საბავშვო ლექსები  ›   მანანა ტონია   ›  მგელი და კრავი

მგელი და კრავი

ფავორიტებში დამატება
ერთ მსუნაგ და ავ ზნის მგელსა,
დაკარგვია, თურმე, შვილი,
პაწაწინა, აღუჩუნა,
ჯერ კიდევ ახალშობილი.
არ დავტოვებ ბუნაგსაო,
გატეხავს ლეკვსა ფიცი,
დარდობს დედა,თავის პირმშო,
სად ეძებოს აღარ იცის.
ციცქნა ლეკვი,ხოხვა-ხოხვით,
მიხოხდა თურმე კრავსა,
გონა, რომ ჩახუტა
დედას, ან ძველ მეგობარსა.
გაყინული, გათოშილი
მიძუგძუგდა-უთხრა: „მშიააა!“
კრავმა მგელი რომ დალანდა-
შიშით უკან დახია.
დედისაგან კი სმენოდა
არ გამოვა მათთან ძმობა,
რადგან მგელი ცხვრის მტერია,
და არ იცის მეგობრობა.
მაგრამ ლეკვი შეებრალა,
თქვა თავისთვის:
- მაინც ვცდიო,
იქნება მე გავამრთელო
ჩატეხილი ის ხიდიო.
დაუყვავა,შეიფარა,
გაათბო და ჩახუტა,
პირით ბალახიც მიართვა,
მაგრამ- ლეკვი გაბუტა.
ცხვირი გვერდზე აიბზუა:
-ბალახი მე რად მინდაო?
ჩემს ბუნაგში დამაბრუნე,
მგელი დედა მომინდაო.
როს გათენდა, წაუყვანა
კრავმა ლეკვი თავის დედას.
ფეხაკრეფით დადის ტყეში,
მგელთან მისვლას ძლივსღა ბედავს.
დედამ შვილი დანახა,
სიხარულით დაიყმუვლა,
კრავი შიშით ცახცახებს და
ბაგაბუგი უწყო გულმა.
-შენ ხარ ლეკვის გადამრჩენი?
-ეკითხება მგელი კრავსა.
კრავმა ძლივს დაპეტელა:
„ხომ არ მიზამ მგელო ავსა?“
მგელი ცოტა ჩაფიქრდა და
ტუჩი გვერდზე მოებრიცა:
-გინდა სიკეთის სანაცვლოდ,
არ შეგჭამო და დაგიცვა?
რა კარგი ხარ, პუტკუნიავ,
ხუჭუჭა, მთლად ჩასაკვრეხი,
უზმოზე რამ მოგიყვანა?
შენ დაგეცეს თავსა მეხი.
წადი, ჩქარა გამეცალე,
გქონდეს მუდამ ჩემი შიში,
ხედავ, ენას ვაწკლაპუნებ?-
მომეძალა ნერწყვი პირში.
ჩქარა, თორემ არ დაგიწყებ,
ლაპარაკს და დიდ ხანს ლოდინს,
შენგან, მადის აღმძვრელი და
სამური სუნი მომდის.
შეწრიალდა, აბუზა კრავი,
მგელმა ეს რომ უთხრა,
გაძურწა პაკა პუკით,
და მინდვრისკენ თავი დურთა.
გზაში ფიქრობს კრავუნია,
არ სცოდნიათ მგლებსა ძმობა,
მადური ყოფილან და,
არ არსებობს მათი ნდობა.
არ დაგიდევთ სიკეთეს და
არც სიყვარულს, მეგობრობას,
მგელი, მაინც მგელია და
ვერ მოიშლის მგელი მგლობას.
მანანა ტონია
რა ასაკის ბავშვისთვისაა ეს ლექსი საინტერესო?

როგორ ფიქრობთ, რა ასაკის ბავშვისთვის არის ეს ლექსი საინტერესო?



ლექსები ცხოველებზე, ფრინველებზე

ნახატი ლექსები - ამ ლექსის თემაზე შექმნილი ნახატები

ამ ლექსის თემაზე ჯერ არ არის არცერთი ნახატი ატვირთული. იყავი პირველი, ატვირთე შენი ნახატი!

დაამატე ნახატი

იმისთვის რომ შეძლოთ ამ ლექსის თემაზე შექმნილი თქვენი ნახატის დამატება, ჩვენს საიტზე უნდა გქონდეთ გახსნილი ანგარიში. ამისათვის უნდა გაიაროთ რეგისტრაცია.

ფავორიტებში დასამატებლად უნდა შეხვიდეთ სისტემაში.
ხოლო თუ ჯერ არ გაქვთ გახსნილი ანგარიში kids.ge-ზე, გაიარეთ რეგისტრაცია