ოთახი მორთულია საახალწლოდ. დგას ნაძვის ხე. შემოდის ორთავიანი დევი

პირველი თავი: - დღეს ახალი წელია

ჩვენ კი არსად გველიან,

ყველა ისე გაგვირბის,

ვიყოთ მათი მტერია.

ნეტა ვის რას ვუშავებთ?

ასე რატო გაგვრიყეს?

მოდი, ეს საქციელი

დავანანოთ ამ ბრიყვებს.

მეორე თავი: - გაჩე, ნუღარ ბურდღუნებ,

გვეყო ცუდის კეთება,

კეთილებად ვიქცევით?

შეგვიყვარონ იქნება.

მოდი, ნურვის შევუჭამთ

შემონახულ მარაგებს,

პირველი თავი - როცა მშია, იცოდე

მე არავინ მადარდებს.

მეორე თავი - მხოლოდ თავზე რომ ფიქრობ,

ყველას აფრთხობ, აშინებ,

ზეიმიდან მიტომაც,

გაგვაგდებენ მაშინვე.

პირველი თავი - რაღაც ბევრს ლაპარაკობ, მე ისედაც გაბრაზებული ვარ. გაჩუმდი თორემ....

მეორე თავი - რა თორემ?

პირველი თავი - რა და შეგჭამ

მეორე თავი - აბა გაბედე (თავებით კინკლაობენ)

პირველი თავი - კარგი გვეყოფა ჩხუბი. მარტო რომ არ ვიყოთ, იცი რა გავაკეთოთ?

მეორე თავი - რა?

პირველი - მოვიტაცოთ თოვლის ბაბუა და ფიფქია

მეორე - კარგი რა, უფრო შეგვიძულებენ.

პირველი - აბა, მარტო ვიყოთ? ჩვენ არ გვინდა გართობა და საჩუქრები ?

მეორე - მერე, ბავშვები ცოდონი არ არიან?

პირველი - უჰ, მომაბეზრე თავი.... აი, ზანზალაკების ხმა ისმის, წავედით.....

(შემოჰყავთ თოვლის ბაბუა და ფიფქია)

თოვლის ბაბუა - ეს რა ჰქენი დევო? რატომ მოგვიტაცე? ბავშვები გველიან.

ფიფქია - მოიწყენენ პატარები, ცოდონი არიან.

პირველი - ჩვენ არა ვართ ცოდონი?

მეორე - ჩვენც გვინდა გართობა.(პირველს) გაუშვათ ესენი, თორემ ბავშვები მოვლენ, მაინც წაგვართმევენ, წაიყვანენ, ჩვენ კი...შეგვიძულებენ

პირველი - აბა გაბედონ!

(შემოდიან ბავშვები: ცეკვავენ, ხტუნავენ თოვლის ბაბუა და ფიფქიასთან ერთად)

მეორე - მოდი, ჩვენც ჩავერთოთ, თუ მიგვიღეს

პირველი - ჩავერთოთ ( ნელ - ნელა უახლოვდებიან და წრეში ცეკვავენ)

ბავშვი 1 - გაუშვი, დევო, თოვლის ბაბუა

ბავშვი 2 - ფიფქიაც გაუშვი რა, გთხოვ

ბავშვი 3 - აბა რა ახალი წელი იქნება მათ გარეშე?

პირველი თავი - ჩვენ რა ვაკეთოთ მარტო?

მეორე თავი - ჩვენ.... მოდი, გავხდეთ კეთილები და წაგვიყვანენ ბავშვები

ბავშვები - წაგიყვანთ, წაგიყვანთ

პირველი თავი - მე არ ვიქნები დღეიდან ავი

 დამემოწმება მეორე თავი.

მეორე თავი - არავის ვავნოთ, ვფიცავართ დედას,

 ჩვენ იგი გვიყვარს ყველაზე მეტად.

ბავშვი 1 - დავუჯეროთ მეგობრებო?

ბავშვი 2 - დავუჯეროთ, დავუჯეროთ

ბავშვი 3 - დედას ტყუილად ხომ არ დაიფიცებდნენ?

(ყველანი მიდიან ბავშვებთან ზანზალაკების რეკვით)

თოვლის ბაბუ - აბა, ერთად მოვილხინოთ!

ახალი წლის მობრძანებას მოგილოცავთ მთელი გულით,

საახალწლო სურვილები თქვენთვისა გვაქვს შენახული.

ფიფქია - დაგვებედოს სიხარული, წარმატება შინ და გარეთ,

ჩვენი ერის სიძლიერემ, აატიროს მტერი მწარედ.

ბავშვი 1 - გაძლიერდეს ჩვენი ჯიში და იხაროს ჩვენმა გენმა,

ვერაფრით ვერ დაგვიმონოს გარეშე თუ შინა მტერმა.

პირველი თავი - - რაც წაგვართვეს, დავიბრუნოთ ანდა ძალით, ანდა ნებით,

ამ ახალ წელს გავიხაროთ სამაჩაბლოთ, აფხაზეთით.

მეორე თავი - - დე, შეიგნოს ყველამ, ვინც კი, გვიღალატა ჩვენ მაცდურად,

კვლავაც შევძლებთ ჭირშიც, ლხინშიც ვიდგეთ ერთად, ვიდგეთ ძმურად.

ბავშვი 2 - ამ ახალ წელს მოგილოცავთ ყველა ქართველს, ნამდვილ მოყმეს,

ვისაც ძალუძს ძველებურად ჩაეხუტოს თავის მოძმეს.

ბავშვი 3 - ვისაც ძალუძს, მოყმისათვის გააკეთოს, თუნდაც მცირე,

თუ დაჭირდა საქართველოს, იყოს მისი შესაწირე.

პირველი თავი - - მოგილოცავთ ყველას, ყველას, სულ სიკეთე დაგებედოთ,

ავი თვალით აწი ჩვენთვის, არავის არ შეეხედოს.

მეორე თავი - - დაე, ვიყოთ ჯანმრთელები და შორს იყოს ჩვენგან დარდი,

ბედნიერად გაგვითენდეს ეს ახალი წელიწადი.

ბავშვი 4 - ძველ წელიწადს გავატანოთ უსაქმურად ყოფნა სახლში,

ბევრს ვისწავლით? არ შევირცხვენთ, მერე, არსად ჩვენ თავს ხალხში.

თოვლის ბაბუა - - დე, აგიხდეთ ყველა ნატვრა, ოცნება და კარგი ფიქრი,

მოვუმატოთ სწავლას თორემ, აი, წლები როგორ მიქრის.

ბავშვი 5 - ჩვენი კლასის სიძლიერით რომ რომ ყველანი გავახაროთ,

უფრო მეტად მოვინდომოთ, წიგნი ისე შევიყვაროთ.

ბავშვი 6 - თოვლის პაპამ მოგვიტანოს წარმატება, ბევრი ათი,

მოვეფეროთ ჩვენს ახლობლებს, დაფასება შევძლოთ მათი.

ფიფქია - ილხენდეს და ნეტარებდეს ჩვენი იმერ - ამიერი,

ყველგან ქუხდეს ლილეო და ტკბილი მრავალჟამიერი.

ყველანი მღერიან „მრავალჟამიერს“. მერე იწყებენ ცეკვას