2026 წლის საზაფხულო სკოლისათვის მოსამზადებელი პროგრამა

2026 წლის ივნისი-ივლისის პერიოდში, Kids.ge გთავაზობთ საზაფხულო სკოლისათვის მოსამზადებელ პროგრამას 5-6 წლის ბავშვებისათვის, ვინც მიმდინარე წლის სექტემბერში პირველად მიდის სკოლაში. 

ინფორმაცია პროგრამის შესახებ:

• ასაკი: 5–6 წლის ბავშვებისთვის
• პერიოდი: 15 ივნისი – 24 ივლისი
• გაკვეთილები: ორშაბათი, ოთხშაბათი და პარასკევი | 11:00 სთ

დღეში ორი შეხვედრა: 2 × 50 წუთი + 5 წუთიანი შესვენება (ჯამში 1 საათი და 45 წუთი);

პროგრამა მოიცავს შემდეგ მიმართულებებს:

• სოციალური და ემოცირუი განვითარება
• მეტყველების განვითარება
• შემეცნებითი უნარები
• მათემატიკა უნარების განვირება
• ქართული ენა
• წიგნიერება და ზოგადი განათლება

სოციალური და ემოციური განვითარება:

საგანზე სოციალური და ემოციური განვითარება, მუშაობა ხდება ბავშვის ჯგუფში ჩართულობაზე, წესების გაგებაზე, ემოციების ამოცნობასა და თანატოლებთან მშვიდ ურთიერთობაზე. ბავშვები სწავლობენ მოსმენას, დალოდებას, საკუთარი საჭიროების გამოხატვას და ჯგუფურ აქტივობებში მონაწილეობას.

• ჯგუფში ქცევის წესები და რიგის დაცვა
• ინსტრუქციის მოსმენა და დავალების დაწყება მითითების შემდეგ
• ემოციების ამოცნობა და ემოციის სიტყვიერად გამოხატვა
• საკუთარი საჭიროების თქმა და დახმარების თხოვნა
• თანატოლთან თანამშრომლობა და გაზიარება
• სხვისი მოსმენა და საუბრის დროს დალოდება
• მცირე კონფლიქტის მშვიდად გადაჭრა და შეთანხმების პოვნა
• დამოუკიდებლობა მცირე დავალებებში და დაწყებული საქმის დასრულება

მეტყველების განვითარება:

მეტყველების განვითარების საგანზე ბავშვები მუშაობენ მოსმენაზე, გაგებაზე, პასუხის გაცემაზე და აზრის თანმიმდევრულად გადმოცემაზე. განსაკუთრებული ყურადღება ექცევა ბავშვის აქტიურ მეტყველებას — როგორ აღწერს სურათს, როგორ პასუხობს კითხვას, როგორ ჰყვება ამბავს და როგორ გამოხატავს საკუთარ სურვილს ან ემოციას.

• მოსმენა და სმენითი ყურადღება
• მარტივი ინსტრუქციის გაგება და შესრულება
• ლექსიკური მარაგის გამდიდრება და სიტყვების მნიშვნელობის დაზუსტება
• საგნების დასახელება და მოქმედებების აღწერა
• კითხვა-პასუხში მონაწილეობა და დიალოგის წარმართვა
• სურათის აღწერა და დეტალების დასახელება
• მოკლე ამბის მოყოლა და მოვლენების თანმიმდევრობით გადმოცემა
• ემოციის გამოხატვა და საკუთარი საჭიროების სიტყვიერად თქმა

შემეცნებითი უნარები:

საგანზე შემეცნებითი უნარები, მუშაობა ხდება ბავშვის ყურადღებაზე, მეხსიერებაზე, დაკვირვებაზე, შედარებაზე და ლოგიკურ აზროვნებაზე. ბავშვები ასრულებენ ისეთ დავალებებს, რომლებიც ეხმარება მათ უკეთ დააკვირდნენ, იფიქრონ, იპოვონ კავშირები და დავალება ნაბიჯ-ნაბიჯ შეასრულონ.

• ყურადღების კონცენტრაცია და დავალებაზე დარჩენა
• დაკვირვება და დეტალების შემჩნევა
• მსგავსების პოვნა და განსხვავების ამოცნობა
• შედარება და დაჯგუფება
• ვიზუალური მეხსიერება და სმენითი მეხსიერება
• თანმიმდევრობის დალაგება და ნაბიჯების მიხედვით მოქმედება
• ნიმუშის ამოცნობა და მარტივი კანონზომიერების გაგრძელება
• პრობლემის გადაჭრა და შეცდომის პოვნა

მათემატიკური უნარების განვითარება:

მათემატიკური უნარების განვითარების საგანზე ბავშვები ეცნობიან რაოდენობას, რიცხვებს, დათვლას, შედარებას, ფორმებსა და სივრცით ცნებებს. მუშაობა ძირითადად ხდება თამაშით, საგნებით, ვიზუალური მასალებით და პრაქტიკული დავალებებით, რათა ბავშვმა მათემატიკური ცნებები მარტივად და ბუნებრივად გაიგოს.

• საგნების დათვლა და რაოდენობის აღქმა
• რიცხვების ამოცნობა და რაოდენობასთან დაკავშირება
• თვლა წინ და თვლა უკან მცირე დიაპაზონში
• მეტი, ნაკლები და ტოლი რაოდენობების შედარება
• პირველი, ბოლო და შემდეგი რიგობითობის გაგება
• მარტივი მიმატება და გამოკლება საგნებით
• ფორმების ამოცნობა და ზომების შედარება
• სივრცითი ცნებები და მიმართულებების გარჩევა

ქართული ენა:

საგანზე ქართული ენა, მუშაობა ხდება ქართული ბგერების, მარცვლების, სიტყვების, წინადადებებისა და ასოების საწყის გაცნობაზე. ბავშვები სწავლობენ სიტყვის მოსმენას, ბგერის გარჩევას, მარცვლებად დაყოფას, ასოს ამოცნობას და მარტივი ენობრივი დავალებების შესრულებას.

• ბგერების მოსმენა და გარჩევა
• სიტყვის პირველი ბგერის და ბოლო ბგერის ამოცნობა
• მარცვლებად დაყოფა და მარცვლების დათვლა
• რითმის ამოცნობა და მსგავსი ჟღერადობის სიტყვების პოვნა
• ასოების ვიზუალური ამოცნობა და ბგერასთან დაკავშირება
• მსგავსი ასოების გარჩევა და ასოს მოძებნა სიტყვაში
• წინადადების მოსმენა და აზრის გაგება
• ქართული ლექსიკის გამდიდრება და გასაგებად პასუხი ქართულად

წიგნიერება და ზოგადი განათლება:

წიგნიერებისა და ზოგადი განათლების საგანზე ბავშვები მუშაობენ მოსმენილი ტექსტის გაგებაზე, სურათისა და ტექსტის დაკავშირებაზე და მარტივ თემებზე საუბარზე. ამ მიმართულებით ბავშვები ეჩვევიან ტექსტის მოსმენას, კითხვებზე პასუხს, ამბის თანმიმდევრობის გაგებას და სამყაროს შესახებ ცოდნის გაფართოებას.

• მოსმენილი ტექსტის გაგება და კითხვებზე პასუხის გაცემა
• მთავარი აზრის ამოცნობა და მნიშვნელოვანი დეტალის გახსენება
• მოსმენილის მოკლედ გადმოცემა და საკუთარი სიტყვებით მოყოლა
• სხვადასხვა საინტერესო თემების განხილვა

ღირებულება:

• სრული კურსი (6 კვირა): 420 ლარი
• 5 კვირა: 375 ლარი
• 4 კვირა: 320 ლარი

ფასდაკლებები:

• დედმამიშვილებზე: -10%

სკოლის დაწყებამდე იდეალური სტარტია ბავშვის აკადემიური და ემოციური მზადყოფნისთვის!

ჩვენთან ბავშვები სწავლობენ, ვითარდებიან და ერთობიან მეგობრულ, უსაფრთხო და პროფესიონალურ გარემოში!

📞 დამატებითი ინფორმაციისთვის და რეგისტრაციისთვის დაგვიკავშირდით ან გვესტუმრეთ!

☎ ტელეფონი: (+995) 591 42-11-00

📌 თბილისი, პეკინის გამზ. 36