ცისარტყელის ქვეშ გავლა
წვიმიანი გაზაფხული იყო. სკოლიდან ყოველ დღე ტალახიანი ფეხსაცმლით ვბრუნდებოდი, მოვიხსნიდი საწვიმარ ლაბადას და ცხელი ჩაის დასალევად გავრბოდი. ეს აპრილის შუა რიცხვებამდე, თორემ მერე გამოანათა და წვიმაც გაათბო ჭახჭახა მზემ, გალუმპულ ხეებს კვირტები გაეფურჩქნა და სადღაც შორს, ჰორიზონტზე, ცისარტყელა გამოჩნდა. გამახსენდა, რომ ცისარტყელის ქვეშ გავლა ბედნიერების მომტანია და სურვილიც გისრულდება… ვინ იცის, მართლა ასეა თუ არა, მაგრამ ამას ახლა მნიშვნელობა არ ჰქონდა, მინდოდა მეცადა და სურვილმა იმდენად შემიპყრო, რომ ადგილს ვერ ვპოულობდი. ჰოდა, მამასთან ვაფრინე მესიჯი… ვწერდი რომ რაღაც საოცარ ცისარტყელას ვხედავ ფანჯრიდან, რომ ულამაზესია და გაგიჟებით მინდა მის ქვეშ გავლა. მამა ალბათ ძალიან დაკავებული იყო სამსახურში და სულ ორი სიტყვა დამიბრუნა პასუხად: - რა მაგარია! - რაც, სავარაუდოდ, ნიშნავდა - დღეს შენს სურვილს ახდენა არ უწერია - და მეც დავრჩი ასე, ფანჯრის მინას აწებებული, ცისარტყელის შემყურე, რომელიც ნელ-ნელა ფერმკრთალდებოდა. რამდენიმე წუთი და მამა ქოშინით შემოვარდა სახლში: - მიდი, ჩქარა ჩაიცვი! - შემომძახა, ჭიქაში წყალი დაისხა და სულმოუთქმელად გამოცალა. ჰოდა, გავძვერით, გავიარეთ ცისარტყელის ქვეშ იმ დღეს. არ მახსოვს რა სურვილი ჩავიფიქრე, მაგრამ ახლა, ოცი წლის შემდეგაც, სასიამოვნოდ მეღიმება მამაჩემზე, რომელმაც ყველა საქმე გადადო და სახლში თავპირისმტვრევით გამოვარდა, მხოლოდ იმიტომ რომ თავისი თერთმეტი წლის შვილის ახირება შეესრულებინა და ტკბილი მოგონებების ხურჯინი კიდევ ერთი დაუვიწყარი მოგონებით შეევსო. ჰო, აბედნიერებს ცისარტყელის ქვეშ გავლა თურმე ადამიანს, სულ სხვანაირად, ვიდრე წარმოგვიდგენია, მაგრამ მაინც…
სხვა მოთხრობები
ეს ამბავი ათასობით წლის წინ მოხდა, მაშინ, როდესაც ეგვიპტეს ფარაონები მართავდნენ. თუმცა ფარაონი რა მოსატანია, ერთ ეგვიპტელ, კალიგრაფ ბიჭს იმისთანა ამბავი გადახდა...
გამარჯობა, მე ეკუნა ვარ. ათ დღეში 3 საათსა და 30 წუთში ხუთის გავხდები. დიახაც, სულყველაფერი ვიცი ჩემს შესახებ, დედამ მითხრა ოცი წუთიც რომ დაგეგვიანებინა 29 თებე...
- რას კითხულობ საბა? - შვილიშვილთან დიალოგის გაბმა სცადა ბაბუა ნიკომ, მის შორიახლო სკამზე ჩამოჯდა და ცნობისმოყვარე მზერით ჩააშტერდა საბას ცხვირწინ გადაშლილ წიგნ...
დო, რე, მი, ფა, სოლ, ლა, სი, დოოო... და პირიქით, დო, სი, ლა, სოლ, ფა, მი, რე, დოოო... პატარა ამადეუს მოცარტი ყოველდღე ვარჯიშობს, არ ეზარება, არ იღლება, უყვარს ...
ელენე მართლა ძალიან ლამაზი იყო. ტყუილად არ ეძახდნენ“სოფლის თვალს”. როცა ვინმე შეუძლოდ გახდებოდა, შეუშვებდნენ ავადმყოფის ოთახში ელენეს და ისიც მაშინვე გამოჯანმრთ...
მას შემდეგ სამი წელი გავიდა, სამი უგრძესი წელიწადი... ლოგინში, რომელშიც დედა იწვა, ჯერ თეთრეული არ გამოცვლილა, ვარდისფერებია გადაკრული. მამა არავის აძლევს მასთა...
ოდესღაც, 21-ე საუკუნის 20-იან წლებში ჩინეთიდან მთელს სამყაროში საშინელი ვირუსი კოვიდ 19 გავრცელებულა და ბევრი ადამიანი დაუხოცავს. ბევრიც გამოჯანმრთელებულა. მათ ...
- იცი, თვალები ყველაზე სველი როდის არის?- როდის?- აი, ცრემლების შეკავებას რომ ცდილობენ, სანამ გადმოიღვრება, მანამდე...- ეგ იცი რა ცუდია? დედა ამბობს, პაპათქვენი...
რა უცნაურია, ბაბუაჩემს, ტრადიციების მოყვარულ კაცს, ალტერნატიული მუსიკის მოსმენა სიამოვნებს. ის 79 წლისაა. ასაკის შესაბამისად დაქვეითებული აქვს მხედეველობა, ცოტა...
ვანოს ხორცი არ ეყო, მაგრამ ძვლები ბოლომდე არ გახრა და თეფშზე ერთად მოაგროვა. აივანზე გავიდა და რძით ძუძუებდაბერილ ძუკნა ძაღლს პირდაპირ მეცხრე სართულიდან გადაუყა...
დაეხმარე სახელის შერჩევაში
წაახალისეთ დოკუმენტური ფილმების ყურება
უყურეთ დოკუმენტურ ფილმებს ბავშვთან ერთად და განიხილეთ მათში წამოჭრილი საკითხები.
სოფი მაჭავარიანი - გახსოვდეს, უკვე გაზაფხულია!
გახსოვდეს, უკვე გაზაფხულია! ბავშვებო, ერთი პატარა ამბაბი უნდა მოგიყვეთ, როდესაც თქვენი ტოლი ვიყავი, ვკითხე ჩემს მასწავლებელს,-მერი მასწავლებელს; -მასწავლებელო...
