kids.ge logo

მზიანი პატარა ქოლგა

ფავორიტებში დამატება

იყო ერთი პატარა ქოლგა, რომელზედაც დიდი,  ყვითელი, მომღიმარე  მზე ეხატა.  მისი საუკეთესო მეგობარი ნიავი ნაზო იყო. მეგობრებს ერთხელ უთქვამთ,-მოდი, სულ ერთად ვიყოთ და კეთილი საქმეები ვაკეთოთო.  კეთილი საქმე არ იქნებოდა?- თუკი უცებ  გაწვიმდებოდა და რომელიმე პატარა ბავშვი წვიმაში მარტო აღმოჩნდებოდა, ნიავი ნაზო მას მაშინვე მზიან ქოლგას მიართმევდა. 

მზიანი ქოლგა ერთხელ პატარა ლიზიკოსაც დასჭირდა. გოგონა სკოლისაკენ მიიჩქაროდა, თანაც მხიარულად მღეროდა:

-დო-რე-მი-ფა-სოლ-ლა-სი! მივიჩქარი სკო-ლა-ში!

მოულოდნელად წვიმამ მიუმღერა:

-დო-სი-ლა- სოლ-ფა-მი-რე-დო! მეც იმავეს ვა-პი-რე-ბო!

-წვიმას სკოლაში რა უნდა?-გაოცდა ლიზიკო,-ვერა, ვერ წაგიყვან! შენ სკოლაში არ შეგიშვებენ!

-თუ ასეა, არც შენ გაგიშვებ სკოლაში, ლიზიკო!-წვიმა  ისე გაბრაზდა,  ლამის თავსხმად დაეშვა.

ლიზიკო სატირლად გაემზადა, მაგრამ უცებ ნაზომ მას მზიანი ქოლგა მიართვა. გოგონამ ქოლგის სახელურს ხელი სტაცა და სკოლისაკენ მოკურცხლა. წვიმა მას ფეხდაფეხ გაეკიდა, მაგრამ უცებ ქოლგაზე დიდი, მზესუმზირას ყვავილივით ყვითელი მზე დაინახა. წვიმას პირკატა ეცა, -იმას მზისა ეშინია.

გოგონა სკოლაში შევიდა, მზიანი ქოლგა კვლავ ნაზოს გაატანა. წვიმამ მახლობელი ტყისკენ გააბოტა.

ტყეში პატარა ციყვი- ბუთქუნა ბუზღუნებდა და ბუზღუნებდა:

-აბეზარმა წვიმამ ჩვენი ტყე სულ გალუმპა, ხის ტოტებზე თათები მისრიალებს და ვეღარ ვხტუნაობ. რა ვქნა, ფუღურომდე როგორ მივიდე!

ნაზომ ციყვს მაშინვე მზიანი ქოლგა მიართვა. ბუთქუნა ქოლგის სახელურზე დაეკიდა და ჰაიდა!-ფუღუროში პარაშუტით დაეშვა. გახარებულმა ციყვმა დაიძახა:

-ციყვებო! დებო! ძმებო! მოდით, ნახეთ ჩემი პარაშუტი!

ციყვებს შენ გააჩერებდი? ტყეში მაშინვე პარაშუტისტების შეჯიბრი დაიწყო.  წვიმას ეწყინა, გაიქცა და გაბუტული  მთის წვერზე შემოჯდა. 

მზემ გამოანათა. თურმე იმასაც მოუნდა პარაშუტისტების შეჯიბრების ყურება. 

-მაღლა მზეა,  დაბლაც მზეა! მე როდის უნდა ვიწვიმო?-წვიმა კარგახანს წიუწუნებდა.

დღეიდან გახსოვდეს, თუ უცებ წვიმაში უქოლგოდ დარჩები, ნუ შეგეშინდება, მაშინვე მზიანი ქოლგა გამოიძახე. ნიავი ნაზო მას მაშინვე შენთან მოაქრიალებს.

კარგადაც მოიქცევა!

ასაკობრივი შეფასება ამ ნაწარმოებისთვის ჯერ არ არის მითითებული.

სხვა მოთხრობები

სკასთან მომხდარი ამბავი

ბურდღუნა დათუნია ბუთა ტყეში უსაქმოდ დაეხეტებოდა. ნაძვის ნერგს დაეჭიდა, - დიდმა ხეებმა დაუტატანეს, - არ გადატეხოო. ნეკერჩხალზე აცოცდა, - ჩიტუნია რიამ გაკიცხა, ბუ...

წყაროს ამბავი

- მე ქვეყანას სინათლესა და სითბოს ვაძლევ! -თავს იწონებდა მზე. - მე მაცოცხლებელ წვიმას, -გაიძახოდა ღრუბელი. - მე ხომ უხვი წყლით ვარ ცნობილი! -გაიძახოდა მდინარე...

დედის სიყვარულის ძალა

წვიმინი დღე იყო. დები-თაია და ნია ფანჯარასთან მოწყენილი იდგნენ. ისინი წვიმით დაფარულ პატარა ბაღს გაჰყურებდნენ. უცებ დებმა ჩიტუნას ჟივჟივი გაიგონეს. გარეთ, სახლი...

კეთილი ჯადოქარი ჯანო

დარეჯანმა თავისი ჯადოსნური ფუნჯით ჯადოქარი ჯღუნა დახატა. ამ დროს ჯაბამ დაუძახა. დარეჯანი ჯაბასთან გაიქცა, ნახატზე ჯღუნა გაცოცხლდა. მიიხედ-მოიხედა და მშვენიერი თ...

ჭიამაიას ზღაპარი

მაშინ ჭიამაია მწერი კი არა, ელფი იყო-ყვავილების ფერია. სახელად მაია ერქვა. პაწია გოგონას წითელი, შავად დაწინწკლული კაბა ეცვა და გამჭვირვალე ფრთები ჰქონდა. მაია ...

გმირი

პატარა გიორგი ოცნებობს; - ახ, ნეტავ, ფეხმარდი ცხენი მყავდეს! ნეტავ, რკინის პერანგი მქონდეს და ბასრი ხმალი! - რკინის პერანგი და ხმალი? -ბებო იცინის, -ნეტავ, რა...

გაიხარებენ!

დღეს ვაშლის კრეფაა! დიდები და პატარები ხეხილის ბაღში არიან. უფროსები ვაშლს კრეფენ. ნატო და სანდრო დაკრეფილ ვაშლს არჩევენ. წითელ-წითელ და მსხვილ-მსხვილ ვაშლებ...

ვინ რას აკეთებს

ტასო დიდ ოჯახში ცხოვრობს. ამ ოჯახის ყველა წევრი თავისი საქმიანობით  ამაყობს.   -ჩვენ ყველანი სხვებზე ვზრუნავთ,-ამბობენ ისინი. -როგორ ზრუნავთ? რას აკეთებთ?-უკ...

ვისია ეს სახლი?

სახატავ ქაღალდზე ქრისტინემ სახლი დახატა. სახლი პატარაა, თუმცა ნამდვილს არაფრით ჩამოუვარდება. აქვს პატარა კიბე, პატარა კარი და ორი პატარა ფანჯარა. ფანჯრები თითქო...

გვირილები

მწვანედ მოხასხასე მინდორზე გვირილებმა გაახილეს თვალი, პირველად მზე დაინახეს და მაშინვე შეუყვარდათ: - რა ლამაზია! როგორ გვინდა, ჩვენც მზეს ვგავდეთ! როცა ერთმან...

ნახატი მოთხრობები

ამ ნაწარმოების თემაზე ბავშვებს მიერ შექმნილი ნახატები. თუ შენც გაქვს რაიმე დახატული, გაუზიარე ის სხვებს!

გამოგვიგზავნე შენი ნახატიც
 

დაეხმარე სახელის შერჩევაში

დაეხმარეთ ბავშივს სახელის შერჩევაში ჩვენი საიტის ერთიერთ მომხმარებელს. თქვენი აზრით, რომელი სახელი უფრო მეტად ეწყობა ან უხდება გვარს: ბერძენიშვილი:


Kids.ge-ს რჩევები

დააწესეთ ლიმიტი სოციალური მედიის გამოყენებისთვის

განსაზღვრეთ დრო, რომელსაც ბავშვი ატარებს სოციალურ მედიაში, და აკონტროლეთ მის მიერ გამოყენებული კონტენტი.

Kids.ge-ს რჩევები
სოფი მაჭავარიანი - ბება და წითელი ბოტები (ზღაპარი)
სოფი მაჭავარიანი - ბება და წითელი ბოტები (ზღაპარი)

ბება და წითელი ბოტები იცოდი? წელიწადს ოთხი დრო აქვს: ერთი, ორი, სამი, ოთხი… გაზაფხული, ზაფხული, შემოდგომა და ზამთარი. ახლა შემოდგომაა — ხეებს ყვით...

ყველა უფლება დაცულია.
kids.ge © 2011 - 2026