გარეთ უნდა რექსის,
მაგრამ სცივა ვატყობ.
ვეფერები თავზე
და ალერსით ვათბობ:

- ნუ კანკალებ, რექსი,
შეგიკერავ პალტოს;
სიცივეში სურდო,
რომ არ დაგემართოს!

ჩემი პატარა ბეკეკა,
დახტის, ორფეხზე დგებაო,
ჯერ რქები არ ამოსვლია
და უკვე ირქინებაო.

სპლიყვი ვიყავ, გავიზარდე,
სპილო გავხდი, მაგარი.
არ დამცინოთ, ბავშვებო,
არ დაიწყოთ ხარხარი.
სახანძროში ვმუშაობ.
ერთი კვირა არც არი.
რაც დამნიშნეს მეხანძრედ.
...

გავებუტე ჩემს ფანქარს,
რადგან კარგად ვერ ხატავს,
ვერც სახლს, ვერც ძაღლს, ვერც კატას...
არა, თხა და კვატია,
კარგად დაუხატია!

დღეს მე დასაძინებლად
ჩემს დედიკოს მივყვები;
გაგებუტე, ბებია,
ზღაპარს რომ არ მიყვები.

კარგი, ნუ გაბრაზდები,
ბებო, იცი, გპირდები:
დღეს ხომ გაბუტული ვარ?! -
ხვალე შეგირიგდები.

ახლა გინდა მაკოცო?
...