საბავშვო ლექსები  ›   გიორგი წერეთელი   ›  სხვას ვის აქვს

სხვას ვის აქვს

ფავორიტებში დამატება
სხვას ვის აქვს:
ცხრა მთა,
ცხრა ველი,
ნაწნავი -
ცხრა-ცხრა მტკაველი,
ცხრა პური -
ცხრა ძმის საგზალი,
ცხრა ხმალი -
ცხრა ძმის ნახმარი.
სხვას ვის აქვს ციხე ცხრაკარა -
ცხრავეა - ცხრა-ცხრაკლიტული,
ცხრა წყარო -
ცხრავე ანკარა,
ცხრა მთაზე გადმოკიდული.
ცხრა მთიდან ჩამოწანწკარობს
ცხრა წყაროსთვალი ნებისად,
სხვაგან სად არის ცხრა წყარო
და ცხრავე უკვდავებისა.
სხვაგან სად არის ცხრა მუხა -
ხალხმა ცხრა ძმად რომ ჩათვალა,
აქ ცხრა ძმამ ცხრაჯერ ჩამუხლა,
რომ მზე მზეობდეს ცხრათვალა.
სადაც ცხრა გმირმა ჩამუხლა,
კვლავაც შრილებს ცხრა მუხა,
კვლავაც ჭრილებს ცხრა კარი,
კვლავაც აცხობენ ცხრა პურსა,
კვლავ უთვალთვალებს ცხრა
თვალი
ცხრა კუთხეს მამა-პაპურსა,
მზე კვლავ დასცქერის ცხრათვალა
ცხრა მთას და
ცხრა ველს ზღაპრულსა.
ხრა მთიდან ჩამოწანწკარობს
ცხრა წყაროსთვალი ნებისად,
სხვაგან სად არის ცხრა წყარო
და ცხრავე უკვდავებისა!
გიორგი წერეთელი
რა ასაკის ბავშვისთვისაა ეს ლექსი საინტერესო?

როგორ ფიქრობთ, რა ასაკის ბავშვისთვის არის ეს ლექსი საინტერესო?



ეს ლექსი არცერთ კატეგორიაში არ არის.

ნახატი ლექსები - ამ ლექსის თემაზე შექმნილი ნახატები

ამ ლექსის თემაზე ჯერ არ არის არცერთი ნახატი ატვირთული. იყავი პირველი, ატვირთე შენი ნახატი!

დაამატე ნახატი

იმისთვის რომ შეძლოთ ამ ლექსის თემაზე შექმნილი თქვენი ნახატის დამატება, ჩვენს საიტზე უნდა გქონდეთ გახსნილი ანგარიში. ამისათვის უნდა გაიაროთ რეგისტრაცია.

ფავორიტებში დასამატებლად უნდა შეხვიდეთ სისტემაში.
ხოლო თუ ჯერ არ გაქვთ გახსნილი ანგარიში kids.ge-ზე, გაიარეთ რეგისტრაცია