საბავშვო ლექსები  ›   ნატალია ნადირაშვილი   ›  მარიკელას ეძინება

მარიკელას ეძინება

ფავორიტებში დამატება

„დედიკონა, ზღაპრის დროა,
ნახე, როგორ მეძინება!“
პაწაწინა მარიკელას
ეშმაკურად ეცინება.

„კარგი, დედის სიხარულო,
ჩემს კნუტს რის მოსმენა უნდა?
როგორ მოტყუა მგელმა
უღრან ტყეში წითელქუდა?“

„რა კარგია, მომიყევი,
წითელქუდა მარტო იყო?
უღრან ტყეში რომ წავიდა,
თოფი რატომ არ წაიღო?“

“პატარა და ლამაზ გოგოს
თოფი, აბა, რად უნდოდა?
ხელში კალათი ეჭირა,
ბებიასთან მიდიოდა.

მაგრამ სანამ მივიდოდა,
წინ გაუსწრო თურმე მგელმა,
და ბებიკო გადაყლაპა
იმ მართლაც რომ საძაგელმა“.

მარიკელა უცებ შეკრთა
და საბანში ჩამალა.
თვალები აწყლიანდა:
“დედიკოსთან მინდა, ჩქარა!“

“შვილო, ამას რატომ ამბობ,
დედიკო ვარ, გენაცვალე!“
“არა, იქნებ შენც მგელი ხარ
და დედიკო გადაყლაპე...“


ნატალია ნადირაშვილი
რა ასაკის ბავშვისთვისაა ეს ლექსი საინტერესო?

როგორ ფიქრობთ, რა ასაკის ბავშვისთვის არის ეს ლექსი საინტერესო?



ლექსები ოჯახის წევრებზე

ნახატი ლექსები - ამ ლექსის თემაზე შექმნილი ნახატები

ამ ლექსის თემაზე ჯერ არ არის არცერთი ნახატი ატვირთული. იყავი პირველი, ატვირთე შენი ნახატი!

დაამატე ნახატი

იმისთვის რომ შეძლოთ ამ ლექსის თემაზე შექმნილი თქვენი ნახატის დამატება, ჩვენს საიტზე უნდა გქონდეთ გახსნილი ანგარიში. ამისათვის უნდა გაიაროთ რეგისტრაცია.

ფავორიტებში დასამატებლად უნდა შეხვიდეთ სისტემაში.
ხოლო თუ ჯერ არ გაქვთ გახსნილი ანგარიში kids.ge-ზე, გაიარეთ რეგისტრაცია