რეკა
დაუგდეთ როდესმე ყური ლიტანიის რეკას!
ქრისტე! - დაიგრიალებს ერთი ზარი.
აღსდგა! - მიაძახებს მეორე.
ქრისტე აღსდგა! - გუგუნებს მესამე.
ჭეშმარიტად აღსდგა! - უპასუხებს მეოთხე.
კი-კი-კი-კი.
კი-კი-კი-კი, - წრიპინებენ პატარა ზარები.
მე აღვსდგები! - მოისმის შეუწყვეტელ რეკაში წელში გატეხილის, მაგრამ მოიმედე ადამიანის ხმა.
შენ აღსდგები! - უძახის ვიღაცა დაკარგულს იმედს, ნუგეშს, სიყვარულს.
მე აღვსდგები!
შენ აღსდგები!
კი-კი-კი-კი.
რის და ვის სახელს არ გაიგონებთ ამ რეკაში?!
ოცი წელიწადია ყურს ვუგდებ ამ რეკას. ველი, ვუცდი ერთს სახელს, რომ დავიძახო: ჭეშმარიტად! ხმა კი არ ამოვა მაშინ ყელიდან, არამედ ნიშნად სიხარულისა ფეხ-წითელა თეთრი მტრედი მოფრინდება გაპობილ მკერდიდან.
მოთმინებიდან გამოსული მე თვით ვიძახი: „საქართველო აღსდგება!“ ვცდილობ იერიქონის საყვირს გადავაჭარბო.
დიდი და პატარა ზარები გუგუნებენ, გრიალებენ და წიწინებენ:
ჭეშმარიტად, ჭეშმარიტად!
კი-კი-კი-კი.
კი-კი-კი-კი!
შეამოწმე, რამდენად კარგად გაიგე მოთხრობა „რეკა“ სხვა მოთხრობები
- დედილო! - ა, შვილო? - არ ღირს, დედილო, ასე ცხოვრება: ან მოკვდეს კაცი და ან ცოცხალი იყოს!.. - რათა, შვილო, რა მოგივიდა? - მომწყინდა, დედილო, მომწყინდა! მტე...
... იმ ცივ, დაწყევლილ, ნისლიან-ბურუსიან ქვეყანაში დავკარგე სიყმაწვილე, იმედი, სულის სიმშვიდე, თვალების ელვარება, აღტაცება, სიყვარული და სიძულვილი. ლანდივით დავდ...
დაუგდეთ როდესმე ყური ლიტანიის რეკას! ქრისტე! - დაიგრიალებს ერთი ზარი. აღსდგა! - მიაძახებს მეორე. ქრისტე აღსდგა! - გუგუნებს მესამე. ჭეშმარიტად აღსდგა! - უპას...
დაეხმარე სახელის შერჩევაში
დაეხმარეთ ბავშვს, გააცნობიეროს, რომ შეცდომები სწავლის ნაწილია და გამოიყენოს ისინი დროის მართვის უნარების გასაუმჯობესებლად.
სოფი მაჭავარიანი - გახსოვდეს, უკვე გაზაფხულია!
გახსოვდეს, უკვე გაზაფხულია! ბავშვებო, ერთი პატარა ამბაბი უნდა მოგიყვეთ, როდესაც თქვენი ტოლი ვიყავი, ვკითხე ჩემს მასწავლებელს,-მერი მასწავლებელს; -მასწავლებელო...
