kids.ge logo

წერითი მეტყველება

გვერდის მისამართი
ფავორიტებში დამატება
ქეთევან ლომიძე
ლოგოპედი, პედაგოგი

„მასწავლებელი პირველია, ვინც აღმოაჩენს, რომ მის მოსწავლეს დისლექსია აქვს.“ - ყურადღებიანი და გათვითცნობიერებული დედისათვის პირველი მასწავლებელი არ უნდა იყოს ის, ვინც მისი შვილის ამ ნაკლს აღმოაჩენს! ეს პრობლემები ხომ მის შვილს დამატებით სტრესს უქმნის პირველ კლასში...

წერითი მეტყველების ცნებაში შედის წერაც და კითხვაც, წერა და კითხვა მჭიდროდაა დაკავშირებული ერთმანეთთან, როგორც თავისი განვთარებით, ასევე მუდმივი გამოყენებით.


დისლექსია - კითხვის პროცესის სპეციფიკური ნაწილობრივი დარღვევა, რომელიც ვლინდება ასოების ამოცნობის გართულებაში.

დისგრაფია - წერის პროცესის სპეციფიკური ნაწილობრივი დარღვევა, რომელიც ვლინდება ასოების დამახინჯებაში, გადაადგილებასა და გამოტოვებაში...

კითხვისა და წერის საფუძველს წარმოადგენს რთული ფსიქო-ფიზიოლოგიური პროცესი, რომელშიც მონაწილეობს - მხედველობითი, სმენითი,მეტყველების უმაღლესი ქერქული ანალიზატორები და უშუალოდ სამეტყველო აპარატი. კითხვის პროცესი იწყება მხედველობითი აღქმიდან, ბგერის გამოცნობისა და განსხვავებისაგან. შემდეგ ხდება ბგერის და ასოს შერწყმა და სიტყვის ბგერითი წაკითხვა,რაც სრულდება წაკითხულის გაგებით. აქედან გამომდინარე, წერა-კითხვის პროცესში გამოიყოფა 2 მხარე:

ტექნიკური - სიტყვის მხედველობითი აღქმა, შერწყმა მის წარმოთქმასთან და

აზრობრივი - რომელიც წერა-კითხვის მთავარ მიზანს წარმოადგენს.

მთავარ მოთხოვნას წერა-კითხვის ათვისებაში წარმოადგენს ზეპირი მეტყველების ფორმირება, მისი ფონეტიკურ-ფონემატური მხარის ჩამოყალიბება, ლექსიკო-გრამატიკული ანალიზი და სინთეზი, მხედველობითი სინთეზი და ა.შ.... გამომწვევი მიზეზების მიხედვით გამოყოფენ დისლექსიის სხვადასხვა ფორმებს. ასეთი დარღვევების არსებობამ შეიძლება გამოიწვიოს მოზარდის პიროვნებად ჩამოყალიბებაში გარკვეული სირთულეები. დისგრაფიაც და დისლექსიაც, მათი სახეები და გამოსწორების გზები კარგადაა ცნობილი მეტყველების თერაპევტებისათვის (ლოგოპედებისათვის) ამ დროს დიდი მნიშვნელობა ენიჭება მიზნობრივ, კორექციულ ლოგოპედიურ ზემოქმედებას, რომელიც მიმართულია წერა-კითხვის გამოსწორებისაკენ, კარგად დაგეგმილი და განხორციელებული ლოგოპედიური სამუშაოების შედეგად დისლექსიის დინამიკა რეგრესირებადია, თანდათან კლებულობს შეცდომების რიცხვი და ვიღებთ სასურველ შედეგს. წერა-კითხვის დარღვევების პროფილაკტიკა იწყება სკოლამდელი ასაკიდან. განსაკუთრებული ყურადრება უნდა მიექცეს სამეტყველო ნაკლისა და განვითარების შეფერხების მქონე ბავშვებს, ასეთ შემთხვევაში ლოგოპედისადმი დროული მიმართვა აგაცილებთ მრავალ პრობლემას სკოლაში, თქვენ შვილს, თქვენ და მათ პირველ მასწავლებელს რომლსაც ამ ყველაფრის მიუხედავადაც რთული და შრომატევადი სამუშაო აქვს ჩასატარებელი.


 ლოგოპედია
Kids.ge-ს რჩევები

პატივი ეცით მშობლის აღზრდის განსხვავებულ მეთოდებს

მხარი დაუჭირეთ თქვენი მეუღლის მიდგომას შვილების აღზრდაში - თუ ეს არ ცდება რაიმე ფარგლებს. პარტნიორთან კამათი უფრო მეტ ზიანს აყენებს თქვენს ქორწინებას და თქვენი შვილისთვის უსაფრთხოების განცდას. უმჯობესია, მიიღოთ ერთმანეთს აღზრდის სტანდარტები.

ანი კაპანაძის ბლოგი - დაწყებითი კლასის მასწავლებელი
ანი კაპანაძის ბლოგი - დაწყებითი კლასის მასწავლებელი

„მასწავლებელი - ზოგჯერ უშვილო,მაგრამ ათასი ბავშვის მშობელი”   პირველად რომ წავიკითხე იოსებ ნონეშვილის ლექსი, „მასწავლებელი” საოცა...

„ფისუნა“
ნახატის ავტორი:
ბარბარე ციშუკ (7)

დაამატე შენი დახატული კლიპარტი
decoration

სტატიები ამავე თემიდან

ვერ ნახეთ თქვენთვის საინტერესო ინფორმაცია ან ისეურვებდით რამე თემაზე უფრო დეტალურ ინფორმაციას?

მოგვწერეთ თქვენთვის საინტერესო თემის შესახებ, რის შესახებ წაიკითხავდით ჩვენს საიტზე კიდევ?

მოგვწერეთ კონკრეტული შეკითხვა, ან თემა რაზეც ისურვებდით ინფორმაციის მიღებას.
გთხოვთ მიუთითოთ თვენი საკონტაქტო ელ.ფოსტა, რომ თქვენი სურვილის შესახებ რაიმეს დაზუსტების მიზნით, შევძლოთ თქვენთან დაკავშირება.

ფორმის გაგზავნით, თქვენ ადასტურებთ, რომ იცნობთ და ეთანხმებით ჩვენი საიტის სარგებლობის წესებსა და კონფიდენციალურობის პოლისს.
ყველა უფლება დაცულია.
kids.ge © 2011 - 2024