„დავიბადე 1988 წელს. მყავს მეუღლე და ერთი ვაჟი - ლაზარე, რომელიც ჩემი ლექსების პირველი მკითხველი, შემფასებელი და კრიტიკოსია.

ვფიქრობ, ადამიანად ჩამოყალიბებაში დიდი წვლილი შეაქვს იმას, რასაც ვკითხულობთ, ამიტომ ბავშვებისთვის წერა საკმაოდ საპასუხისმგებლო საქმეა ჩემთვის.

თუ გავიხსენებთ ბავშვობას დარწმუნებული ვარ ყველას გვქონდა საყვარელი ლექსი, მოთხრობა, ზღაპარი, რომელიც ჩვენს ლამაზ მოგონებად რჩება. მეც დიდი სურვილი მაქვს ჩემი ლექსები ბავშვების ცხოვრების ნაწილი გახდეს და ბედნიერი ბავშვობის მოსაგონებლად კარგი განწყობა შეუქმნას დიდობაშიც.“