კრეჭანა
ლადოს კრეჭანას ეძახიან. ეს იმიტომ, რომ გან-განზე ამოსული დიდი კბილები აქვს და სულ იცინის, იცინის...
ერთხელ კრეჭანას მეველემ დაუძახა:
- მოდი აქ!
კრეჭანა გაიკრიჭა და მივიდა.
- მწიფე გულაბი არ გინდა? - ჰკითხა მეველემ.
კრეჭანა ისევ გაიკრიჭა და თავი დაუქნია:
- მინდა.
მეველემ ჩანთიდან ჩაყვითლებული გულაბი ამოიღო და გაუწოდა.
კრეჭანამ გულაბი იმწამსვე პირისაკენ გააქანა და ჩაკბიჩა.
მეველემ უცებ გულაბი ხელიდან წაართვა, ჩანთიდან მეორე გაკბეჩილი გულაბი ამოიღო და ახლადგაკბეჩილს შეადარა. ორივეს ერთნაირი ნაკბილარები ეტყობოდა.
მეველე კრეჭანას ყურში სწვდა:
- იყავი თუ არა ჩვენებიანთ გულაბზე?
უარის თქმა აღარ შეიძლებოდა.
- ვიყავი! - აღრიალდა კრეჭანა.
ასე დაიჭირა მეველემ ეს ონავარი ბიჭი ქურდობაზე.
შეამოწმე, რამდენად კარგად გაიგე მოთხრობა „კრეჭანა“ სხვა მოთხრობები
ლადოს კრეჭანას ეძახიან. ეს იმიტომ, რომ გან-განზე ამოსული დიდი კბილები აქვს და სულ იცინის, იცინის...ერთხელ კრეჭანას მეველემ დაუძახა:- მოდი აქ!კრეჭანა გაიკრიჭა და...
ის ადგილი აქედან შორს არის. ირგვლივ სულ მაღალი ლურჯი მთებია, შუაში კი სწორი ცისფერი ტბა კამკამებს. ლურჯ მთებზე ღრუბლები იბადებიან, პატარა ცელქი ბიჭუნებივით კოტ...
კრწანისის ომში დამარცხებულმა ერეკლე მეფემ, რამდენიმე თანმხლებთან ერთად, არაგვის ხეობას შეაფარა თავი. დღესაც არავინ იცის, სად იმყოფებოდა სამ დღეს, მეოთხე დღეს კი...
ჩვენი ძველი სახლი ივრის ხეობას გადაჰყურებს. წინ პატარა ბაღი გვაქვს, ხეხილნარი, მერე ფერდობია, ფერდობის ძირში წისქვილის არხი გადის, არხის იქით ჭალის ვენახებია, ...
ამ წიგნს მელა წერს. როგორ წერს, რით წერს, საიდუმლოა. ხომ შეიძლება ერთი საიდუმლო მაინც დავიტოვო, როცა ქალაქის სიგრძე ამბავი უნდა გიამბოთ?! დავიწყებ იმით, როგორ ...
ეს მუხა ტყის პირას დგას, - ბებერი, ჯმუხი, ტანდაკოჟრილი, ფოთლებშეთხელებული. აღარც ჩრდილს იფენს, აღარც რკოს ისხამს. იშვიათად თუ ეწვევა ვინმე, - ადამიანი, ცხოველი ...
დაეხმარე სახელის შერჩევაში
აუხსენით ბავშვს, რომ ყველაფერი, რასაც ის ონლაინ აკეთებს, ტოვებს ციფრულ კვალს, რომელიც შეიძლება გამოყენებულ იქნას მის წინააღმდეგ.
