ციცინათელა
იყო და არა იყო რა. იყო ერთი პატარა მწერი.
რა ერქვა?
საოცარი ისაა, რომ სახელი სულაც არ ერქვა.
ძალიან მორცხვი იყო, სულ ფოთლების ქვეშ იმალებოდა და იქიდან მალულად იჭყიტებოდა.
რა გასაკვირია, რომ მწერებმა მას სახელი ვერ დაარქვეს.
მშვენიერმა ჭიამაიამ მას სათამაშოდ დაუძახა, მაგრამ მწერს შერცხვა და არ გამოვიდა.
-არ უნდა ჩვენთან თამაშიო,-გაიფიქრეს და თავი დაანებეს.
ერთხელ ჭიამაია შორს გაფრინდა. ამასობაში დაღამდა. ჭიამაია შინ ვერ ბრუნდებოდა.
ყველა მას ელოდა, პატარა მწერიც ფხიზლობდა:
-რა ვქნა, რით დავეხმარო ჭიამაიას? ვაითუ, ხიფათს გადაეყაროს. მთვარეც ძლივს ანათებს! ჩვენი საყვარელი დაიკო გზას როგორ გამოიგნებს!
არ იცოდა, რა ექნა, აქეთ-იქით აწყდებოდა:
-ნეტავი, მზის სხივი ვყოფილიყავი!
მთვარე ხომ მზის სხივებს ირეკლავს. გაიგონა მწერის ნატვრა და მზის ერთი პაწია სხივი გამოუგზავნა. სულაც არ დანანებია.
აი, საოცრება! ღამის სიბნელეში მწერი მზის პაწია სხივივით აციმციმდა. ყველა გაოცდა.
დაინახა ჭიამაიამ, რომ ძირს რაღაც ციმციმებდა, უხმოდ ეძახდა. სწორედ მისკენ გამოფრინდა.
-რა კეთილი ყოფილხარ!.. და რა ლამაზი! აი, თურმე როგორი ხარ! -დიდი მადლობა, მეგობარო!-შესძახა ჭიამაიამ.
-როგორ ციმციმებს! -შესძახეს მწერებმა,-ამიერიდან ღამის სიბნელისა არ შეგვეშინდება!
- მე შენ სახელს დაგარქმევ,-თქვა ჭიამაიამ,-ციმციმავ, რა უფრო მოგიხდება? ციმციმა თუ ნათება? ციმციმ-ნათელა! დიახ, შენ დღეიდან ციმციმ-ნათელა გერქმევა!
დიდხანს ეძახდნენ მეგობრები მას ციმციმ-ნათელას, მერე ვიღაცამ ამ სიტყვაზე კინაღამ ენა მოიმტვრია, ადგა და ციცინათელა დაარქვა.
კიდევ კარგი...
სხვა მოთხრობები
წვიმინი დღე იყო. დები-თაია და ნია ფანჯარასთან მოწყენილი იდგნენ. ისინი წვიმით დაფარულ პატარა ბაღს გაჰყურებდნენ. უცებ დებმა ჩიტუნას ჟივჟივი გაიგონეს. გარეთ, სახლი...
გიგა პაპამ და გოგამ გოგრა დათესეს. გიგა გოგრას უვლიდა და აკვირდებოდა. გოგრა სწრაფად იზრდებოდა. მისმა მსხვილმა ღერომ და ფართო ფოთლებმა ლამის მთელი ბოსტანი გადაფა...
დინო პატარა დინოზავრი იყო. იგი ნესტიან და დაბურულ ტყეში გამოიჩეკა. ძლივს ამობობღდა კვერცხიდან, მიიხედ-მოიხედა, მაგრამ ერთმანეთში გადახლართული ხე-გვიმრების მეტი ...
სახატავ ქაღალდზე ქრისტინემ სახლი დახატა. სახლი პატარაა, თუმცა ნამდვილს არაფრით ჩამოუვარდება. აქვს პატარა კიბე, პატარა კარი და ორი პატარა ფანჯარა. ფანჯრები თითქო...
პატარა გიორგი ოცნებობს; - ახ, ნეტავ, ფეხმარდი ცხენი მყავდეს! ნეტავ, რკინის პერანგი მქონდეს და ბასრი ხმალი! - რკინის პერანგი და ხმალი? -ბებო იცინის, -ნეტავ, რა...
ხედავთ? ტყეში ყველა შრომობს. ყველა საქმეშია გართული. კოდალა ხეებს მკურნალობს, ჭია-მატლებისგან იცავს. ციყვი თხილსა და კაკალს აგროვებს. ზღარბი სოკოს იმარაგებს...
ჯოხს მობეზრდა ხეხილის ბაღში, ბალახებში უსაქმოდ ყოფნა და მწარედ ატირდა: - რამდენი ხანია, აქ უსაქმოდ ვიმყოფები, უკვე აღარავის ვჭირდები! როცა ხის ტოტი ვიყავი, სიც...
დარეჯანმა თავისი ჯადოსნური ფუნჯით ჯადოქარი ჯღუნა დახატა. ამ დროს ჯაბამ დაუძახა. დარეჯანი ჯაბასთან გაიქცა, ნახატზე ჯღუნა გაცოცხლდა. მიიხედ-მოიხედა და მშვენიერი თ...
ერთ ლამაზ ტყეში ხეები მეგობრულად ცხოვრობდნენ. გავიდა დრო. მშვენიერ ნაძვს თანდათან სიბერე შეეპარა. წიწვები გაუყვითლდა, ტოტები გაუხმა. ხეები დაღონდნე...
მხიარული ზაფხულია. პატარა ნიკოს და ანანოს დაჭერობანას თამაში უნდათ. - ნიკაა! -ყვირის პატარა ნიკო, -სად ხარ? დაჭერობანა ვითამაშოთ! აი, იპოვეს! ბიჭი ხის ქვეშ წა...
დაეხმარე სახელის შერჩევაში
Kids.ge-ს რჩევები
წაახალისეთ ბავშვი, რომ იყოს პატივისცემით განწყობილი განსხვავებული აზრების მიმართ
ასწავლეთ ბავშვს, პატივი სცეს სხვების განსხვავებულ აზრებს და არ შეეცადოს მათ შეცვლას.
სოფი მაჭავარიანი - ბება და წითელი ბოტები (ზღაპარი)
ბება და წითელი ბოტები იცოდი? წელიწადს ოთხი დრო აქვს: ერთი, ორი, სამი, ოთხი… გაზაფხული, ზაფხული, შემოდგომა და ზამთარი. ახლა შემოდგომაა — ხეებს ყვით...
