ბაცაცა
ციყვი ცქმუნა და თაგუნია ბაცა მეზობლები იყვნენ. ცქმუნა ხეზე, ფუღუროში ცხოვრობდა, ბაცა -ხის ქვეშ, სოროში. ცქმუნა მშრომელი ციყვი იყო, ბაცა -ზარმაცი თაგვი.
ცქმუნამ ზამთრისთვის თადარიგი ადრევე დაიჭირა, ფუღურო სულ რჩეული თხილ-კაკლით აავსო. ბაცა ტყეში უსაქმოდ დასუნსულებდა.
ერთხელ ცქმუნა ნაკადულს გაღმა, მწვანე მდელოზე სოკოს საკრეფად წავიდა. ფუღუროში დაბრუნებულს ზამთრის მარაგი განახევრებული დახვდა. ბუ საქმის გამოძიებას შეუდგა. უცებ თხილის გაკნატუნების ხმა გაიგონა. ბაცას სახლის წინ ნაჭუჭების გორა იდგა, თაგვის პაწია სორო თურმე ნაქურდალს ვერ იტევდა. ბაცა პირს არ აჩერებდა. ყველა მიხვდა, რაც მომხდარიყო.
-ახლავე დაუბრუნე ცქმუნას თხილი!-ტყის ბინადრები ძალიან გაბრაზდნენ.
-მე არ წამიღია, გეფიცებით!-გამოსძახა მათ ბაცამ.
-ამაზეა ნათქვამი, ფიცი მწამს ... თხილის ნაჭუჭი მაკვირვებსო,-თქვა ბუმ.
-ბაცა კი არა, ნამდვილი ბაცაცაა!-დიდხანს ჯავრობდნენ ტყის ბინადრები,-ციყვს თხილი როგორ შეუჭამა.
-ვნახოთ, სოროში სანამ იჯდება, ეგ ბაცაცა, ეგა.
ცივი და გრძელი ზამთარი დაიჭირა. კარგა ხანია, ბაცას სოროდან თხილის კნატუნის ხმა არავის გაუგონია.
-ნაქურდალი შემოელია ბაცაცას! ალბათ ზის დამშეული და თვალებს აცა-ბაცა აცეცებს.
ერთხელ ბაცას სახლის კარს ცქმუნამ მიუკაკუნა:
-ხმა გამეცი, ბაცა, მეზობელო, ხომ არაფერი გიჭირს? აი, კაკალი მოგიტანე, გამოგაკეთებს.
-მაპატიე, ცქმუნა,-ბაცამ კარი ძლივს გამოაღო,-დიდი სირცხვილი ვჭამე... ასე არასოდეს მოვიქცევი... გპირდები.
ზემოთ ბუმ გადაიფრინა:
-როგორც იქნა... როგორც იქნა, ბაცაცა ისევ ბაცად იქცა!
სხვა მოთხრობები
მწვანე მინდორში ნორჩი ბალახი და ნარნარა ყვავილები სულ დაინამა. ჭიანჭველა ნუნე ბუდეში ვეღარ ბრუნდებოდა. მისი ბუდე დიდ ნაძვთან იყო. ნუნე ამხელა ნამის ზღვას როგორ ...
ყვავილების ფერიას, როსას ყველაზე მეტად ერთი უბრალო ყვავილი უყვარდა. ამ ყვავილს ასკილი ერქვა. ერთხელ როსა ავად გახდა. ფერიას ვერავინ შველოდა. - რა ვქნა, როსას რ...
- მე ქვეყანას სინათლესა და სითბოს ვაძლევ! -თავს იწონებდა მზე. - მე მაცოცხლებელ წვიმას, -გაიძახოდა ღრუბელი. - მე ხომ უხვი წყლით ვარ ცნობილი! -გაიძახოდა მდინარე...
დარეჯანმა თავისი ჯადოსნური ფუნჯით ჯადოქარი ჯღუნა დახატა. ამ დროს ჯაბამ დაუძახა. დარეჯანი ჯაბასთან გაიქცა, ნახატზე ჯღუნა გაცოცხლდა. მიიხედ-მოიხედა და მშვენიერი თ...
დედაჩემს დეა ჰქვია. ხომ ლამაზი სახელია? დედა-დეა. ერთი დ აკლია, თორემ სახელადაც დედა ერქმეოდა. დედაჩემი დედად მუშაობს, ჩვენ გვივლის, მე და ჩემს დაიკო მაგდას....
პატარა კესო ქვიშის სათამაშო კოშკს აგებს. კოშკი ძალიან ლამაზია. კესოს უხარია. ნიკამ დაინახა ქვიშის კოშკი, დაჰკრა ფეხი და დაანგრია. კესო ატირდა: - ამ კოშკს დიდხან...
სახატავ ქაღალდზე ქრისტინემ სახლი დახატა. სახლი პატარაა, თუმცა ნამდვილს არაფრით ჩამოუვარდება. აქვს პატარა კიბე, პატარა კარი და ორი პატარა ფანჯარა. ფანჯრები თითქო...
მათეს ძალიან უყვარს ფეხბურთი. უნდა ეზოს გუნდში თვითონაც იყოს, მაგრამ ბავშვები არ ათამაშებენ, ეუბნებიან, ჯერ პატარა ხარო. ამიტომაა, რომ მათე მარტო ვარჯიშობს, ბიჭ...
ბურდღუნა დათუნია ბუთა ტყეში უსაქმოდ დაეხეტებოდა. ნაძვის ნერგს დაეჭიდა, - დიდმა ხეებმა დაუტატანეს, - არ გადატეხოო. ნეკერჩხალზე აცოცდა, - ჩიტუნია რიამ გაკიცხა, ბუ...
დინო პატარა დინოზავრი იყო. იგი ნესტიან და დაბურულ ტყეში გამოიჩეკა. ძლივს ამობობღდა კვერცხიდან, მიიხედ-მოიხედა, მაგრამ ერთმანეთში გადახლართული ხე-გვიმრების მეტი ...
დაეხმარე სახელის შერჩევაში
გამოიყენეთ გაჯეტები სწავლისთვის
გააცანით ბავშვს საგანმანათლებლო აპლიკაციები და ონლაინ რესურსები, რომლებიც ხელს შეუწყობს მის სწავლას.
