მე ვარ ნონა ბეჟანიშვილი, დავიბადე 1984 წლის 17 ივლისს. ბავშვობიდან მიყვარს მოხუცებთან და პატარებთან ურთიერთობა. ვმუშაობ საბავშვო ბაღში უკვე 14 წელია და ამ საქმეს სიამოვნებით ვასრულებ. წერა მეოთხე კლასიდან დავიწყე. პირველი ლექსი ერთსტროფიანი, უშინაარსო, მაგრამ რითმული იყო. მას შემდეგ ვწერდი ჩანახატებს, თავისუფალ თემებს, სცენარებს და ზღაპრებს სამსახურისთვის. მიყვარს ზღაპრები, რომლებიც კეთილად მთავრდება. მინდა შევქმნა ისეთი ნაწარმოებები, რომლებიც სახალისო და თავშესაქცევი იქნება ბავშვებისათვის.