საბავშვო ლექსები  ›   გალაკტიონ ტაბიძე   ›  ჰიმნი ქართულ ანბანს

ჰიმნი ქართულ ანბანს

ფავორიტებში დამატება
შენ, რომელიც
მარად მზეებრ გვინათ,
რა გუშინ
გაჩნდი თვალის ჩინად,
რამედ მზით
მოენთე ბრწყინვად -
ოცდაექვსი საკუნის წინად...

იმდროდან
დაწყებული დღემდე -
როს გათენდა,
მზით ანთებულ ზემდეგ,
სერზე აველ,
მთაწმინდაზე შევდეგ
ოცდაექვსი საკუნის შემდეგ.

შენ სიძველის
გმოსავს ნელი ხავსი,
ქვაზე ჭრილი
ხარ ჩუქურთმის მსგავსი -
დიდის გზნებით
სე იყავ სავსე
ოცდაექვსი
საკუნის წინად...

ცხრაასხუთი.
ოქტომბერი. ომი.
ჩემს ახლოს დგას
კაცთ ახალი ტომი.
ხელთ უპყრი
ლექსთა ჩვენთა ტომი -
ოცდაექვსი საკუნის შემდეგ.

მარადისი
სიახლე გაქვს ორბის,
ხველები
გრეხილების ორფის,
გაშვენებდა
ახლის წინამორბედს
ოცდაექვსი საკუნის წინად...

სევდინის
და როდესმე ობლის
გულმხურვალე,
როგორც ზრუნვა მშობლის.
ხარ აღმდგენი
ქალაქის თუ სოფლის
ოცდაექვსი
საკუნის
შემდეგ.

შენით მღერდა
მომღერალი ვეფხვის,
დარებლად
მცოდნე ლექსის ხერხის.
ეს შრილი
ყო მრავალ ვერხვის
ოცდაექვსი
საკუნის წინად...

შენ სიმები
მოგაქვს ჩემი ქნარის,
შენ შეჰხარი
თავისუფალ მხარეს,
შრომას ერთგულს,
თავდადებულს, ცხარეს,
ოცდაექვსი
საკუნის შემდეგ.

ქალიშვილი
შენით მღერდა ჩონგურს,
შენ ჯერ უშლელს
მაშინ ჰგავდი კოკორს.
აწ სულ სხვა ხარ,
არ იმგვარი, როგორც
ოცდაექვსი საკუნის წინად...

კვლავ გვინათე,
როგორც ეხლა გვინათ,
რა იყო და
რაა ახალ ბრწყინვად -
ოცდაექვსი
საკუნის წინად,
ოცდაექვსი
საკუნის შემდეგ.
გალაკტიონ ტაბიძე 1947
რა ასაკის ბავშვისთვისაა ეს ლექსი საინტერესო?

როგორ ფიქრობთ, რა ასაკის ბავშვისთვის არის ეს ლექსი საინტერესო?



ეს ლექსი არცერთ კატეგორიაში არ არის.

ნახატი ლექსები - ამ ლექსის თემაზე შექმნილი ნახატები

ამ ლექსის თემაზე ჯერ არ არის არცერთი ნახატი ატვირთული. იყავი პირველი, ატვირთე შენი ნახატი!

დაამატე ნახატი

იმისთვის რომ შეძლოთ ამ ლექსის თემაზე შექმნილი თქვენი ნახატის დამატება, ჩვენს საიტზე უნდა გქონდეთ გახსნილი ანგარიში. ამისათვის უნდა გაიაროთ რეგისტრაცია.

ფავორიტებში დასამატებლად უნდა შეხვიდეთ სისტემაში.
ხოლო თუ ჯერ არ გაქვთ გახსნილი ანგარიში kids.ge-ზე, გაიარეთ რეგისტრაცია