაც მოვიდა. თუ კარგ ხასიათზეა ზღაპრებს საინტერესოდ მიყვება. წინა კვირას მამამ ყავაზე დაპატიჟა და ისეთ ხასიათზე დაბრუნდა 5 ზღაპარი მომიყვა თავიდან ბოლომდე. გუშინ ყვავილები აჩუქა მამამ. ჩაეხუტა ეს დედაჩემი და ხელები ისე მაგრად მოუჭირა კინაღამ მოგუდა კაცი, მერე მეც ამიყვანა ხელში დამაბზრიალა, ყვავილები ლარნაკში ჩაალაგა და 3 ზღაპარი მიამბო ზედიზედ, თან ისე გრძლად და ისეთი მაგარი მიმიკებით, რომ ბევრი ვიცინე. დღეს რას მომიყვება ნეტა?
- დე, ზღაპარები მომიყევი რა.
- რაზე მოგიყვე?
- ბევრი ზღაპარი მინდა.
- კარიგი.
- მიდი დე!
იყო სამი გოჭი, რომლებმაც იმდენი და იმხელა სახლები ააშენეს, რომ ბოლოს ფინანსური პოლიცია მიადგა და სამივეს ქონება ჩამოართვა. იყო წითელქუდა, რომელმაც ისე მოაბეზრა ყველას თავი თავისი წითელი ქუდით, რომ ბოლოს აიღეს და გადაუგდეს. იყო ერთი კომბლე, რომელმაც აღმოაჩინა, რომ ვისაც კბილებში ჩიჩია აქვს ჩარჩენილი მაინდამაინ მისი ცხვრები არ შეუჭამია. იყო ერთი მძინარე მზეთუნახავი, რომელსაც იმდენი ხანი ეძინა, რომ ბოლოს ძილში გაიპარა.
- კარგი დედიკო, თუ გინდა დაისვენე, აღარ მინდა ზღაპრები. მამ, მიშველე, დედიკო დღეს ძალიან ცუდ ხასიათზეააა.
შეამოწმე, რამდენად კარგად გაიგე მოთხრობა „ფინჯანი ყავაც საკმარისია“ სხვა მოთხრობები
- იცი, თვალები ყველაზე სველი როდის არის?- როდის?- აი, ცრემლების შეკავებას რომ ცდილობენ, სანამ გადმოიღვრება, მანამდე...- ეგ იცი რა ცუდია? დედა ამბობს, პაპათქვენი...
ელენე მართლა ძალიან ლამაზი იყო. ტყუილად არ ეძახდნენ“სოფლის თვალს”. როცა ვინმე შეუძლოდ გახდებოდა, შეუშვებდნენ ავადმყოფის ოთახში ელენეს და ისიც მაშინვე გამოჯანმრთ...
სუსხიანი თებერვალი გულის სიღრმეში სულაც არ იყო ისეთი სუსხიანი და მოსაწყენი, როგორიც ერთი შეხედვით ჩანდა. თოვლ-ჭყაპით დაფარული და ცივი ქარებით გულშეწუხებული, რამ...
ეს ამბავი ათასობით წლის წინ მოხდა, მაშინ, როდესაც ეგვიპტეს ფარაონები მართავდნენ. თუმცა ფარაონი რა მოსატანია, ერთ ეგვიპტელ, კალიგრაფ ბიჭს იმისთანა ამბავი გადახდა...
- რას კითხულობ საბა? - შვილიშვილთან დიალოგის გაბმა სცადა ბაბუა ნიკომ, მის შორიახლო სკამზე ჩამოჯდა და ცნობისმოყვარე მზერით ჩააშტერდა საბას ცხვირწინ გადაშლილ წიგნ...
ფანქარი ხალისით ხატავდა ფურცელზე. საშლელი კი უშლიდა დახატულს. ფანქარი ჩხვლეტდა მას ბოროტი საქციელის გამო. არა, საშლელი სულაც არ იყო ბოროტი, ფანქრის გაბრაზება მო...
ვანოს ხორცი არ ეყო, მაგრამ ძვლები ბოლომდე არ გახრა და თეფშზე ერთად მოაგროვა. აივანზე გავიდა და რძით ძუძუებდაბერილ ძუკნა ძაღლს პირდაპირ მეცხრე სართულიდან გადაუყა...
რა უცნაურია, ბაბუაჩემს, ტრადიციების მოყვარულ კაცს, ალტერნატიული მუსიკის მოსმენა სიამოვნებს. ის 79 წლისაა. ასაკის შესაბამისად დაქვეითებული აქვს მხედეველობა, ცოტა...
გამარჯობა, მე ეკუნა ვარ. ათ დღეში 3 საათსა და 30 წუთში ხუთის გავხდები. დიახაც, სულყველაფერი ვიცი ჩემს შესახებ, დედამ მითხრა ოცი წუთიც რომ დაგეგვიანებინა 29 თებე...
ოდესღაც, 21-ე საუკუნის 20-იან წლებში ჩინეთიდან მთელს სამყაროში საშინელი ვირუსი კოვიდ 19 გავრცელებულა და ბევრი ადამიანი დაუხოცავს. ბევრიც გამოჯანმრთელებულა. მათ ...
ნახატი მოთხრობები
ამ ნაწარმოების თემაზე ბავშვებს მიერ შექმნილი ნახატები. თუ შენც გაქვს რაიმე დახატული, გაუზიარე ის სხვებს!
დაეხმარე სახელის შერჩევაში
დაეხმარეთ ბავშვს, ისწავლოს ჯანსაღი კვება, რომელიც აძლიერებს ორგანიზმს და ამცირებს სტრესს.
