რუსთაველ!

ფავორიტებში დამატება
ყოვლის ზეცირის მადლით გაბრწყინვებულო,
და ანგელოზებრ წმინდად ამომსუნთქმელო.
ნეტავი მითხრან, ანუ ზეცითგანა გადმამძახონ,
ვინ გადმოაქცია შენზედ, მეტათ კარგი უცხობა ნეტარებისა!...
ვინ მოგიტანა დიდსულოვნების რტო სასუფევლიდგან?
ვინ გადაპო თავისი გული ლესულ ალმასითა,
და იმაში ანთებული სიყვარული ვინ გაჩვენა?
ვინ გაჩვენა მომფრინავი სული დავნებული სურვილითა.
ვინ გარია შენს მტკინვარეს ცრემლში არებელში სიტკბო...
ის ცრემლი რომლის მაღაროში შეგუბებული მეტათ წმიდა განბროლვილი?
ის ცრემლი, რის ემბაზით მიაქვს ცის კამარის მოსარწყავათ მთვარე სრულსა?
რომელს მინდორზე ილოცავდი, რომელ ცთომილთა მოგფინეს მზის პოდირი?
რომელს მდინარეს მოთხრობდი შენს გულის წადილს?
რომელ მკურნალმა გასო წამლად უკვდაბა შენ?
როგორ სადან ტკივილი სცან სოფლის გულისა?
ნეტა რად ილმე ტკინვა მისი დაუდგრომლისა?



რომლის სამოთხისა ყვავილების სურნელებით ავსილი ხარ?
რომელ მხრის ედემისა წყარო გისომს?
რომელს სანუგეშოს წალკოტში ხარ აღზდილი?
რამდენი გვარი მფრინველები ყოფილან შენთან მოსაუბრედ?
რამთენი ბრძენისაგან დალოცვილიხარ?
რომელს ზდილობიანს საზოგადოს ეკუთვნი შენ?
ვინ მოგართვა მხედრობისა განმკვეთელი ბასრი ძრილი!
ის რა ტყე არის შენგნით მოლბენ მხეცნადირნი გააფთრულნი?
ის რომელი გველი იყო შენ წინ კრძალვით ამოწკრიტა გესლი თვისი?
ყო სადა, და ვინ გითხრა?-„აგერ ხედავ? ცა პატივს გცემს ღრუბლის გრგვინვით!”
იმ დროს სიგრილის ცვარიც მოვიდა გულსა შვებელი?
ვინ გასწავა ცხოვრებისა წესი, - მეგობრობა, - და ზნება?
სიხარულით და სიკეთილით მოზღუდული, - სცურავ სიმოვნებასა შინა!...
სიმდიდრე და დიდება სულ არა ჩანს არად შენთან.
ჩანგებნები და ყოველი სამუსიკო შეგამკობენ.
მგალობლები და მომღერალნი შემოგტრფიან.
რა უნდა იმ შენს მტერსა დავითს შენგნით?
შენი შურით თავისი ქნარი უკინეს ზღვაში გადაუგდია,
და მწარეთ დასტირის საწყალი ზედა....



ი, ეხლა მესმის მთელი ქვეყნის ლექს-მგოსნების ღაღადება,
მარამ რუსთაველის ხმოვანება უფრო აღმატებულია და
სატრფილოა იმაზე!


თ. ალექსანდრე ვახტანგის ძე ჯ. ორბელინი.
9 ივლისს 1852-სა წელსა,
ალგეთის ხებაში წ. სამების მთაზე.
ალექსანდრე ორბელიანი 1852 წ.
რა ასაკის ბავშვისთვისაა ეს ლექსი საინტერესო?

როგორ ფიქრობთ, რა ასაკის ბავშვისთვის არის ეს ლექსი საინტერესო?



ეს ლექსი არცერთ კატეგორიაში არ არის.

ნახატი ლექსები - ამ ლექსის თემაზე შექმნილი ნახატები

ამ ლექსის თემაზე ჯერ არ არის არცერთი ნახატი ატვირთული. იყავი პირველი, ატვირთე შენი ნახატი!

დაამატე ნახატი

იმისთვის რომ შეძლოთ ამ ლექსის თემაზე შექმნილი თქვენი ნახატის დამატება, ჩვენს საიტზე უნდა გქონდეთ გახსნილი ანგარიში. ამისათვის უნდა გაიაროთ რეგისტრაცია.

ფავორიტებში დასამატებლად უნდა შეხვიდეთ სისტემაში.
ხოლო თუ ჯერ არ გაქვთ გახსნილი ანგარიში kids.ge-ზე, გაიარეთ რეგისტრაცია