ედუარდ უგულავა დაიბადა 1973 წ. 19 სექტემბერს  ხონში (სოფ. გორდი). 1990 წ. დაამთავრა ხონის პირველი საშუალო სკოლა.

1999 წელს დაამთავრა კულტურის სახელმწიფო ინსტიტუტი, ლიტერატორის სპეციალობით, ხოლო 2004 წელს - მასმედიისა და საზოგადოებრივი კომუნიკაციების ინსტიტუტის მაგისტრატურა.

სხვადასხვა დროს მუშაობდა ქართული ენისა და ლიტერატურის მასწავლებლად, ასევე - რედაქტორად: გამომცემლობა „ეროვნული მწერლობა“, „მერანი“.  ხოლო  -  2015-2018  წლებში კავკასიის საერთაშორისო უნივერსიტეტის   „ღვინის თეატრის“ დირექტორად..

2020  წლიდან  არის  რუსთავის  გიგა  ლორთქიფანიძის  სახელობის   დრამატული თეატრის ლიტერატურული  ნაწილის  ხელმძღვანელი.

არის  ექვსი პოეტური კრებულის ავტორი:  „გულში შენ ხარ!“,  „ეს შენა ხარ-მომავალი ჩვენი!“,  „თუ გეყვარება...“,   „ ვერცხლის ტყვიები“, „შენ  რომ  არა...“  , „ფრთათათმანები“.

მის ლექსებზე შექმნილია სიმღერები,  არის ორმოცდაათამდე წიგნის რედაქტორი.

ჯილდოები, პრემიები:

კონკურსი, ,,საცნობლად თავისადაო“ . პოეზია - 1 ადგილი (2010).

ქრისტიანული პოეზიის  ,,წმინდა ნინოს ჯვარის“ მეოთხე, მეხუთე,  მერევე და მეთორმეტე  ფესტივალის  გამარჯვებული - მთავარი პრიზი ,,წმინდა ნინოს ჯვარი“ (2014, 2015, 2018, 2022).

გალაკტიონ ტაბიძის პრემიის ლაურეატი (2015)

წმინდა ილია მართლის (ჭავჭავაძის) გაზეთ ,,ივერიის“ სახელობის პროზა-პოეზიის პრემია „ივერია“- ს ლაურეატი (2016)

ლიტერატურული კონკურსი „ოდეონი“. პოეზია - I ადგილი (2016). 

ილია  ჭავჭავაძის  სახელობის  პრემია  „საგურამო“-ს ლაურეატი  (2018)

შიო  მღვიმელის  პრემიის  ლაურეატი  (2018)

დავით აღმაშენებლის სახელობის კონკურსი „ძლევაი საკვირველი“ - ოქროს მედალი (2021).