ბაღისათვის მოსამზადებელი პროგრამა

თუ თქვენს ბავშვს პანდემიის გამო შეექმნა გარკვეული სირთულეები საბავშვო ბაღში სიარულთან დაკავშირებით; არის ბაღის ასაკის, მაგრამ თვლით რომ არ არის ამისათვის მზად; ვიწყებთ ახალ განმავითარებელ პროგრამას!

ვისთვის არის ეს პროგრამა?

პროგრამა განკუთვნილია ბავშვებისთვის, ვინც პანდემიის ან რაიმე სხვა მიზეზის გამო ბაღში ვერ იარა და ამ მიზეზით შეექმნა სხვა ბავშვებთან ურთიერთობის სირთულეები;
თუ ბავშვს, საბავშვო ბაღში წასვლის წინ ან ჯგუფში შესვლამდე აქვს მომატებული შფოთვები; არ სურს საბავშვო ბაღში წასვლა;
თუ ბავშვს უჭირს მშობლის გარეშე დარჩენა; აქვს მიჯაჭვულობის პრობლემები;
თუ აქვს სხვა ბავშვთან კონტაქტში შესვლის სირთულეები;
თუ აქვს სიმორცხვე, ინიციატივის გამოჩენის ნაკლებობა და ა.შ.

ბავშვების ასაკი

პროგრამა განკუთვნილია საშუალოდ 3 ~ 5 წლის ბავშვებისთვის, ვინც საბავშვო ბაღის მოსწავლეა, ან გეგმავს საბავშვო ბაღში წასვლას.

მოსწავლის მიღება

ბავშვების მიღებამდე მოხდება მათთან და მშობლებთან გასაუბრება, რათა თავიდან ავიცილოთ მშობლებში არასწორი მოლოდინები. მოსწავლის მიღება ხდება 3 თვით. სასწავლო წლის განმავლობაში, სამი ნაკადია (ოქტომბრის, იანვრის და აპრილის). თითოეული ნაკადის დაკომპლექტების შემდეგ, შეხვედრები დაიწყება და გაგრძელდება 3 თვის განმავლობაში. საჭიროების შემთხვევაში, მოსწავლეებს შეეძლებათ მომდევნო ნაკადშიც განაგრძონ პროგრამაზე სიარული.

შეხვედრების განრიგი

კურსის ხანგრძლივობა 3 თვეა.
შეხვედრები ჩატარდება კვირაში ორჯერ (სამშაბათს და ხუთშაბათს);
თითო შეხვედრის ხანგრძლივობა საათნახევარი (ჯგუფის საჭიროებებიდან გამომდინარე მცირე შესვენებებით);
ჯგუფები 11:00 და 13:00 საათებზე;

ჯგუფები

ჯგუფში მოსწავლეების საშუალო რაოდენობა 4-5 ბავშვია; შეხვედრები ჩატარდება მშობლების ჩართულობით.

სწავლის საფასური

სწავლის საფასური თვეში 160 ლარია. კურსის (3 თვის) ერთიანად გადახდის შემთხვევაში, სწავლის საერთო საფასური 440 ლარია (თვეში ~146 ₾). სწავლის საფასურის გადახდა ხდება წინასწარ, ერთი ან სამი თვის დასაწყისში.