kids.ge logo

როგორ გაუჩნდა სოკოს ქოლგა

ფავორიტებში დამატება

ეს ამბავი უხსოვარ დროში მოხდა. მაშინ სოკოებს ქოლგები არ ჰქონდათ. ყვავილები იცინოდნენ,-ნახეთ,  მიწიდან მხოლოდ  მოკლე ღეროები ამოჩრილან! ერთი შეხედეთ, როგორი უშნოები არიანო. 

- ეს  უშნო  არსებები ჩვენს ჭრელა-ჭრულა მინდვრებს,  ჩვენს ლამაზ ტყეს სულაც არ უხდებიან,-კვერს უკრავდნენ ბალახები. 

ერთხელ ტირია ღრუბელმა ცა ჩამოაბნელა და იმდენი იტირა, იმდენი იქვითინა, წვიმა მიწაზე სულ ღაპაღუპით ჩამოედინა.  წყალი ღვარად ჩამოსკდა. წვიმის ნაკადულებმა გზა მდინარისაკენ გაიკვლიეს და კეკლუცი პეპელა ანანოც თან გაიტაცეს.  შორიდან მათ მრისხანე მდინარე უხმობდა.

-მიშველეთ, ყვავილებო! მიშველეთ!-დაიძახა ანანომ. 

ყვავილებმა თავი ჩაქინდრეს, წვიმას ლამაზი სახე მოარიდეს. 

-ბალახებო, დამეხმარეთ!  გამომიწოდეთ თქვენი ღეროები!

ბალახები მიწას გაერთხნენ, -აჯობებს, საკუთარ თავს ვუშველოთო.

-მომეშველეთ! მალე ღვარი მდინარეში ჩამიტანს!-ტიროდა ანანო.

-მე ჩამეჭიდე,  ხელი მაგრად მომხვიე!-უცებ  სოკოს ხმა გაიგონა. ანანო მოკლე ღეროს  ჩაეჭიდა. ღვარს გადაურჩა, მაგრამ ლამაზი ფრთები სულ გაელუმპა, ძალა გამოეცალა. 

-მეტი არ შემიძლია, -დაიკვნესა პაწია პეპელამ,-მშვიდობით, კეთილო მეგობარო!

-ხელი არ გამიშვა! -დაიძახა სოკომ,-ნეტავ, მისი დახმარება შევძლო, ნეტავ პეპელა გადავარჩინო...

ნატვრა აუსრულდა, უცებ იელვა, დაიჭექა.  სოკოს  ქოლგა გაუჩნდა. ანანო ქოლგის ქვეშ  მყუდროდ მოკალათდა. 

წვიმამ გადაიღო. მზემ გამოანათა. პაწია პეპელას ფრთები წამში გაუშრა.

-დიდი მადლობა,ჩემო კეთილო  მეგობარო! შენ რომ არა, დავიღუპებოდი!-თქვა ანანომ,-რა კარგია, რომ ქოლგა  გახურავს, ამიერიდან მეცოდინება, წვიმის დროს თავი სად შევაფარო.

ყვავილებმა და ბალახებმა თავი ჩაქინდრეს. მზემ გაიღიმა და დედამიწაზე თავისი ჯადოსნური სხივები გამოგზავნა. სხივებმა წამში დაურბინეს მიდამოს. 

-ბუჰ! ბუჰ!-გაისმოდა   მინდვრებსა  და ტყეებში. ნეტავ, ეს  რა ხმა იყო?  თურმე სოკოებს  ქოლგები უჩნდებოდათ.   მზემ ჯადოსნური ფუნჯი მოიმარჯვა და სოკოები ლამაზად შეაფერადა. 

-შეუძლებელია სიკეთე დავინახოთ და არ დავაჯილდოვოთ!- ეტყობოდა, რომ  მზეს თავისი ნახელავი თვითონვე  მოეწონა.  

მას შემდეგ ყველა სოკოს თავზე ქოლგა ახურავს-დარშიც და ავდარშიც, ვაითუ, ლამაზ პეპლებს ისევ დასჭირდეთ დახმარება!

 

ასაკობრივი შეფასება ამ ნაწარმოებისთვის ჯერ არ არის მითითებული.

სხვა მოთხრობები

გოლიათი გოგრა

გიგა პაპამ და გოგამ გოგრა დათესეს. გიგა გოგრას უვლიდა და აკვირდებოდა. გოგრა სწრაფად იზრდებოდა. მისმა მსხვილმა ღერომ და ფართო ფოთლებმა ლამის მთელი ბოსტანი გადაფა...

სკასთან მომხდარი ამბავი

ბურდღუნა დათუნია ბუთა ტყეში უსაქმოდ დაეხეტებოდა. ნაძვის ნერგს დაეჭიდა, - დიდმა ხეებმა დაუტატანეს, - არ გადატეხოო. ნეკერჩხალზე აცოცდა, - ჩიტუნია რიამ გაკიცხა, ბუ...

ღუზა

დაღამდა. რახანია, თოლიები სანაპიროზე გაფრინდნენ. ზოგს ზღვაზე ყოფნა ურჩევნია, ტალღებზე არხეინად ირწევიან, ნებივრობენ. ზღვაურმა ოდნავ დაუბერა. ციდან ყველა ღრუბელი...

ვინ რას საქმიანობს ტყეში

ხედავთ? ტყეში ყველა შრომობს. ყველა საქმეშია გართული. კოდალა ხეებს მკურნალობს, ჭია-მატლებისგან იცავს. ციყვი თხილსა  და კაკალს აგროვებს. ზღარბი სოკოს იმარაგებს...

მოდით, ერთად წავიკითხოთ!

მხიარული ზაფხულია. პატარა ნიკოს და ანანოს დაჭერობანას თამაში უნდათ. - ნიკაა! -ყვირის პატარა ნიკო, -სად ხარ? დაჭერობანა ვითამაშოთ! აი, იპოვეს! ბიჭი ხის ქვეშ წა...

პატარა წვეთის ამბავი

პატარა წვეთი დედამიწაზე ცხოვრობდა,-ლიკლიკა ნაკადულის ტალღებში.  ლიკლიკა ნაკადული ლამაზ მინდორზე მიედინებოდა. პატარა წვეთი წყლის ნაკად მიჰყვებოდა, ცას უყურ...

წყაროს ამბავი

- მე ქვეყანას სინათლესა და სითბოს ვაძლევ! -თავს იწონებდა მზე. - მე მაცოცხლებელ წვიმას, -გაიძახოდა ღრუბელი. - მე ხომ უხვი წყლით ვარ ცნობილი! -გაიძახოდა მდინარე...

დინო-პატარა დინოზავრი

დინო პატარა დინოზავრი იყო. იგი ნესტიან და დაბურულ ტყეში გამოიჩეკა. ძლივს ამობობღდა კვერცხიდან, მიიხედ-მოიხედა, მაგრამ ერთმანეთში გადახლართული ხე-გვიმრების მეტი ...

გვირილები

მწვანედ მოხასხასე მინდორზე გვირილებმა გაახილეს თვალი, პირველად მზე დაინახეს და მაშინვე შეუყვარდათ: - რა ლამაზია! როგორ გვინდა, ჩვენც მზეს ვგავდეთ! როცა ერთმან...

როგორ გაჩნდა ვარდი

ყვავილების ფერიას, როსას ყველაზე მეტად ერთი უბრალო ყვავილი უყვარდა. ამ ყვავილს ასკილი ერქვა. ერთხელ როსა ავად გახდა. ფერიას ვერავინ შველოდა. - რა ვქნა, როსას რ...

ნახატი მოთხრობები

ამ ნაწარმოების თემაზე ბავშვებს მიერ შექმნილი ნახატები. თუ შენც გაქვს რაიმე დახატული, გაუზიარე ის სხვებს!

გამოგვიგზავნე შენი ნახატიც
 

დაეხმარე სახელის შერჩევაში

დაეხმარეთ ბავშივს სახელის შერჩევაში ჩვენი საიტის ერთიერთ მომხმარებელს. თქვენი აზრით, რომელი სახელი უფრო მეტად ეწყობა ან უხდება გვარს: ორბელიანი :


Kids.ge-ს რჩევები

ასწავლეთ ბავშვს პრობლემების გადაჭრა

დაეხმარეთ ბავშვს, ისწავლოს პრობლემების გადაჭრა დამოუკიდებლად.

Kids.ge-ს რჩევები
სოფი მაჭავარიანი - ბება და წითელი ბოტები (ზღაპარი)
სოფი მაჭავარიანი - ბება და წითელი ბოტები (ზღაპარი)

ბება და წითელი ბოტები იცოდი? წელიწადს ოთხი დრო აქვს: ერთი, ორი, სამი, ოთხი… გაზაფხული, ზაფხული, შემოდგომა და ზამთარი. ახლა შემოდგომაა — ხეებს ყვით...

ყველა უფლება დაცულია.
kids.ge © 2011 - 2026