kids.ge logo

რა უნდა გავითვალისწინოთ ბავშვის ოთახის მოწყობისას

გვერდის მისამართი
ფავორიტებში დამატება
ეკატერინე ბარათაშვილი
kids.ge-ს ბავშვთა განათლების და განვითარების ცენტრის ადმინისტრატორი

როდესაც გადაწყვეტთ თქვენი შვილებისთვის მოაწყოთ ოთახი, მთავარია არ დაივიწყოთ მათი წარმოსახვის უნარი, ნიჭიერება. პატარები არიან მსახიობები, მხატვრები, მუსიკოსები. მათი შემოქმედებითი ენერგია, არ აძლევთ გაჩერების საშუალებას, დილიდან საღამომდე, გაღვიძებიდან დაძინებამდე. ამიტომ ნუ დატოვებთ პატარებს არაფრის მთქმელ, უემოციო, უსახურ ოთახში. ისინი იმსახურებენ ისეთ სივრცეს, რომელიც შთააგონებს და დამუხტავს დადებითი ენერგიით. 

იყავით პრაქტიკულები. პატარები სწრაფად იზრდებიან, ყოველდღიურად იცვლება მათი ინტერესთა სფერო. საყვარელი მანქანები, თოჯინები, მულტფილმის გმირები დროთა განმავლობაში ხდება უინტერესო. ბავშვი იზრდება ფიზიკურადაც. თქვენს მიერ შერჩეული საწოლი, მაგიდა, სკამი შეიძლება მალე გახდეს უსარგებლო. იყავით მზად ამ ცვილებებისთვის. შეიძინეთ მხოლოდ რამოდენიმე ნივთი, დეკორის ელემენტი, კონკრეტული ასაკისთვის, მაგრამ იყავით პრაქტიკულები ძვირად ღირებული ნივთების ყიდვისას. აირჩიეთ ისეთი დეკორი და ავეჯი, რომელსაც შემდგომ განავითარებთ და შეცვლით თქვენი ბავშვის ასაკის შესაბამისად.

room

ყველა ბავშვს ოთახში სჭირდება საწოლი, ტანსაცმლის კარადა, წიგნების კარადა, მაგიდა და სკამი მეცადინეობისათვის (ხატვისთვის, ძერწვისთვის და სხვა). სასურველია შეიძინოთ მაღალი ხარისხის ავეჯი, რომელიც მოგემსახურებათ რამოდენიმე წელი, შესაძლოა სკოლის დამთავრებამდეც კი. თუ გსურთ, ზედმეტი ფულის დახარჯვა, ეს რა თქმა უნდა თქვენი ნებაა, მაგრამ გირჩევთ არ იყიდოთ საწოლი მხოლოდ ერთი - ორი წლისთვის. არ ჩააწვინოთ თქვენი 13 წლის შვილი მატარებლის ფორმის საწოლში, რომელიც უყიდეთ ხუთი წლის ასაკში. პირიქით, 5 წლის ბავშვს შეუძინეთ ავეჯი, რომელსაც გამოიყენებს 13 წლის ასაკშიც. ან ავეჯი, რომლის გადიდება სიგრძესა და სიგანეში შესაძლებელი იქნება.

შეიძინეთ წიგნების კარადა, მანამდე სანამ თქვენი პატარა დაიწყებს კითხვას. ცოტა ხანში ის აუცილებლად დაგჭირდებათ. ასევე მაგიდა მეცადინეობისთვის, რომელზეც ბავშვი შეძლებს ხატვას, ძერწვას, თამაშს მანამ, სანამ მიაღწევს სასკოლო ასაკს.

მოეკიდეთ თქვენი ბავშვის ოთახის მოწყობას შემოქმედებითად და ამავე დროს პრაქტიკულად. ჩააქსოვეთ ამ საქმეში თქვენი ბავშვისადმი სიყვარული, მისდამი მზრუნველობა და სურვილი გაალამაზოთ და საინტერესო გახადოთ მისი ცხოვრება.


 ბავშვის ოთახი
Kids.ge-ს რჩევები

იქონიეთ მზისგან დამცავი საშუალება თქვენი ბავშვის კბილის პასტის გვერდით

წაუსვით ბავშვს ყოველდღიურად, გახადეთ იგი დილის რუტინის ნაწილი, როგორც ეს კბილების გამოხეხვაა.

ანი კაპანაძის ბლოგი - დაწყებითი კლასის მასწავლებელი
ანი კაპანაძის ბლოგი - დაწყებითი კლასის მასწავლებელი

„მასწავლებელი - ზოგჯერ უშვილო,მაგრამ ათასი ბავშვის მშობელი”   პირველად რომ წავიკითხე იოსებ ნონეშვილის ლექსი, „მასწავლებელი” საოცა...

„ვაშლის ხე“
ნახატის ავტორი:
ანასტასია ჩეჩელაშვილი (6 წლის)

დაამატე შენი დახატული კლიპარტი
decoration

ვერ ნახეთ თქვენთვის საინტერესო ინფორმაცია ან ისეურვებდით რამე თემაზე უფრო დეტალურ ინფორმაციას?

მოგვწერეთ თქვენთვის საინტერესო თემის შესახებ, რის შესახებ წაიკითხავდით ჩვენს საიტზე კიდევ?

მოგვწერეთ კონკრეტული შეკითხვა, ან თემა რაზეც ისურვებდით ინფორმაციის მიღებას.
გთხოვთ მიუთითოთ თვენი საკონტაქტო ელ.ფოსტა, რომ თქვენი სურვილის შესახებ რაიმეს დაზუსტების მიზნით, შევძლოთ თქვენთან დაკავშირება.

ფორმის გაგზავნით, თქვენ ადასტურებთ, რომ იცნობთ და ეთანხმებით ჩვენი საიტის სარგებლობის წესებსა და კონფიდენციალურობის პოლისს.
ყველა უფლება დაცულია.
kids.ge © 2011 - 2024