თერძი მელა

ფავორიტებში დამატება
თერძივარო, იკვეხნიდა
კუდფუმფულა მელია:
- საქმე თავზე საყრელი მაქვს,
ჯერ არ შემომლევია.

ჩემთან დადის ცხოველების
თითქმის ნახევარია,
ქურქით თავს რომ იწონებენ,
ჩემი ნახელავია!
გვიან ღამით დავამავრე
წუხელ ლომის შეკვეთა,
ის ფაფარი მე შევკერე,
ამ დილით რომ ეკეთა.

მე შევმოსე თბილი ქურქით
ზამთრისათვის დათვები,
სასკოლოდ მე შევუკერე
კენგურუებს ჩანთები.

რასაც მელა იკვეხნიდა,
კურდღლებს გაგონიათ,
ამ ცანცარებს გრძელი ყური
ტყულად არ ჰქონიათ.

გაფიქრეს, ნუთუ თავად
ლომმა ანდო ფაფარი?
- ვთხოვოთ კუდი შეგვიკეროს
თავის კუდის სადარი.

მერე დღეს მელიასთან
რიგი დადგა კურდღლების,
ყველას სურდა დაგრძელება
პაწაწინა კუდების.

მელაკუდას უხარია,
ზომებს იღებს ხალისით,
კუდის კერვა რომ არ იცის,
თქვენ გგონიათ განიცდის?

ერთ კვირაში დაბარა
ყურპარტყუნა კურდღლები
და სულ ყველას გამობა
მოჯღანული კუდები.

- არც ისეთი ურიგოა!
ჩურჩულებენ ჩუმ-ჩუმად.
- არც ისეთი გრძელი არის,
- არც ისეთი ფუმფულა!

მელაკუდა ანუგეშებს:
- ჩემი საქმის მე ვიცი,
კუდები გაქვთ სანაქებო,
ყურთა შესაფერისი!

ციყვებმა რომ ეს გაგეს
უჰ, იმდენი იცინეს:
- კუდი აბა რა კუდია,
თუ ვერ გაქიცინე?
ნათია ჯანაშია
რა ასაკის ბავშვისთვისაა ეს ლექსი საინტერესო?

როგორ ფიქრობთ, რა ასაკის ბავშვისთვის არის ეს ლექსი საინტერესო?



ლექსები ცხოველებზე, ფრინველებზე

ნახატი ლექსები - ამ ლექსის თემაზე შექმნილი ნახატები

ამ ლექსის თემაზე ჯერ არ არის არცერთი ნახატი ატვირთული. იყავი პირველი, ატვირთე შენი ნახატი!

დაამატე ნახატი

იმისთვის რომ შეძლოთ ამ ლექსის თემაზე შექმნილი თქვენი ნახატის დამატება, ჩვენს საიტზე უნდა გქონდეთ გახსნილი ანგარიში. ამისათვის უნდა გაიაროთ რეგისტრაცია.

ფავორიტებში დასამატებლად უნდა შეხვიდეთ სისტემაში.
ხოლო თუ ჯერ არ გაქვთ გახსნილი ანგარიში kids.ge-ზე, გაიარეთ რეგისტრაცია