ტყისმცველი
ამ სოფელში ყველამ იცის, რომ პატარა ზალიკო ტყისმცველობაზე ოცნებობს. ბიჭი სოფლის ბოლოს ცხოვრობს. სახლს იქით ტყეა გაშლილი. ტყეში დიდი ხეებიც ცხოვრობენ და პატარებიც, უწყინარი ცხოველებიც და ენაჭიკჭიკა ჩიტებიც. ზალიკოს ხელს რა შეუშლის, ტყისმცველი რომ გახდეს?
ბიჭმა იცის, ტყეს დაცვა ესაჭიროება,-წყარო რომ არ დაშრეს, ჰაერი რომ არ დაბინძურდეს, ქარმა რომ არ ითარეშოს... ერთი სიტყვით, დედამიწაზე სიცოცხლე რომ იყოს.
ხის მოჭრა კი არა, ამ ტყიდან ფიჩხსაც ვერავინ წაიღებს. ზალიკოს რას გამოაპარებ!
ეს რა ხმა ისმის? რა ხდება ტყეში?
შეშინებული ჩიტები ხეებიდან აიშალნენ.-ტყე საფრთხეშიაო.
ზალიკო კისრისტეხით გარბის და რას ხედავს! ნიკო პაპა მის საყვარელ ქოჩორა ბუჩქებს ნაჯახით მისდგომია! მოიხედა პაპამ და პირკატა ეცა, ასე განრისხებული ზალიკო რომ დაინახა.
-რას აკეთებ, ნიკო პაპა?
-რა კოპები შეგიკრავს, ზალიკო! ხეს ხომ არ ვჭრი, ფიჩხია და მეტი არაფერი...
-მერე არ იცი, რომ იებს ბუჩქის ძირას უყვართ ცხოვრება, ახლა სად უნდა ამოვიდნენ? თავი რას უნდა შეაფარონ! შეხედე, ერთი კიდევაც ამოსულა!-ზალიკო წარბებს უფრო იკრავს.
ნიკო პაპამ ძირს დაიხედა. მიწიდან ლურჯთვალა იას ამოეყო თავი და პაპას უღიმოდა.
პაპა შეცბა, ნაჯახი აიღო და შინისკენ სულ ბუზღუნ-ბუზღუნით გასწია:
-ამ ბიჭის შიშით ტყეში ვერ შემოვსულვარ!
ზალიკო იასთან ჩაცუცქდა და მოეფერა:
-ნუ გეშინია, პატარავ, მე დაგიცავ!
იამ გაუღიმა.
-მალე გაიზარდე ჩვენო დამცველო!-ჩამოსძახეს ჭიკჭიკით ჩიტუნებმა.
სხვა მოთხრობები
მამიკო ციყვი მხატვარია. ციყვუნია ცარო მას დილიდან ეწუწუნება: - მამიკო, რა არის, სულ ზღარბებსა და ლოკოკინებს რომ ხატავ? რა იქნება, შემოდგომის სურათი დამიხატო. მ...
პატარა წვეთი დედამიწაზე ცხოვრობდა,-ლიკლიკა ნაკადულის ტალღებში. ლიკლიკა ნაკადული ლამაზ მინდორზე მიედინებოდა. პატარა წვეთი წყლის ნაკად მიჰყვებოდა, ცას უყურ...
სახატავ ქაღალდზე ქრისტინემ სახლი დახატა. სახლი პატარაა, თუმცა ნამდვილს არაფრით ჩამოუვარდება. აქვს პატარა კიბე, პატარა კარი და ორი პატარა ფანჯარა. ფანჯრები თითქო...
დედაჩემს დეა ჰქვია. ხომ ლამაზი სახელია? დედა-დეა. ერთი დ აკლია, თორემ სახელადაც დედა ერქმეოდა. დედაჩემი დედად მუშაობს, ჩვენ გვივლის, მე და ჩემს დაიკო მაგდას....
ერთხელ ქარიშხალმა ჩამოიქროლა. გვერდზე გადაბრეცილ დიდ ხეს მიაწვა და წააქცია. მაღლობზე გადმოკიდებული ხე ზემოდან ზღვას დაჰყურებდა. ზღვაზე გემები გედებივით დასრიალ...
ზაზუკა პატარა ბიჭი არ გეგონოთ, ის ნიკას ზაზუნაა. პაწაწინა ცხოველია, - თოვლივით თეთრი. თათები ჩვილის პაწია თითებს მიუგავს. ზის თავის მინის სახლში და პირს არხეინა...
დაღამდა. რახანია, თოლიები სანაპიროზე გაფრინდნენ. ზოგს ზღვაზე ყოფნა ურჩევნია, ტალღებზე არხეინად ირწევიან, ნებივრობენ. ზღვაურმა ოდნავ დაუბერა. ციდან ყველა ღრუბელი...
პატარა გიორგი ოცნებობს; - ახ, ნეტავ, ფეხმარდი ცხენი მყავდეს! ნეტავ, რკინის პერანგი მქონდეს და ბასრი ხმალი! - რკინის პერანგი და ხმალი? -ბებო იცინის, -ნეტავ, რა...
- მე ქვეყანას სინათლესა და სითბოს ვაძლევ! -თავს იწონებდა მზე. - მე მაცოცხლებელ წვიმას, -გაიძახოდა ღრუბელი. - მე ხომ უხვი წყლით ვარ ცნობილი! -გაიძახოდა მდინარე...
დარეჯანმა თავისი ჯადოსნური ფუნჯით ჯადოქარი ჯღუნა დახატა. ამ დროს ჯაბამ დაუძახა. დარეჯანი ჯაბასთან გაიქცა, ნახატზე ჯღუნა გაცოცხლდა. მიიხედ-მოიხედა და მშვენიერი თ...
დაეხმარე სახელის შერჩევაში
Kids.ge-ს რჩევები
წაახალისეთ ბავშვი, რომ ითამაშოს სხვადასხვა ბავშვებთან
წაახალისეთ ბავშვი, რომ ითამაშოს სხვადასხვა ასაკის, ეროვნებისა და შესაძლებლობების მქონე ბავშვებთან.
სოფი მაჭავარიანი - ბება და წითელი ბოტები (ზღაპარი)
ბება და წითელი ბოტები იცოდი? წელიწადს ოთხი დრო აქვს: ერთი, ორი, სამი, ოთხი… გაზაფხული, ზაფხული, შემოდგომა და ზამთარი. ახლა შემოდგომაა — ხეებს ყვით...
