ხილთა ქება

ფავორიტებში დამატება

***
ქარის ზუზუნ-ზუზუნით,
ნაირ ფერთა ქარაგმით,
შემოდგომა მოსულა,
ხვავითა და ბარაქით.

***
ბაღჩით, ხილი-ბოსტნეულით,
უშრობით თუ საშრობით,
შემოდგომა ამაყობს
გაზაფხულზე ნაშრომით.

***
წელიწადის ყველა დროს,
აქვს სიკეთის ქუხილი,
შემოდგომას თან ახლავს
ყურძნის მაჭრის დუღილი.

***
რის მრავალ ჯიშინი
არ დაგრჩებათ არვის ვალში,
გვერდწითელი ხილი არის
გამოცან რაა? ვაშლი.

***
ამ ხილის მოსაპოვებლად
ხეზე მიცოცავს გულადი,
ყვითლად ბრილებს ფოთლებში
რა არის? მსხალი გულაბი.

***
ხილის საჭმელად დავიპყრეთ
ბებოს სხვენიც და ბუხარიც.
სახლთან ახლოს რომ დაურგავთ
რა არის? ალიბუხარი.

***
ხის ქვეშ მოგროვდით ყველანი
ქოჩორს გვიწეწავს ნივი
გიშრის თვალებით გვიცქერის
ტკბილ-ტკბილი შავი ქლივი.

***
მზესავით ყვითელ-ყვითელი
ამ ხეს რა ხილი აბია?!
ნეტავი გამაგებინა
ეს ხე კომშია თუ ბია?

***
გამოუსხავს ხეს ბარაქით,
შესახედად თეთრი ბროლი,
ტკბილზე-ტკბილი, სამური,
ხილი არის თუთა-ბჟოლი.

***
ხეზე წითლად დაწინწკლულა,
თითქოს იყოს ცეცხლის ალი,
ბავშვებისთვის საყვარელი
ხილი ვარო, ამბობს ბალი.

***
კრუხი უხმობდა წიწილებს
კრიხით, კაკან-კაკანით,
ფრთებს ქვეშ მალავდა პატარებს
როცა დავბერტყეთ კაკალი.

***
ბავშვებისთვის სამური
საკნატუნო არის ხილი,
შენია თუ სხვისი არი,
გამოცან რაა? თხილი.

***
იზრდება ყველაზე დიდი,
არ ვარგა ხილად საზამთროდ,
მწვანეა, წითელი გულით,
რა ქვია მითხარ? საზამთრო.

***
საზამთროსთან პატარა
შედარეთ თუნდაც ექვსი
დაშაქრულა და დამტკბარა
საზაფხულოდ, ტკბილი ნესვი.

***
ყვავის როგორც გაზაფხული
სასიკეთოდ მიწელი,
შემოდგომით წითელ მარცვლებს
დაგვირიგებს ბროწელი.

***
უკვე აცივდა, ავანთეთ ცეცხლი,
ბუხრის ყელიდან ამოდის კვამლი,
ბებოს კეცებზე მადის აღმძვრელად
ხმაშეწყობილად ტკაცუნებს წაბლი.

***
მარნის ახლოს ყვავის ცალკე,
სადაც გვიდგას ქვევრის ჭურიც,
საზამთროდ კი ნაყოფს გვიტკბობს
გულყვითელა ხეჭეჭური.

***
სულ დავიკაწრეთ ხელ-ფეხი,
ავტეხეთ აყალ-მაყალი,
რა ტკბილი არის საჭმელად,
წვრილეკლინი მაყვალი.

***
ბუჩქის პირას ბებომ ერთხელ,
მოსაკრეფად გვალოდინა,
რომ პირველად გაგვესინჯა
უცნარი სმაროდინა.

***
ეს ტროპიკული ხილია,
ხეზე ვერ ახვალ, განანებს,
ნეტავ ვინ კრეფავს უშიშრად
ამ ყვითელ-ყვითელ ბანანებს.

***
ნეტა სად მოდის ეს ხილი?
_ ვერ გაერკვია მანანას.
ხე ისხავს? მიწაზე მოდის?
უნდოდ უყურებს ანანასს.

***
სასიკეთოდ დაამწიფებს
თუ მიუდგა მას მზის სხივი,
მაგრამ ისევ მწვანე რჩება,
სასარგებლო ხილი-კივი.

***
სუფრას ისე დაამშვენებს,
როგორც დალის შვენის ხალი
მანდარინზე დიდი არის
მითხარ რაა? ფორთოხალი.

***
საქართველოს სიმდიდრე და
სამაყო არის ძღვენი,
ამ ხილის მერთვლე ერი ვართ
ჩვენ ქართლოსის მძლავრი ძენი.


იოსებ ციცქიშვილი
ჯერ არცერთ მომხამრებელს არა აქვს შეფასება გაკეთებული. თქვენ როგორ გფიქრობთ, რა ასაკის ბავშვისათვის შეიძლება იყოს ეს ლექსი საინტერესო? თუ თქვენ ხართ 16 წლის ან უფროსი, გთხოვთ შეხვიდეთ სისტემაში ან გაიაროთ რეგისტრაცია და გვითხრათ, თქვენი აზრით რა ასაკის ბავშვისათვის არის ეს ლექსი საინტერესო. თქვენი აზრი ჩვენთვის მნიშვნელოვანია!


ყურადღება! შეფასების მეთოდოლოგია შეიცვალა, შეფასების გაკეთება შეუძლია მხოლოდ რეგისტრირებულ მომხმარებელს, რომელიც არის 16 წლის და უფროსი. შეფასების გასაკეთებლად, გთხოვთ შეხვიდეთ სისტემაში ან გაიაროთ რეგისტრაცია

„ბობი“
ავტორი: ნატალი ცვარიანი (6 წლის)

დაამატე შენი ნახატიც
decoration

ვიდეო ლექსები

ბავშვების მიერ გაცოცხლებული იოსებ ციცქიშვილის ლექსი „ხილთა ქება“. თუ შენც გაქვს ამ ლექსის ვიდეო, გამოგვიგზავნე და გაუზიარე ის სხვებსაც!

ნახატი ლექსები

იოსებ ციცქიშვილის ლექსის „ხილთა ქებას“ თემაზე, ბავშვებს მიერ შექმნილი ნახატები. თუ შენც გაქვს ამ ლექსის თემაზე რაიმე დახატული, გაუზიარე ის სხვებს!

იოსებ ციცქიშვილის სხვა ლექსები:

ფავორიტებში დამატება
მეც უფროსი გამოვალ

წელს მივდივარ სკოლაში
და დიდივით ვფიქრდები,
რა გამოვალ ნეტავი,
როცა დიდი ვიქნები?

როცა ვცელქობ, მეტყვიან,
დაუჯერე უფროსებს
შენ ხომ კარგი გოგო ხარ,
გაეჯიბრე უფრო სხვებს.

მე უკვე გადავწყვიტე,
...

მიხო ბიჭი ზოოპარკში

მიხო ბიჭმა წელს პირველი კლასი დაამთავრა
ექსკურსიით მისი კლასი ქალაქს გაემგზავრა.
სამებაშიც მოიარეს და მთაწმინდის პარკშიც,
შემდეგ ყველამ გადაწყვიტა ნახონ ზოოპარკი.

ინახულეს ჯიხვები და დაწინწკლული შვლები,
ვეფხვი, ლომი, მელაკუდა, ტურები და მგლები,
აქლემები, სპილოები, მაიმუნთა შფოთი,
მარტოდ-მარტო წყალში მწოლი დიდი ბეჰემოთი.

ხოხბები და წეროები ფარშევანგი, ყანჩა.
...

ულტიმატუმი

ყოველ დილით ჩხუბია
ჩემს ოჯახში ამაზე
ტანსაცმელის წესრიგზე
და საჭმელის ჭამაზე.

მიკვირის როცა მაცვია
არაფერი ირღვევა,
გავიხდი და თავისით
ტანსაცმელი ირევა.

საჭმელზე კი არ მიყვარს
...

ახალი კბილი

მიყვარს ბევრი კანფეტი
და მურაბა ტკბილი,
ამ ზაფხულში სოფელში
მოვიცვალე კბილი.

ბებომ მითხრა: _ ეგ კბილი
გავატანოთ თაგუნებს,
მაგის ნაცვლად თაგუნა
თავის საღ კბილს გარგუნებს.

თაგვო, კბილი მომეცი
...

ონკანი

ერთხელ აბაზანაში
გაგვიფუჭდა ონკანი,
ბავშვებისთვის ის გახდა
სიხარულის მომტანი.

მოუშვებ და ახველებს,
ცემინებას იწყებს,
მერე ისე იბღავლებს,
სიცილს გამოიწვევს.

შემდეგ გაბრაზებული
...

დაახლოებით ამავე ზომის ლექსები კატეგორიიდან ლექსები ყვავილებზე, მცენარეებზე


უფრო მცირე ზომის ლექსები კატეგორიიდან ლექსები ყვავილებზე, მცენარეებზე


უფრო დიდი ზომის ლექსები კატეგორიიდან ლექსები ყვავილებზე, მცენარეებზე


ყველა უფლება დაცულია.
kids.ge © 2012 - 2019