1978 წლის 19 ივლისს ბათუმში დავიბადე. სკოლა გურიის ერთ ლამაზ სოფელში დავამთავრე. სწორედ ამ პერიოდის ამბებია აღწერილი მოთხრობებში. 

ვარ ფილოლოგიის მეცნიერებათა დოქტორი და ლიტერატურის მასწავლებელი. ბავშვებისა და ჩემი პროფესიის სიყვარულმა მათთვის  ბავშვობის ამბების მოთხრობებად წერა დამაწყებინა. 

ჩემი მოთხრობები 7–10 წლის ასაკის მკითხველისათვისაა. მთავარი პერსონაჟები (სოფო და თათო) დები არიან. მათი ამბები ზოგჯერ მხიარული და სახალისოა, ზოგჯერ სევდიანი და ემოციური. 

იმედი გვაქვს, წარსულის ფერადი მოთხრობები პატარა მკითხველზე  შთაბეჭდილებას მოახდენს და დაუვიწყარ სამყაროში ამოგზაურებს  თავგადასავლების მოყვარულთ!