ტყის ექიმი
გიოს ბაბუა ტყისმცველია. მისი საქმე ტყის მოვლა-პატრონობაა.
ერთხელ ბაბუა ტყიდან დაღონებული დაბრუნდა.
-ბაბუ, რატომ ხარ მოწყენილი?-ჰკითხა გიომ.
-იმიტომ რომ ჩვენი ტყეა მოწყენილი,-უპასუხა ბაბუამ.
-ტყემ რატომ მოიწყინა?
-ტყე ავადაა, ჩემო ბიჭო! წელს ჭია-მატლი ძალიან გამრავლდა, ისინი კი ხეებს გულს უხრავენ...მკურნალი გვჭირდება, ტყის ექიმი!
ერთხელ ბაბუამ და შვილიშვილმა ტყიდან უცნაური კაკუნი გაიგონეს:
-კრრრ!კრრრ!-ნეტავ, ასე ვინ აკაკუნებს?
-ტყის ექიმი მოსულა! საქმესაც ადრიანად შესდგომია! წამო, გიო, ტყის მკურნალი უნდა გაგაცნო!-ბაბუა ასე რამ გაახარა?
გიოს უკვირს. მას ჰგონია, რომ ექიმი მაღალი, სათვალიანი კაცი უნდა იყოს, ცალ ხელში წამლიანი შუშით, მეორეში-ვეებერთელა კოვზით...ექიმს ტყეში რა უნდა?
აი, ტყეც!
-კრრრრ! კრრრ!-კაკუნი არა და არ წყდება. ბიჭი თვალებს აქეთ-იქით აცეცებს.
-ესეც ექიმი!-ბაბუა ხელს მაღლა იშვერს.
-ექიმს ხის კენწეროზე რა უნდა?-ბიჭი გაოცებულია.
-შენ კი გაიხარე, ტყის ექიმო, მართლა სანაქებო მკურნალო!- ბაბუას სახე უბრწყინავს.
საქმე თურმე რაშია!-უზარმაზარი ხის ტანს გრძელნისკარტა, შავი ჩიტუნა ფრთებით მიკრობია და ისე სწრაფად უკაკუნებს, თვალს ვერ შეასწრებთ. იმ ჭია-მატყლებს აშორებს, ხეებს გულს რომ უხრავენ.
ამ ექიმს არც წამლის შუშა აქვს, არც დიდი კოვზი...სახელადაც, უბრალოდ, კოდალას ეძახიან.
თუმცა ნამდვილ ექიმებს რით ჩამოუვარდება? ტყის ექიმი რითაა მათზე ნაკლები?
სხვა მოთხრობები
მხიარული ზაფხულია. პატარა ნიკოს და ანანოს დაჭერობანას თამაში უნდათ. - ნიკაა! -ყვირის პატარა ნიკო, -სად ხარ? დაჭერობანა ვითამაშოთ! აი, იპოვეს! ბიჭი ხის ქვეშ წა...
პატარა კესო ქვიშის სათამაშო კოშკს აგებს. კოშკი ძალიან ლამაზია. კესოს უხარია. ნიკამ დაინახა ქვიშის კოშკი, დაჰკრა ფეხი და დაანგრია. კესო ატირდა: - ამ კოშკს დიდხან...
დაღამდა. რახანია, თოლიები სანაპიროზე გაფრინდნენ. ზოგს ზღვაზე ყოფნა ურჩევნია, ტალღებზე არხეინად ირწევიან, ნებივრობენ. ზღვაურმა ოდნავ დაუბერა. ციდან ყველა ღრუბელი...
დინო პატარა დინოზავრი იყო. იგი ნესტიან და დაბურულ ტყეში გამოიჩეკა. ძლივს ამობობღდა კვერცხიდან, მიიხედ-მოიხედა, მაგრამ ერთმანეთში გადახლართული ხე-გვიმრების მეტი ...
გიგა პაპამ და გოგამ გოგრა დათესეს. გიგა გოგრას უვლიდა და აკვირდებოდა. გოგრა სწრაფად იზრდებოდა. მისმა მსხვილმა ღერომ და ფართო ფოთლებმა ლამის მთელი ბოსტანი გადაფა...
დედაჩემს დეა ჰქვია. ხომ ლამაზი სახელია? დედა-დეა. ერთი დ აკლია, თორემ სახელადაც დედა ერქმეოდა. დედაჩემი დედად მუშაობს, ჩვენ გვივლის, მე და ჩემს დაიკო მაგდას....
მათეს ძალიან უყვარს ფეხბურთი. უნდა ეზოს გუნდში თვითონაც იყოს, მაგრამ ბავშვები არ ათამაშებენ, ეუბნებიან, ჯერ პატარა ხარო. ამიტომაა, რომ მათე მარტო ვარჯიშობს, ბიჭ...
დღეს ვაშლის კრეფაა! დიდები და პატარები ხეხილის ბაღში არიან. უფროსები ვაშლს კრეფენ. ნატო და სანდრო დაკრეფილ ვაშლს არჩევენ. წითელ-წითელ და მსხვილ-მსხვილ ვაშლებ...
ჯოხს მობეზრდა ხეხილის ბაღში, ბალახებში უსაქმოდ ყოფნა და მწარედ ატირდა: - რამდენი ხანია, აქ უსაქმოდ ვიმყოფები, უკვე აღარავის ვჭირდები! როცა ხის ტოტი ვიყავი, სიც...
წვიმინი დღე იყო. დები-თაია და ნია ფანჯარასთან მოწყენილი იდგნენ. ისინი წვიმით დაფარულ პატარა ბაღს გაჰყურებდნენ. უცებ დებმა ჩიტუნას ჟივჟივი გაიგონეს. გარეთ, სახლი...
დაეხმარე სახელის შერჩევაში
ტელევიზორი საერთო ოთახში იქონიეთ
კვლევებმა არაერთხელ აჩვენა, რომ ტელევიზორის არსებობა ბავშვების საძინებელში მოქმედებს რამდენიმე ფაქტორზე, კერძოდ, ბავშვები მიდრეკილები არიან ჭარბი წონისადმი, ნაკლებად სძინავთ, სკოლაში დაბალ ნიშნებს იღებენ და ფლობენ დაბალ სოციალურ უნარებს. პ.ს. მშობლებს, რომლებსაც ტელევიზორი საძინებელში აქვთ, უფრო იშვიათად აქვთ „ახლო ურთიერთობა“.
