ჭია და ჭიამაია
პრანჭია ყვავილებმა იფიქრეს, რომ მზიანი დარი მათ ჭიამაიამ მოუტანა და მადლობებით აავსეს.
ნაწვიმარზე მიწიდან ჭიამაც ამოყო თავი, გაიზმორა, გაიწელა, კაშკაშა მზეს იმანაც სხვებივით შესცინა. ყვავილების ნათქვამი გაიგონა და გაუხარდა:
-მეც ხომ ჭია მქვია! თურმე სეხნია მყოლია, მე კი არ ვიცნობდი!.. მე ჭია ვარ, შენ კი ჭიამაია... გამარჯობა, საყვარელო დაია!
ყვავილებმა გაიგონეს და გადაიკისკისეს:
-ჭიად ყოფნას არ სჯერდები? ჩვენს დობილს როგორ ედრები! ნახე, მშვენებით სავსეა... მზიანი დარის მაცნეა...
ემწარა ჭიას მათი დაცინვა:
-თქვენ მე უსაქმური ხომ არ გგონივართ? მთელი დღე მიწას ვაფხვიერებ, მეც ვეხმარები, ვაძლიერებ... თქვენ რომ ლაღად გაიზარდოთ, ფესვები რომ გაიმაგროთ...აჯობებს, ისევ მიწაში ჩავძვრე... ეს საუბარი მაინც ფუჭია, ჰოდა, მეც თვალი დამიხუჭია...
გაიწია, გაიწელა და ისევ მიწაში ჩაძვრა.
ამ ამბავს ჭიანჭველა ჭანჭიკა შეესწრო, ვერ მოითმინა და პრანჭია ყვავილებს გაუჯავრდა:
-გრცხვენოდეთ, პრანჭია ყვავილებო, გრცხვენოდეთ! განა არ იცით, რომ დედაბუნებას ყველა შვილი ერთნაირად სჭირდება... თქვენც... ჭიაც...
პრანჭია ყვავილებს მართლა ძალიან შერცხვათ. რადგან ჭია მიწის ზემოთ უკვე არ იყო, მიწის სიღრმეებს ჩასძახეს:
-ბოდიშს გიხდით, გამრჯე ჭიავ! ბოდიშს გიხდით! ნუ გაგვინაწყენდები, გეთაყვა! გვაპატიე!
სხვა მოთხრობები
დღეს ვაშლის კრეფაა! დიდები და პატარები ხეხილის ბაღში არიან. უფროსები ვაშლს კრეფენ. ნატო და სანდრო დაკრეფილ ვაშლს არჩევენ. წითელ-წითელ და მსხვილ-მსხვილ ვაშლებ...
ყვავილების ფერიას, როსას ყველაზე მეტად ერთი უბრალო ყვავილი უყვარდა. ამ ყვავილს ასკილი ერქვა. ერთხელ როსა ავად გახდა. ფერიას ვერავინ შველოდა. - რა ვქნა, როსას რ...
მწვანე მინდორში ნორჩი ბალახი და ნარნარა ყვავილები სულ დაინამა. ჭიანჭველა ნუნე ბუდეში ვეღარ ბრუნდებოდა. მისი ბუდე დიდ ნაძვთან იყო. ნუნე ამხელა ნამის ზღვას როგორ ...
რა კარგი სიტყვა ყოფილა „ჰყავს.“ ეს სიტყვა თურმე იმას ნიშნავს, რომ დედამიწაზე მარტო არა ხარ. რა კარგია, რომ ადამიანებს ერთმანეთი ჰყავთ. ეს სიტყვა ცხოველებსაც ...
ჯოხს მობეზრდა ხეხილის ბაღში, ბალახებში უსაქმოდ ყოფნა და მწარედ ატირდა: - რამდენი ხანია, აქ უსაქმოდ ვიმყოფები, უკვე აღარავის ვჭირდები! როცა ხის ტოტი ვიყავი, სიც...
- მე ქვეყანას სინათლესა და სითბოს ვაძლევ! -თავს იწონებდა მზე. - მე მაცოცხლებელ წვიმას, -გაიძახოდა ღრუბელი. - მე ხომ უხვი წყლით ვარ ცნობილი! -გაიძახოდა მდინარე...
დინო პატარა დინოზავრი იყო. იგი ნესტიან და დაბურულ ტყეში გამოიჩეკა. ძლივს ამობობღდა კვერცხიდან, მიიხედ-მოიხედა, მაგრამ ერთმანეთში გადახლართული ხე-გვიმრების მეტი ...
ერთხელ ქარიშხალმა ჩამოიქროლა. გვერდზე გადაბრეცილ დიდ ხეს მიაწვა და წააქცია. მაღლობზე გადმოკიდებული ხე ზემოდან ზღვას დაჰყურებდა. ზღვაზე გემები გედებივით დასრიალ...
დარეჯანმა თავისი ჯადოსნური ფუნჯით ჯადოქარი ჯღუნა დახატა. ამ დროს ჯაბამ დაუძახა. დარეჯანი ჯაბასთან გაიქცა, ნახატზე ჯღუნა გაცოცხლდა. მიიხედ-მოიხედა და მშვენიერი თ...
ერთ ლამაზ ტყეში ხეები მეგობრულად ცხოვრობდნენ. გავიდა დრო. მშვენიერ ნაძვს თანდათან სიბერე შეეპარა. წიწვები გაუყვითლდა, ტოტები გაუხმა. ხეები დაღონდნე...
დაეხმარე სახელის შერჩევაში
დაიცავით ყოველდღიური რუტინა, რათა ბავშვმა იგრძნოს სტაბილურობა და პროგნოზირებადობა.
