მზია მექერიშვილი დაიბადა 1961 წლის 20 ივლისს გურჯაანში. დაამთავრა კაჭრეთის საშუალო სკოლა, შემდეგ კი საქართველოს პოლიტექნიკური უნივერსიტეტი. 

წერს ბავშვებისათვის: ზღაპრებს, მოთხრობებს, ლექსებს, გამოცანებს. 

მისი ნაწარმოებები გამოქვეყნებულია ჟურნალებში: „დილა“, „შოკოლიტი“, საბავშვო კარუსელი“, „ანეული“, „თანამედროვე საბავშვო ლიტერატურა“...

გამოცემული აქვს წიგნები „ირმადქცეული პრინცი“, „ზღვის ნაყინი“, „სოკოურელი ბიჭი“. „სოკოურელი ბიჭი“ არის ერთადერთი საბავშვო წიგნი, რომელიც ილუსტრირებულია ავტორის მიერ ხელით დაქარგული ილუსტრაციებით, რისთვისაც მზია მექერიშვილს 2024 წელს მიენიჭა იაკობ გოგებაშვილის სახელობის პრემია ნომინაციაში „საუკეთესო ილუსტრირებული წიგნი პატარებისათვის“.

არის, აგრეთვე, ილუსტრატორი დაქარგული სიუჟეტური ბარათებისა „დათვი დუდა“ და „დაჩის დაბადების დღე“.