როგორ იპოვა ადამიანმა ძაღლი
ეს ამბავი ძალიან დიდი ხნის წინათ მოხდა. მაშინ ადამიანთან შინაური ცხოველები არ ცხოვრობდნენ.
ერთხელ ადამიანს ტყეში გზა დაებნა და დაიკარგა. მას არც საჭმელი ჰქონდა , ვერც გამოქვაბულში ბრუნდებოდა.
მარტო ეს? ტყეში მგელს გადაეყარა. ძალიან შეეშინდა ადამიანს, მაგრამ უცებ წინ ძაღლი აეფარა. ძაღლმა მგელს შეუტია. ნადირი გაიქცა.
მიხვდა ადამიანი, რომ ძაღლი მამაცი და ძლიერი ცხოველი იყო.
ადამიანი შიმშილისგან დასუსტდა, სიარული არ შეეძლო. ძაღლი გაიქცა და მალე ნანადირევი მოუტანა.
მიხვდა ადამიანი, რომ ძაღლს ნადირობა შეეძლო. შეჭამა ნანადირევი და ძალა დაუბრუნდა.
ამასობაში დაღამდა. ადამიანი უღრან ტყეში დარჩა. ტყეში დათვები დაბურდღუნებდნენ, მგლები ყმუოდნენ, მელიები წკავწკავებდნენ, ტურები კიოდნენ...ძაღლი არ მოშორებია, მთელი ღამე ყეფდა და იცავდა.
მიხვდა ადამიანი, რომ ძაღლს დარაჯობა შეეძლო.
გათენდა. ტყეში მაინც ბნელოდა და ციოდა. ძაღლი ადამიანს წინ გაუძღვა, გამოქვაბულთან მიიყვანა.
მიხვდა ადამიანი, რომ ძაღლს გზის გაგნება შეეძლო.
-დარჩი ჩემთან,-სთხოვა ადამიანმა ძაღლს,-უკეთეს მეგობარს სად ვიპოვი? მე კი შენი მეგობარი ვიქნები!
დარჩა ძაღლი ადამიანთან. მიხვდა ადამიანი, რომ ძაღლს ერთგულება და სიყვარული შეეძლო.
სხვა მოთხრობები
დედაჩემს დეა ჰქვია. ხომ ლამაზი სახელია? დედა-დეა. ერთი დ აკლია, თორემ სახელადაც დედა ერქმეოდა. დედაჩემი დედად მუშაობს, ჩვენ გვივლის, მე და ჩემს დაიკო მაგდას....
შენ ალბათ იცი, რომ ჩვენი ანბანის სასახლეში ოცდაცამეტი ასო-ბგერა ცხოვრობს. მათგან ხუთი ხმოვანია, დანარჩენი-თანხმოვანი. ხმოვნები მომღერალი ბგერები არიან. თანხმო...
მაშინ ჭიამაია მწერი კი არა, ელფი იყო-ყვავილების ფერია. სახელად მაია ერქვა. პაწია გოგონას წითელი, შავად დაწინწკლული კაბა ეცვა და გამჭვირვალე ფრთები ჰქონდა. მაია ...
ერთხელ ქარიშხალმა ჩამოიქროლა. გვერდზე გადაბრეცილ დიდ ხეს მიაწვა და წააქცია. მაღლობზე გადმოკიდებული ხე ზემოდან ზღვას დაჰყურებდა. ზღვაზე გემები გედებივით დასრიალ...
ერთ უდაბურ ტყეში დედა ღორი ცხოვრობდა. მას სამი გოჭი ჰყავდა,-ბაგი, ბუგი და ფათერაკა. ბაგი და ბუგი ისეთი ღონიერი გოჭები იყვნენ, სულ ბაგიბუგით დადიოდნენ. ფათერაკა...
სახატავ ქაღალდზე ქრისტინემ სახლი დახატა. სახლი პატარაა, თუმცა ნამდვილს არაფრით ჩამოუვარდება. აქვს პატარა კიბე, პატარა კარი და ორი პატარა ფანჯარა. ფანჯრები თითქო...
მათეს ძალიან უყვარს ფეხბურთი. უნდა ეზოს გუნდში თვითონაც იყოს, მაგრამ ბავშვები არ ათამაშებენ, ეუბნებიან, ჯერ პატარა ხარო. ამიტომაა, რომ მათე მარტო ვარჯიშობს, ბიჭ...
გიგა პაპამ და გოგამ გოგრა დათესეს. გიგა გოგრას უვლიდა და აკვირდებოდა. გოგრა სწრაფად იზრდებოდა. მისმა მსხვილმა ღერომ და ფართო ფოთლებმა ლამის მთელი ბოსტანი გადაფა...
დინო პატარა დინოზავრი იყო. იგი ნესტიან და დაბურულ ტყეში გამოიჩეკა. ძლივს ამობობღდა კვერცხიდან, მიიხედ-მოიხედა, მაგრამ ერთმანეთში გადახლართული ხე-გვიმრების მეტი ...
დღეს ვაშლის კრეფაა! დიდები და პატარები ხეხილის ბაღში არიან. უფროსები ვაშლს კრეფენ. ნატო და სანდრო დაკრეფილ ვაშლს არჩევენ. წითელ-წითელ და მსხვილ-მსხვილ ვაშლებ...
დაეხმარე სახელის შერჩევაში
Kids.ge-ს რჩევები
შეიმუშავეთ გეგმა
შეიმუშავეთ გეგმა, თუ როგორ უნდა მოიქცეთ ტანტრუმის დროს და გაუზიარეთ ის ოჯახის ყველა წევრს.
სოფი მაჭავარიანი - ბება და წითელი ბოტები (ზღაპარი)
ბება და წითელი ბოტები იცოდი? წელიწადს ოთხი დრო აქვს: ერთი, ორი, სამი, ოთხი… გაზაფხული, ზაფხული, შემოდგომა და ზამთარი. ახლა შემოდგომაა — ხეებს ყვით...
