საბავშვო ლექსები  ›   გალაკტიონ ტაბიძე   ›  ქარი ამწევი ფარდის

ქარი ამწევი ფარდის

ფავორიტებში დამატება
სიკვდილი პირად ოდენ ვიქნები,
მე ჩემ დემონებს
ვსთხოვ, რომ დახურონ ყველა წიგნები,
სადაც შენს იქით, სადაც შენს გარდა, არ ჩანს არავინ.
ერთი წამია ნგრევის შეგნება -
წამი ღვარული,
იქ სიბრალული სულს არ ექნება,
არც სიყვარული.
გონება ჩუმობს და ჯადოს ილეკს,
სხივს მომაკრძალებს;
მხოლოდ შორეულ თოვლიან ბილიკს
მივაპყრობ თვალებს.
მღვრიე ქუჩები, ხიდები,
ნისლი, ზარები
ჩემს დაფიქრებას ხმარობით
ფარავენ მარად;
იხტიზავრის გაღვიძებას
სადარები,
დეს ქარები გრილებენ:
მსოფლიო ქყნარად!
თმაგაწეწილი ორატორი
მძაფრი ძახილი
მიშურება აღელვების ზღვად და სამუმად.
ჯერ არნახული, ჯერ ართქმული,
ჯერ არსმენილი
ხმით გუგუნებენ მოედნები:
მსიფლიო, ჩუმად!
ხმა იყოლიებს ყტიბუნებზე
მართულ ლანდებს,
ეცრად მასის გადარევა
ელვაზე ჩქარა
შესძრავს პეტერბურგს, ასწევა ლავრებს,
მანიფესტებს.
აღფრთოვანება, გაგიჟება, წყევლა, მუქარა
ჩემს თვალწინ მიდის შეღამების
ლიზიმად...
წყნარად, მსოფლიო! წინ, მსოფლიო!
მსოფლიო, ჩუმად!
გალაკტიონ ტაბიძე 1924
რა ასაკის ბავშვისთვისაა ეს ლექსი საინტერესო?

როგორ ფიქრობთ, რა ასაკის ბავშვისთვის არის ეს ლექსი საინტერესო?



ეს ლექსი არცერთ კატეგორიაში არ არის.

ნახატი ლექსები - ამ ლექსის თემაზე შექმნილი ნახატები

ამ ლექსის თემაზე ჯერ არ არის არცერთი ნახატი ატვირთული. იყავი პირველი, ატვირთე შენი ნახატი!

დაამატე ნახატი

იმისთვის რომ შეძლოთ ამ ლექსის თემაზე შექმნილი თქვენი ნახატის დამატება, ჩვენს საიტზე უნდა გქონდეთ გახსნილი ანგარიში. ამისათვის უნდა გაიაროთ რეგისტრაცია.

ფავორიტებში დასამატებლად უნდა შეხვიდეთ სისტემაში.
ხოლო თუ ჯერ არ გაქვთ გახსნილი ანგარიში kids.ge-ზე, გაიარეთ რეგისტრაცია